يا من تبغى محاوره .. هاك

[أزرق العود]

السلام عليكم ورحمة الله

أبشروا بالجديد ولانبغى مخيله

سلامٍ أغلى من الألماس والمالـي
سلام يا منتدى للضيف مدهالــي
هذا ولد عمي وهذا ولد خالــــي
والنار ما تحرق الا أقدام واطيها

ياهل المعروف والطيب والراي السليم
يا رجالٍ بالمكارم تعـــــديتــوا الأنـام


نبغى نحاور شويعر صافي النيه
نأخذ ونعطي معه ميه على ميه
وإن كان كثروا قلبناها رباعيه
والنار ما تحرق الا أقدام وطيها

خبروني وش حصل بين جده والقصيم
في مطوع راح جده وحصلها عـــدام

<>

أزرق العود

[أزرق العود]

لا مخيله ولا شعار

الله كريم

<>

أزرق العود

[سيد الموقف]

هلا بازرق العود

استلم


يا مرحبا والوفاء منا وجا منا
يا شاعر نحسبه منا وهو منا
يمكن نمن له وهو بالحيل يامنا
والنار ما تحرق الا رجل واطيها

مرحبا والشعر يمشي بخط مستقيم
وان تعدى صاحبه نجعل جلوسه قيام


طلبت منا شويعر ماحدٍ جالك
وجيتك على شان ما تبكي على حالك
يا هابط السوق رح جود على مالك
والنار ما تحرق الا رجل واطيها

المطوع قصته من خيالك يا فهيم
ولا يمكن حلم ليلٍ سرى لك في المنام

[غرمان بن عزيز]

يالله قوهم يالله قوهم واصلوا ونحن متابعين ومعجبين 0

[أزرق العود]

صح لسانك وجمل حالك

أستلم

حيا الله الشاعر الي غايبٍ مده
أنشد عنه قالوا الرجال في جده
والبحر الاحمر يجزر الموج ويمده
والنار ما تحرق الا اقدام واطيها

يا طروق الشعر منهاجهم دايمٍ عقيم
وأنت تشهد يا ولد بالحلال وبالحرام


يالشاعر الي صغير النار يلهبها
والمشكله ما تحرق الا أنته أولها
وعلومك الي بديت اليوم كملها
والنار ما تحرق الا رجل واطيها

المطوع من كبار العرب ماهو غشيم
والليالي حلمها مثل طيرك يوم حام

<>

أزرق العود

[أزرق العود]

الشاعر الكبير غرمان بن عزيز

كل الشكر لك على مرورك ولا خلا ولا عدم

<>

أزرق العود

[عود الليل]

مبدعيييييييييييييييييييييييين
والاعضاء
متابعييييييييييييييييييييييين

[سيد الموقف]

غيبتني الساحة اللي ما لها والي
وان جيت فيها جلست بشعري لحالي
ولا تعبت اترقب يلحق التالي
والنار ما تحرق الا رجل واطيها

والله انك صادقٍ واحلف بالله العظيم
واكبر التصديق لي شعرك اللي مال شام


النار تحرق عظام اللي ينط بها
حتى ولو هي صغيرة لا تطب بها
فيها البلا والدوا وناسٍ نطببها
والنار ما تحرق الا رجل واطيها

لك مطوع تعرفه بس في عقلك مقيم
ما لقينا له علوم ولا زود احترام

[أزرق العود]

علوم واجد وتصريحات وهميه
وتسبق على مين يابو رجل ملويه
الشعر له ناس معروفه بماريه
والنار ما تحرق الا رجل واطيها

قالوا العقال ما يخصمك أية خصيم
كود منهو بايعٍ نفسه بوسط الخصام


يا رهيف القلب مالك تشعل الناري
ونارك صغيره ولا نسمع لها الطاري
والشيخ معروف في الديره وفالداري
والنار ما تحرق الا رجل واطيها

لا تناقض في كلامك وذا مبدأ سقيم
كان حلم وصرت تعرف علوم الكرام

<>

أزرق العود

[أزرق العود]

فاضل بن سلمان

حياك الله ولا خلا ولا عدم

<>

أزرق العود

[سيد الموقف]

صح لسانك

استلم


لا تقطع الثوب لا .. لا ترمي الغترة
من ضيع الباب يعمدها مع القترة
وان طالت لسانكم طالت له البترة
والنار ما تحرق الا رجل واطيها

خصم يفرق عن خصم وانتبه شر الوهيم
ما يخَسْر الذيب لا قابله بعض الحمام


يا خوفتي يا ولد لا تاخذك قاله
توك صغير ٍ ولا انته تعرف اجزاله
وان طحت في وادي ٍ لا تجاكر جباله
والنار ما تحرق الا رجل واطيها

حن مثال ٍ عالكرم يضربونه من قديم
والمطوع صايم ٍ واختفى من ذا المقام

[أزرق العود]

أعدي على صيدتي واقصر خطوايها
وأفتك بها يوم كل قام يبغيها
يا ضايق الصدر نفسك لا تعنيها
والنار ما تحرق الا أقدام واطيها

شد حيلك وأنتبه قالها رجل ٍ حكيم
يد ما تقدر عليها تقول لها سلام

الجزل عندي وسبك الشعر عنواني
وانته تلخبط في الأول من الثاني
ومعروف جدانك ومعروف جداني
والنار ما تحرق الا رجل واطيها

في ظلامٍ جرهدي تشتكي خوف العتيم
والمطوع ما عرفته ولك عشرين عام

<>

أزرق العود

[سيد الموقف]

كم صايد ٍ في شباكه يمسي مركد
يا صاحبي اعقل وخل الردا واركد
ولا باركدك واهل الشعر تتأكد
والنار ما تحرق الا رجل واطيها

يحتزم في بندقه من مشى الليل البهيم
وامسك الناقة ليا جيتها عند الخطام


عندي مع اهل القوافي مرتب ٍ سامي
جدي لابويه وجدي لامي وسامي
واصيب قول يعجـِّز ماجد وسامي
والنار ما تحرق الا رجل واطيها

احسبك تعرف اعلوم العرب واثرك عديم
اسال المحراب عن واحد ٍ كم فيه قام

[أزرق العود]

الناقه الي كبير القوم حالبها
وشلي بها يوم كل الناس سالبها
أسوقها سوق والشعار غالبها
والنار ما تحرق الا أقدام واطيها

الفشق يمكن يدوخ ولا يمكن يضيم
والرصاص الحي لا تقربه يومك هلام

معناي في ديرة ومعانك في ديره
لكن هذا نصيبك يالله الخيره
يا راعي البندق الي ما بها ذخيره
النار ما تحرق الا رجل واطيها

بين هبات الرياح بين ذعذة النسيم
كل رجال وله قدر يا ذيب العدام

<>

أزرق العود

[سيد الموقف]

يا الشاعر اللي صغير الحب كبرها
خل المعاني تودع في محاجرها
خلها تموت بقهر واوصيك تخصرها
والنار ما تحرق الا رجل واطيها

يا سلاطين الشعر الزموا الخط السليم
ما تزيل المعرفة وزن بيت ٍ في الكلام


يا صاحبي والله انك داخلي غالي
غالي على القلب وانته من ولد خالي
لا تزعل وخل قلبك دايم ٍ خالي
والنار ما تحرق الا رجل واطيها

اترك الشعر الردي والتفت صوب الشريم
واذكر الرحمن والزم صلاتك والصيام

[صالح آل سلمان]

العود الازرق كل يوم يزيد اعجابي بما تقدمه
وبالاخص في مجال المحاورة
صح لسانك ولا يهون الاخ سيد الموقف
والحقيقه انكما مبدعين
الله يعطيكم العافيه
ابو عبدالله

[أزرق العود]

لا والله إلا معانينا بنرفعها
اعلى جبال التهم ونطلعك معها
ونصايحي يا ولد لا بد تسمعها
والنار ما تحرق الا رجل واطيها

جيت من وسط العليا على غرب النظيم
ما لقيت الا الجهل والتعالي بالفهام


مشكور يا صاحبي والله لا يحرمني
من شوفت الذيب لامن جيت بغني
واليوم يا صاحبي ما عنك وعني
والنار ما تحرق إلا رجل واطيها

ما تكفي ملعبتنا سوى ذاك الزعيم
أرقصي لحن وطرب يوم للسبق أحتدام

<>

أزرق العود

[أزرق العود]

صالح ال سلمان

شكرا لك لدعمك ولمرورك الطيب

ولا خلا ولا عدم

بس عتبي على باقي الإداريين والأعضاء لم أرى اي تعليق

الله لا يهينك يا مديرنا الغالي والراقي

<>

أزرق العود

[بحـــر]

محاورة اكثر من رائعه فالله يعطيكم العافيه



متابع بصمت

[سيد الموقف]

لدّ النظر للمعاني واطلب ايديها
ثم ارسل العقل يرتع في مغانيها
وان وافقت بنت ابوها لا تخليها
والنار ما تحرق الا رجل واطيها

ما تلاقي من لحوم ٍ تغذت من هشيم
كود ضيم ٍ تفترق به عظام ٍ عن عظام


لا هاجت بصاحبك في بحرنا الهندي
القارب .. وصاح فيهم طبها عندي
وش تنفعه لو يخون الساعد الهندي
والنار ما تحرق الا رجل واطيها

شارب التبغ الحَمَر ما يقارن بالوسيم
واحد ٍ ما يضرب الخمس .. ما يشبع طعام

[أزرق العود]

من قالك لك بيرق الشعار في يدك
هذي صعيبه عليكم يوم أنا ضدك
لا من بغيت اللعب تلعب على قدك
والنار ما تحرق الا رجل واطيها

وش علامك يا طويل العمر وسط الجحيم
والجروح الكايده ما لها غير الهمام


يا راعي المركب الي راح برموده
قدامك الموت الأحمر حاجزٍ عوده
يا كثر قدامكم من ناس مفقوده
والنار ما تحرق الا رجل واطيها

ما نقرب للدنى يوم للدنيا نديم
نعرف حقوق العرب بالكمال وبالتمام

<>

أزرق العود

[سيد الموقف]

لو تصعد الطور يا وليدي ترى تسقم
وان صابك الجوع ما تلقى سوى العلقم
وتطيح محد ٍ يقل يا صاحبي قم .. قم
والنار ما تحرق الا رجل واطيها

اسأل السيف العتي لا انتهى وقت المقيم
عن صدور تطلبه كن له فيها غرام


الموت لاجا على الإنسان ما يهرب
لكن بعض البشر قلبي منه يتعب
يوم الشدايد أنادي له ولا يركب
والنار ما تحرق الا رجل واطيها

فيه ناس ٍ يا ولد ترضع الطفل الفطيم
مثل من صلى صلاة العصر وقت القيام

[أزرق العود]

أسمع علومك ولا أدري وش تبي فيها
والصقر له صيدةٍ ما يوم يخطيها
لا جيت تكحل عيونك ليش تعميها
والنار ما تحرق الا رجل واطيها
لو زبون الكايده عايشٍ وسط النعيم
فالردي والي تردى حياته كالنعام


من قالك لك فزعتك هذي طلبناها
وعلومك الي تقول اليوم تنساها
تشرب فناجيلها والخوف يغشاها
والنار ما تحرق الا رجل واطيها

وش علامك في المعاني تقول أنك رجيم
ندفن المعنى ويفرق حسام عن حسام

<>

أزرق العود

[سيد الموقف]

ما دام بعض المعاني فوق تفكيرك
اقبل عليـّـه وانا جاهز لتطويرك
يا الشاعر اللي من الماء قد خلا بيرك
والنار ما تحرق الا رجل واطيها

من طلب روس المعالي فهو رجل عظيم
بل ولو ما نالها ما يقارن بالسقام


ما دام عقلك تحول يفهم العكس ِ
فالناقة اللي طلبها الازرق بفلس ِ
باركب على ظهرها واترك له الفلس ِ
والنار ما تحرق الا رجل واطيها

من يشوف برحلته العماه مع العتيم
ان عجز عن باقي الخط يرجع والسلام



واعذرني على التأخير للظروف

[سمحان]

شعار شعار لا هنتو
بعض الهفوات البسيطه لا تقلل من ابداعكم
سنايدي والله
واصلوا وحنا نتابعكم

[أزرق العود]

خلك وخل المهايط وألتفت يمي
بنشدك عن شيخ لا خالي ولا عمي
شربك كاس العسل مخلوط بالسمي
والنار ما تحرق الا رجل واطيها

شفت برق لاح يا صاحبي من دون غيم
ما تلام اليا جهلته ومثلك ما يلام

ناقتك لك يا صحيبي وش نبي فيها
مكسورة الساق تعرج في خطاويها
وتبغى تسابق خيول ما تجاريها
والنار ما تحرق الا رجل واطيها

النمر وسط الفلا شاف له ناقه وريم
والهدف قدام عينه وممشوق القوام

<>

أزرق العود

[أزرق العود]

شعار شعار لا هنتو
بعض الهفوات البسيطه لا تقلل من ابداعكم
سنايدي والله
واصلوا وحنا نتابعكم

هلا ومرحبا فيك

نتقبل النقد بكل أشكاله ليتك وضحت لنا هفواتنا فنستفيد

مما لديكم

لا خلا ولا عدم

[سيد الموقف]

يقلون سم العقارب داخل المصران
يوم يتحول لسم ٍ يقتل الثعبان
وانته لسعت ولقيت السم بالنطران
والنار ما تحرق الا رجل واطيها

مع مرور الازمنة يختفي النجم العقيم
والجدي وسهيل تبقى على مر العوام


البدر ما يختفي من ضو قنديلك
والشمس ما تحتجب سبة غرابيلك
قل للنمر لو يجيك الذيب يا ويلك
والنار ما تحرق الا رجل واطيها

بنشدك عن سيف كم قد قتل له من غريم
واصبعين النصر بنصابه اتحدت الانام

[أزرق العود]

صح لسانك جمل الله حالك

أسعدني مقابلتك وتواجدك في متصفحي

والشكر لجميع من مر على محاورتنا

وإلى اللقاء في محاوره قادمه

وبتكون ناريه لا تفوتكم

<>

أزرق العود

[سيد الموقف]

صح لسانك جمل الله حالك

أسعدني مقابلتك وتواجدك في متصفحي

والشكر لجميع من مر على محاورتنا

وإلى اللقاء في محاوره قادمه

وبتكون ناريه لا تفوتكم

<>

أزرق العود


الله يعطيك العافية يا ازرق العود


والله لا يحرمنا منك ومن تواجدك


استمتعت وأنا أواجه شاعر كبير مثلك


والله يجمعنا على خير



اطيب تحيه



سيد الموقف

[saherny2020]

:020104_emm7_prv: :020104_emm7_prv: very good

[مرباطي العمري]

ابدعتوا ياشبااااااااااااب