توما لبست شماغ وانتي عبايه ؟؟

[توليب]

يازين يوم اني انا وانتي صغار
توما لبست شماغ وانتي عبايه

بالطول ماناصل ولا خمسة اشبار
دايم نقيس اطوالنا بالمرايه

مابيننا شين نخبيه واسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وانا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي ياراشد ياويلك من النار
اخاف واستسلم وابين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي اسفه يا غلايه

واصدقك وافرح بعد ذيك الاعذار
واجيك لا حاقد والا احمل وشايه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وافكر انتجها بفلم وروايه

[حـلــ الروح ـــوة]

هذي طفولتنا براءه وتذكار
دايم نحن اليا ذكرنا البدايه


يعطيكي العافيه خانتني

ذووق والله


تحياتي لكـ

[الادهم الازدي]

تسلمييين كلك ذوووق

[روح القصيد]

http://www.alfrasha.com/up/774888834148568848.gif
شكرا لك على الموضوع الرآإئــع ..~
كلك ذوق وبصمه مميزه ..~
لاعدمنا طرحك الرآئع ..~
ربي يسعد لك أيــآمك ويحفظك ...}
http://www.alfrasha.com/up/308528071121528564.gif
تحيه لك من القلب معطره..~
بكل مايحمله هذا الكون من رائحه زكيه..~
ولك جزيل الشكر على هذا التميز والأبدآع..~
ومشــآركتـــك الأروع..~
دمتي لنـــآ ودآم تألقـــك ..}
http://www.alfrasha.com/up/774888834148568848.gif

[Oscar]

بس لو اشوفك مع بشرغيري اغار
لو كان اخوي أو من أعز اصدقايه



الغاليه توليب

اشكر لكــ هـذه الذائقهــ الرائعه
التي تحمل بــداخلــ طياتهـا الكثيــر
من المعانـــــ والحقائق الجميله ــــي
لا عدمــنــاكــ غـــــــــــــــاليــــتـي ..

[انا الهوى الغايب]

اي والله صح لسانك,,,,,ومن جد ياليتنا ملبسنا شماغ ولا عبايه,,


ربي يسعدك على هيك قصايد