تسجيل الدخول

مشاهدة النسخة كاملة : سألتها

دروب المحبة
05-06-2003, 12:17 AM
سألتها ليه البحر ساكن عيونك

جاوبتني للغرق

سألتها ليه السواد اللي في عيونك

قالت للأرق

سألتها ليه الخدود

قالت عبق

سألتها هي رقتك مثل النسايم و الورود

قالت لي لأ يمكن أرق

سألتها عن حسنها كنه يقول ماللشعر فيني حدود

قالت صدق

سألتها يا اغلى الأنام .. وشو الغرام ؟؟

قالت لي انك ما تنام .. و أوهام

وتنتظر شمس اللقا و ما تجي شمس اللقا

ومشوار ما يعرف وصول

ولحظه بها كل الفصول

وقلب واحد يحترق

وبعض الصدق

ووقت عصيب و يتبعه وقت عصيب

ولين يتعدى الصباح

وجراح تدمى لو تطيب

وفي الأخير .. خل عن خل افترق

وفي الأخير كل النهايات الفراق

ما في فرص

مافي نهايات بلقا إلا في خيالات القصص

سألتها وش هو الوفا ؟؟

قالت كفى .. النور من ضيي اختفى

والليل في عيوني غفى

اترك كثير الأسئله .. اسأل عن عيوني و كفى

اسألني ليه البحر ساكن عيونك ؟؟

ليه السواد اللي في عيونك ؟؟

سألتها جاوبتني للغرق .. للأرق

سألتا عن حسنها كنه يقول

ما للألم فيني حدود

قالت صدق ..

الشاعر الأمير عبدالرحمن بن مساعد:eek:
المسكت
05-07-2003, 05:36 PM
يعطيك العافيه اختي دروب
اشكركواشكر لك
إعجابك بما نقلتي
تقبلي تحياتي
المسكت
دروب المحبة
05-08-2003, 01:45 PM
هلا وغلا اخوي المسكت
اشكرك على تواجدك المستمر
والله يعطيك العافيه
السفوح
05-08-2003, 07:37 PM
دروب المحبة

أهديك وردة جوريه مخمليه

لكل حرف

ولكل نبض

شكرا لهذه الاختيار

لك عاطر التحية

السفــــــــــوح
رعد الجنوب
05-09-2003, 01:26 PM
مشكوره اختي دروب المحبه على هذه المشاركه الرائعه

والله يعطيك الصحه والعافيه

رعد الجنوب
دروب المحبة
05-09-2003, 11:02 PM
هلا وغلا اخوى السفوح
يسعد الله ايامك بالمسره
اشكرك على كلماتك الرقيقه والرائعه
تحياتي لك
دروب المحبة
05-09-2003, 11:04 PM
هلا وغلا برعد الجنوب
حياك الله بالنور والسعادة والسرور
يعطيك الله الف عافيه
على تواجدك المستمر وتشجيعك
ارق التحيات لك