الرياض والله ماعاد ينطاق...! الوضع لا يُحتمل...!

[سيف الساهر]

بسم الله الرحمن الرحيم.


الرياض يا أخوان والله ماعاد ينطاق

بصراحه فيه زحمه عجيبه


يعني قبل اشوي عشان أوصل من طريق الملك عبدالله إلى هايبر بنده استغرقت نصف ساعه

وأمس من طريق الملك عبدالله من جهة مخرج عشره إلى أم الحمام استغرقت 40دقيقه

وقبل يومين على الدائرى الشرقي زحمه عجيبه قعدت قرابه الساعه من مخرج 17 حتى مخرج 10


ونفس الشيء في باقي أنحاء الرياض



مدري إلى متى بتظل هالمشكله

مافيه حلول؟؟؟


لأن الوضع ..... لايُحتَمل!!!


يعني وأنت واقف عند الإشارة.. تحتري واحد بس يغلط عليك..

عشان تنزل وتطب في بطنه وتحط حرتك فيه


لا و يطالبون بقيادة المرأة بعد...!!!


كثير اعرفهم نقلو الى المدن الصغيره والبعض رجع القرى والارياف وذلك لاارتفاع

غلاء المعيشه وارتفاع ايجارات المنازل والعمائر وشدة الزحام والاجواء الملبده بالدخان


وصراحه لو انا معلم كأن نقلت اليوم قبل بكره للديره


الوضع لايحتمل ابدا ابدا شى عجيييييييب!!!

[عود الليل]

الحمد لله لا عندنا زحمه ولاشيء
الله يعينكم
تحياتي

[رجة بس رزة]

ههههههههههههههههههههههههههههههههه


حلو الموضوع ...

أمـــا هذي مـــــــــرهـ تجنن ..لا و يطالبون بقيادة المرأة بعد...!!!

ليه وش ناقصنـــــــــــــــا ؟؟

لا لا أمـــزح ..

بس شدني الموضوع ومـــررهـ حــلـــو ..

الله يعينكم و الله حتى احنا هنا مررررررررهـ زحمه بـ (( الطائف )) ..

يمكن لأنو الجو مرررهـ رووعه هالأيّــام ..

بس اش نقول ما بيديننا حيــله ..

تحياتي سيـــف .. و الله يعينكم ع الحــر و الـــزحمه ..

[بن فارس]

لا تلومنى يا ابو محمد

الله يا ايام زمان

بعدين وش وداك ام الحمام لا تكون رجعت الملعب

تراك مقروع لو لعبت فيه الملعب عليه خصم

[غلا.....ي]

طرحك في محله ولا تشكي لي أبكي لك ....
بس أتوقع لو قادت المرأه السياره وكثرة مضايقاتهم لنا في الشارع بعضهم أتوقع لو يقعد ثلاث ساعات من مخرج 17 لين 10 الأمر عنده عادي ... هههههههه

[المسكت]

سيف
فالك الطيب اقصد البيرق ولايهمك
سوف يتم أنشاء خطوط جويه بين احياء مدرينة الرياض قريباً

ياخي اللي سبب الزحمه ماغيرنا
بعض البيوت فيها خمس ست سيارات وكل واحد يطلع بسيارته وهذا اقل شئ
ثاني شي بعض التحويلات تدوم طويلاً في بعشض الشوارع لإنها مشروع مد كيبل
ثالث شئ امانة مدينة الرياض ماهي مسؤله عن الزحمه

رابع شي اتمنى لك شوارع فسيحه لكي لاتزعل وتنزل تتوطى ببطن احد


خامس شي إذا خفت العماله الهملانه لقينا السعه
وسلامتك

[فارس بني عمرو]

سيف الساهر

يعطيك العافيه

تصدق ان شيباني في الرياض واذا قمت بزيارتهم خلال الخميس والجمعه اقضيها معهم في البيت ولا احاول الخروج

الا في الضروره القسوه وذلك بسبب الزحمه وارتفاع الضغط من سواقة بعض الشباب المتهور يعني خلها على ربك والله


يعنكم


والله تعاطفي كبير مع معانة اهل الرياض من خبره سابقه ومشاهدة الفرق في المدينه المتواجد بها حاليآ..

[سيد الموقف]

الرياض لم تعد مكانا للإقامة

ولكن أهل الرياض دائما يصعب عليهم فراقها


تمنياتي بالتوفيق لكم




سيد الموقف

[ذات الشان]

الزحمه في كل مكان وكل المدن بدات تضيق بمن فيها اي مشوار مدته الفعليه ربع ساعه اصبح يستغرق ساعه

واصبح الكل يغني ( زحمه يادنيا زحمه ....... زحمه ولا عدش رحمه )


سيف الساهر

قبل لاتركب السياره تعوذ من ابليس نصيحه


ويعطيك العافيه

[أبو ريان]

سيف الساهر ..
الله يعيينكم بالفعل على شدة الزحام الحاصلة بالرياض ..
والحقيقة نحن نشعر بها في أبها أوقات الذروة فقط أمّا باقي الأوقات فهي معقولة نوعاً ما ..
يبدو أن للفارق السكاني دور كبير ولا أخفيك بأن التخطيط له دور هام في تفادي مثل ذلك ..
لله الحمد نحن هذه الأيام نعيش فترة أمطار غزيرة على الجنوب وهو ما يخفف علينا الكثير من مثل هذه الزحامات وكذلك قد لا تشعرنا بما أنتم فيه فنسأل الله لكم كل خير ..
لك التقدير ..

[محمد العمري]

مرحباً بالكريم سيف الساهر ..كيف حالك يالغالي .. اشتقنا لك ولسوالفك الطيبة ..!!

والله يا أخي الكريم ... أن الحياة لا تطاق في كل مكان مزدحم ... فما بالك إذا كان مزدحم وحار ومكتوم ويشوبه غبار ودخان ...فـ الله يخارجكم يا أهل الرياض ويعينكم على ما أصابكم ... والحمدلله ما جيت الرياض إلا في أيام الإجازات التي تكون فيها الرياض خالية من الزحمة الشديدة ... وخبري فيها قديم .. ولكن عندي أحد أخواني .. يقول لا تطاق .. حتى لو كانت المعيشة فيها ببلاش ..!!!

وأنا ترى من النوع اللي أكره الزحمة والإنتظار في زحمة الطرق خاصة إذا كانت الأجواء حارة ..فأنا مدمن برد ... وخاصة أنني عصبي وأي شرارة تشب نيران الغضب .. والله يكفينا شر العصبية وما تخلفها من أضرار مادية وبشرية في السيارات القريبة والأوادم المتسببين في إثارة هذه الشرارة .. :d ..!!

على كل حال .. غلاء الأسعار في كل أنحاء العالم وكل يوم نسمع مظاهرات في الدول على غلاء الأسعـار وبلا فائدة تُذكر .. ولكن يمدحون تركيـا .. ناوي إن شـاء الله أكمل الماستر هناك .. في الجو الحلو والحياة الجميلة والوجوه البشوشة والجميلة .. والله يخلي لنا اليوزبشاوات اللي دلونا على الطريق الصحيح نحو اسطنبول .. وأنصحك يا سيف الساهر .. اتجه إلى الأعمال الحرة .. لتصبح إنسان حر بعيد عن التزامات العمل .. والله يوفقك وجميع الكرام ..!!

لك التحية والتقدير ..!!

[صالح آل سلمان]

بالفعل كلامك صحيح
الرياض بموجز الكلام
لا تطاق
ولكن وين نلقى احلى منها
تقبل مودتي
ابو عبدالله

[الدكتور عبدالله]

أخي سيف الساهر مرحبا بطرحك ومعاناتك
هل تريد حلاوة الرياض وخصائصها الجميلة التي لاتكاد توجد في مدينة من مدن المملكة الحبيبة تريدها خالية من المنغصات إن هذا يتعارض مع سنة الحياة فكلما زادت حلاوة الشيء كثر حوله التعب فدون العسل أبر النحل ودون الورد الشوك
أعاننا الله وإياك يا سيف الساهر

[سيف الساهر]

الحمد لله لا عندنا زحمه ولاشيء
الله يعينكم
تحياتي


الله يهنيكم اخوى عود الليل

ممكن تقول لنا فى اى مدينه انت؟

عشان نجيكم ونفتك من هالزحام:d


يعلم الله انها يوميا

اصدق التحايا لك


سسسسسسسيف

[فايز العمري]

سيف الساهر

شوف حبيبي نحن العرب ننفذ المشروع وبعدين نفكر بالحلول للمشاكل

[سيف الساهر]

ههههههههههههههههههههههههههههههههه


حلو الموضوع ...

أمـــا هذي مـــــــــرهـ تجنن ..

ليه وش ناقصنـــــــــــــــا ؟؟

لا لا أمـــزح ..

بس شدني الموضوع ومـــررهـ حــلـــو ..

الله يعينكم و الله حتى احنا هنا مررررررررهـ زحمه بـ (( الطائف )) ..

يمكن لأنو الجو مرررهـ رووعه هالأيّــام ..

بس اش نقول ما بيديننا حيــله ..

تحياتي سيـــف .. و الله يعينكم ع الحــر و الـــزحمه ..


وازيدك من الشعر بيت اخوى رجه بس رزه

زحمه وغبار:d

ربك يسهل

اسعدنى حضورك وتعليقك

تحياتى


سسسيف

[العزابي]

الله يوفقك راعي موضوع .. والله بالنسبة لي إذا جيت لم الرياض أستانس ... وناسة من جد

ياخي حنا ما نشوف الزحمة ذي ولم نعرفها أبد فلو ياحبذا ترسلون لنا كم سيارة يسوون

عندنا شوي زحمة يكون لك الفضل :)


تحياتي

[سيف الساهر]

لا تلومنى يا ابو محمد

الله يا ايام زمان

بعدين وش وداك ام الحمام لا تكون رجعت الملعب

تراك مقروع لو لعبت فيه الملعب عليه خصم


اقول يابومشعل الله يسقى ايام زمان


حتى الغبار ذا ماكنا نشوفه


وملعب ام الحمام لازال فى الذاكره وسيبقى الى الابد

ولو قرعتنى يكفينى اروح اجلس عند الطلحه واقعد تأمل :d


نرجع لمحور حديثنا اللى ودانى هناك وزاره الداخليه

مرينا بيت بونسب تعرف بيته مقابل الملعب االله يهنيه :110103_roller_prv:

وابتداء المشوار فى زحمه الرياض من جديد


الا اشرايك فى هالغبار اليوم تعودنا ربوع وخميس وجمعه :lac:


يسلمو عالمرور وعالطله الحلوه يادفاعنا الباسل

تحياتى لك

اخوك .......................سسسسسسسسسسسسيف

[عذب السجايا]

ابو محمد الله كم احب الرياض ههههههههه

الخوف ان القادم احلى........الله يستر

[بنت رجال ما تنطال]

مرحبا ...
صحيح يابو محمد ماتفضلت بذكره ، لكن أنا ما أقول إلا :
{ الله يعز الرياض بحره وسمومه ، وبرده وصقيعه ، وغباره وزحمته وكللللللللللللللللل مافيه من زين وشين }
وشكككككككككككككككككككككككككرا ...

[سيف الساهر]

طرحك في محله ولا تشكي لي أبكي لك ....
بس أتوقع لو قادت المرأه السياره وكثرة مضايقاتهم لنا في الشارع بعضهم أتوقع لو يقعد ثلاث ساعات من مخرج 17 لين 10 الأمر عنده عادي ... هههههههه

غلا...............ي هههههههههههههههههههه الله يرجك

ليتك او تشوف جو اليوم غبار مع دخان مع رائحه مصانع


ربك يسهل تسلم على مرورك العطر