شيب قبل الأوان

[ذات الشان]

إهــــدآء لـــكــــل من شآآب شعرهـ
وترى الشيب من الحنكة والدهــآء والمكر
عيرتني بالشيب وهو وقـَـآرُ ... يــآليتـــ هـ ــآ عيرتني بمـــآ هو عـَـآرُ





قصيدة الشيب
اهداء لكل من ارعبته شيبه ظهرت على حين غره

وصلتني على الايميل





الشيب شفته في المرايه وصــديت
ماكنت أصدق إن ذا الشيب فيه



أثر الزمان يطوي رحاله ووليـــت
وراحت سنين العمر وش هي البقيّة

من بعد شفت الشيب في الرأس حنيت
حنيت لسنين(ن) توالــــــت عليه

سنين ذقنا المــــر فيها تجنيت
ويااا كم تكبــــدنا صنوف البليّه

ذقت الحلا في بعض منها وتهنيــت
مرت عليّ مر الصبح والعشيــَه

وسنين يا كم تهت فيها وتماديت
ما بيــن سب وظلم ولا قفيّه

ويا كم تحملت المعاصي وجـــريّت
جريتها ومثيل جر المطيـــــّه

وسعيت في الدنيا وكم صبت واخطيت
واللي مضى ع النــاس يمضي عليه

ودارت بــــي الدنيا ولا يوم ونيت
وقضيّتهـــا مابين شمسٍ وفيّه

يــا مرحبا بالشيب من يوم حليّت
تظـهر على نفسي أمور غبيّه

يالشيب ما خوفت قلبي ولا أحديت
إلا مواريــــــــــد(ن) بتقبل جليّه

إنــــــت النذير إلي على الباب طليت
ووصلـــــــت حد الباب وش عاد ليّه

ما عاد لي إلا التوبة إن كاني أزكيت
وسألـــــت أنا المولى ورب البريّه

وقلت توبــــي يا نفس قبل ياليت
ماعـــــاد ينفع ياليت وقت المنيّه

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطيه





وعلـــى الرسول ازكى سلام وصليت
اعداد مـــــــا هلت نزول النجيـــــــه

[capitano]

انت النذير الى على الباب طليت....
ووصلت حد الباب وش عاد ليـــه
.............

بس اول مره اسمع(اقرا) الشيب دهاء و مكر...ايش مرجعك فى هذا يا جدة عيال فارس بعد عمرن زيد اطول

[المسكت]

اللهم صلي وسلم على محمد

ذات الشان
شكراً لك وإختيار رائع منك
جميل أن يقف الانسان مع نفسه وهذا ماتجلى في قصيدة الشاعر
هلابك في عطر الكلمات ويعطيك العافيه
احترامي وتقديري
اخوك

[ذات الشان]

انت النذير الى على الباب طليت....
ووصلت حد الباب وش عاد ليـــه
.............

بس اول مره اسمع(اقرا) الشيب دهاء و مكر...ايش مرجعك فى هذا يا جدة عيال فارس بعد عمرن زيد اطول

اهلا بيك ياكابيتانو
لامرجع ولاهم يحزنون هذا الكلام اللي قبل الابيات ملطوش مع القصيده من الايميل بدون تعديل

ولو اعرف مين اللي مرسل الايميل للقروب كان سألته عن مرجعه

عموما ترا الشيبان دهاه وانت عارف انه كل ما كبر الانسان كبرت خبرته ومعرفته بالدنيا


والقصيده والله على الجرح لان اذا جيت الا هنا شيبه ماتدري كيف ومتى ومن وين جات تعرف ان الانسان بدا مرحلة الوصول للدهاء .

هلابك وفارس هنا يتمنى لك طول العمر

[بن ظافر]

ذات الشان الله يعطيك العافيه والله ما قالها إلا واحد أنحاس في ذا الزمان الغابر الله يعنه وحن معه ويكفي

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطيه

[عود الليل]

بدري عن الشيب
لاكن كل ما طفش بوي شغلها عالجوال

الف شكر اختي ذات الشان

[ذات الشان]

اللهم صلي وسلم على محمد

ذات الشان
شكراً لك وإختيار رائع منك
جميل أن يقف الانسان مع نفسه وهذا ماتجلى في قصيدة الشاعر
هلابك في عطر الكلمات ويعطيك العافيه
احترامي وتقديري
اخوك


هي وقفات تناسب الكل خاصة وان الشيب في هذه الايام غزا حتى رؤوس الاطفال للاسف
و اشكرك المسكت
وان شاء الله تكون لي زيارات مقبله لقسمكم تكون اجمل

يعطيك العافيه

[ذات الشان]

ذات الشان الله يعطيك العافيه والله ما قالها إلا واحد أنحاس في ذا الزمان الغابر الله يعنه وحن معه ويكفي

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطيه

اذا كبر الانسان وقفت له الدنيا قام يدور له شماعه يعلق عليها همومه واول واكبر شماعه هي الشيب
هو مفزع اول ما تجي راسك بدا فيه لمعان اعرف ان الدعوى فيها ان

مشكور بن ظافر وحياك الله

[نوووسه]

يعطيك العافيه ياذات الشان

ولو اني عتبانه عليك..!!!

[Oscar]

زين طمنتيني طلع براسي شيبتين قاعد افكر شلون اشيلها
بس دام انك قلتي مكر ودهاء بطلت
يعطيك الف مليون عافية

[حـلــ الروح ـــوة]

يعطيك العافيه ذات الشان
قصيده روووعه
واتوقع كاتب هالقصيده الشاعر .. فارس القرني
تحياتي لك ولاعدمناك

[ابو بندر]

ما يعقلها الا شايب يا ذات الشان وأما هذه القصيده فهي لشاعر زهراني من تهامه
القاها بالتلفزويون قناه الساحه وهو شايب بالفعل وشاعر بس كلامه صحيح بالمئه
الشيب وقار والشيب انذار
دمتىبخير

[((ابوالعز))]

يعكيك العافيه ذات والله انها ادب...........................................

[حروف الغلا]

ماقصرتي اخت ذات الشأن
مشكوره على النقل الموفق

احسن بيت عجبني فيها

إنــــــت النذير إلي على الباب طليت
ووصلـــــــت حد الباب وش عاد ليّه




تحيـ,,,ـــاتي

[ذات الشان]

بدري عن الشيب
لاكن كل ما طفش بوي شغلها عالجوال

الف شكر اختي ذات الشان

تعرفها من قبل يعني ؟
انا اول مره اقراها واعجبتني جدا لان الكثير الان يعاني من شيب مبكر فقلت من باب جبر الخواطر نقراها


يعطيك العافيه شرفتني بمرورك

[ذات الشان]

يعطيك العافيه ياذات الشان

ولو اني عتبانه عليك..!!!

الله يعافيك ويبارك فيك
بس ليه العتب ؟ وابشري بالحق من عيوني

[ذات الشان]

زين طمنتيني طلع براسي شيبتين قاعد افكر شلون اشيلها
بس دام انك قلتي مكر ودهاء بطلت
يعطيك الف مليون عافية

ايه خلها وقار كمان خاصة ان كانت في جوانب الراس ويقولون انه كلما شلتها رح تطلع مره ثانيه لانه خلاص هي صار لونها من البصيله حقتها كذا فاحتفظ بها
احسن .
شرفتني وياهلابك

[ذات الشان]

يعطيك العافيه ذات الشان
قصيده روووعه
واتوقع كاتب هالقصيده الشاعر .. فارس القرني
تحياتي لك ولاعدمناك

واضحه من المعاناه اللي فيها انها لشاعر جنوبي
اشكرك ياغاليه وياهلابك

[ذات الشان]

ما يعقلها الا شايب يا ذات الشان وأما هذه القصيده فهي لشاعر زهراني من تهامه
القاها بالتلفزويون قناه الساحه وهو شايب بالفعل وشاعر بس كلامه صحيح بالمئه
الشيب وقار والشيب انذار
دمتىبخير
ابو بندر
كلماته رائعه هذا الشاعر وقالها من قلب فعلا

اشكرك للتوضيح والمرور وياهلابك

[نوووسه]

الله يعافيك ويبارك فيك
بس ليه العتب ؟ وابشري بالحق من عيوني


كتبت هذي المشاركه
لمن اكلتيني المقلب :d

[الأزدية]

إِذا لَم يَشِب رَأسٌ عَلى الجَهلِ لَم يَكُن **** عَلى المَرءِ عارٌ أَن يَشيبَ وَيَهرَمـا

ذات الشان

يعطيك العافية