قصيدة شاب على فراش الموت لأبيه

[حـلــ الروح ـــوة]

هذه قصيده قالها شاب على فراش الموت:


يــابـــوي ليه تبكي كل ماشفتك عينيّ
تخاف أموت يابــوي وقبل الموت تبكيني
تكفى يابوي لاتبكي وانا موجود معك وحي
أجل بعد الرحيل شلون في قبري توطيني
يابوي لو تموت الناس ماتسوى دموعك ذي
وأنا يابوي ميت قبل أموت وانت محييني
قسم بالله يابوي لأجل عينك شربت الغي
تجرعت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي وتحت أقدام رجليني
يابوي ماعلى عمري حسافه ولابقى بي شي
ولكن بأطلبك يابـــوي تكفى لاتخلينـــــي
يابوي مابي غيرك يغسل جثتي بالمــــي
وتكفى قبل لاتكفن يابوي فك لي عيني
بأمر الله يمكن ألمحك وارحل وفي عيني ضي
وأودع وجهك الطاهر مع دنياي وسنيني
وخل الناس تحملني وترفع راسي ورجليّ
وتاخذني على قبري وتكسب اجرها فيني
وإذا جيت القبر يابوي نزلني شوي شوي
ووجهني لبيت اللـــــــه وقبلة المصليني
وحط الطين وادفني وعز اللي يعزيك فيّ
ثلاث ايام يـــابوي يواسيك المعزينـــي
ورابع يوم يابوي تذكر ضحكتي وعينيّ
تذكر وش كنت اقول يوم انك تناديني
تذكر وين كنت أنام في ظل النخل والفي
تجي يمي تصب الماء على وجهي تصحيني
تذكر جرة الموال وصوت في حباله كي
تذكر يوم اغنيلك قصيدي وانت توحيني
تذكر ضحكتك يابوي لاقلت عشقي هي
تذكر كم قصيده خافيه مابينك وبينــــي
تذكر كل شي كان واذكر يوم انا حي
ولكن أسألك بالله تكفى لاتبكينــــــــي



وسلامـــــــــــــــتـــــــــــــــــكـــــــــــ ــــم

[السيف الصقيل]

الله يعطيك العافية