علمي غيري يحبـك علميـه الاحتمـال

[راضي]

ساكب العطر انتهينا واحترق جمر الدلال
يافيافـي ودعينـي لاتزيدينـي حنيـن = اتركيني يافيافي فـوق حبـات الرمـال

امنحي غيري حنينك افطمي ذاك الجنين = علمي غيري يحبـك علميـه الاحتمـال

اكتبي للشمس موعدواخلفي وعد السنيـن = سجُلي في ذكرياتك قصًة احلام الخيـال

كم ظلمتي؟ كم غدرتي؟كم لثمتي بالوجين = كم تخيلتي عروقي تحتمل لحظـة قتـال

مابقى فيني بقايا ماعدا صـوت الانيـن = وادعيني سامحيني اكتبـي فينـي مقـال

اجرحي قلبي بسيفك وارسمي فوق الجبين = علميهم كيف عبدك ::مال عن دنياك مال

عاذلي منها انتهينا( ذا ) قراري واليمين = ساكب العطر انتهينا واحترق جمرالدلال