انا بنت رجال

[رافعيه]

انا بنت الرجال اللي يعزون الخوي والضيـف

انا بنت الرجال اللي تنومس مـن حكـا فيهـا

انا بنت الكريم اللي يزبن من من وطاه الحيـف

انا مـن لابتـن ماهـو موفـق مـن يعاديهـا

اعرف ان الرجال رجال ماتمشي دروب الزيف

واعرف ان الضعيف ضعيف نفسه دوم مذيهـا

وبما اني عزيزة نفس ماني حاسبـه لضعيـف

لعلـه يفهـم التلمـيـح دام انــي بعديـهـا

وبكتبها هنا جملـه صريحـه مابهـا تزييـف

ترى اسلوبي مع ردودي تفسر عكس مابغيهـا

وانا ردي يجي عادي وطبعي ماعرف تكليـف

ولكنـه ضعيـف النفـس بأفكـاره يسريـهـا

ولأني أدري ان الناس ما تاتي على ادنى كيف

انا بصبر على هـاذي وحـذر قبـل اداويهـا

ترى بعض البشر تمشي بكلمة والبعض بالسيف

وكثير أشخاص رمشة عين تقربهـا وتوديهـا
منقوله بس هذا الواقع0000000
تحياتي لتاج راسي

[المسكت]

رافعيه
جميل مثل ذلك الفخر والافتخار

إختيار رائع دمتي ودام شموخك وكلك ذووق

اخووك

[غيهب الرعب]

جميل جدا الفخر والاعتزاز ......اعجبني البيت الي يقول:.انا بنت الرجال اللي يعزون الخوي والضيـف...........انا بنت الرجال اللي تنومس مـن حكـا فيهـا ..(.والله والنعم )....مشكوره يا الرافعيه..............أخوك((غيهب الرعب))

[ظــافـر الـعـمـري]

ونعم يا بنت الرجال يالرافعيه

الله يخليلك تاج راسك والدك والله يطول في عمره ويجعلك ذخر وعز وفخر لوالديك 000 اللهم امين

ابيات جميله تعتز بالافتخار 00000تقبلي تحياتي

[رافعيه]

اشكر تـــــواجـــــدكم وحضــــوركم
في متـــــصفحي الـــذي يســـعدني
دائــمأ
لكم ارق واطيب تحية