محاوره لمن يريد الرد

[أزرق العود]

مساكم الله بالخير

أستلموا يالذيابه


سلام الله على ربعي رجال الطيب والناموس
بني عمرو الهول يوم الملاقا نارهم حيـــــه

وصلت المنتدى شاعر ومنهو الشاعر المنحوس
يقابلني ويبشربي معاكم صافي النيــــــــــه


؛؛

[غرمان بن عزيز]

أبشر بالسعد يا أزرق العود . والله يسعد ليالينا جميعاً 0



هلا يا مرحبا بك بين ربع لك نظاف نفوس = إذا جاهم نظيف القصد قالوا مرحبا حيه
تشابهم سيوف وإن بدأ الصايح تبيد الرؤس = وأنا منهم ولكن زايد في الرآس جنيه

[أزرق العود]

صح لسانك يبو عزيز

إستلم لا هنت

يدوم إلك البقى يا شاعرٍ وده بقلع ضروس
ولكن يا عميل الخير ما عندك صلاحيـــــــه

شويعر قابله شاعر وشاعر قابله ملحوس
ونعرف نمسك المجنــون ونرده على غيه

[شهيد الحب]

هلا ومرحبا بازرق العود

وصح لسانك

والشكر موصول لنجمنا وأستاذنا الكبير أبو محمد

غرمان بن عزيز

وعساكم عالقوه متابعين لكم

[غرمان بن عزيز]

الله يسلمك يا أزرق العود ومرحبا بك وأخيراً لقيت واحد يسلينا في هذا القسم الطيب بذكره 0
الله يسلمك ويديمك يا شهيد الحب وعساك تبقى وفالك الطيب 0



عزيز وغاليٍ وأسمك يناسب غالي الملبوس = وعندي يا عزيز القدر مقطوفات شعريه
أنا شاعر ولي خبره على الصخري مع المنكوس = ولاني عجزٍ عن وزن بيتين وقافيه

[أزرق العود]

صح لسان ا ابو محمد وأستلم لاهنت

الغالي شهيد الحب أشكر لك مداخلتك


حصوني ما درت يا صاحبي عن وخزة الدبوس
وأنا شاعر ولي بالعلم تصريحات رسميه

علام الذيب له فتره وهو يمشي معاه تيوس
تنكس حاله المسكين في الروحه وفي الجيه


<>

أزرق العود

[غرمان بن عزيز]

كشفت الفكرة اللي شكلها قوس مقابل قوس = وفي المضمون معروفه كتابتها أنجليزية
وذاك الذيب يالصاحب تراه اللي بلع له موس = وضاعت هقوته وتخالطت هذي مع ذيه

[أزرق العود]

علامك يا ولد عمي يدور فبالك الهاجـوس
ونا الي منتقي لك سمان الضان بيديــــه

وتطعني بسكين الغدر وبسمك المدسوس
وسيفي فوق سكينك ولا حن أبسواسيـه

[غرمان بن عزيز]

تريث يا وسيع المعرفة لا تطفئ الفانوس = ترى الفانوس بين يديك وأحذر ينطفئ ضيه
ولا تظلم خبير من العرب ما يحمس المحموس = ومقداري ومقدارك رفيع وفيه ماريه

[أزرق العود]

علوم جاتني يا خوك خلت خافقي ملبوس
ولا ادري كيف صحتها ولو كانت حياويه

بوسط الملعبه شافوك جالس معاك جلوس
وفي ذالمنتدى شاعر ولك صوت وشعبيه


<>

أزرق العــــــود

[فصل الخطاب]

أشهد لله أنها محاورة جديرة بالأهتمام والمتابعة وكلام فوق العادة
أشكر الشاعران على هذه التحف الشعرية الرائعة .. واصلوا وكلنا أذان صاغية
أزرق العود ... غرمان بن عزيز .. فالكم البيض

[غرمان بن عزيز]

سلمت يا فصل الخطاب على هذا المرور الطيب من شاعر طيب 0



ترى اللي جاب لك الأخبار شكله واحدٍ دنفوس = يغير واقع الشاعر بمعلومات وهميه
ولو تسأل عنه يا صاحبي تلقاه من الهندوس = غريب الشكل والتفكير واللهجة يمانيه

[أزرق العود]

ترى ما يثبت الشاعر كود الواقع الملـموس
تشوف بعينك الساحه ونا ما شفت بعنيــه

غريبٍ ساكن بديره من امريكا لدار الــروس
ولكن قلبي المهيوم ساكن في السعوديـه

فصل الخطاب

أشكر لك هذا الإطراء وإن شاء الله نكون عند حسن الظن

والشكر موصول للنجم الكبير غرمان بن عزيز

بس وين الجماهير ما اشوف احد شاركنا


<>

أزرق العود

[غرمان بن عزيز]

أنا شعري شهاداتي وعندي واقعٍ محسوس = ولكن في البشر تلقى لي أصحاب ومعاديه
ولا لك غير دارك والسعوديه بلد محروس = حرسها الله من فضله وتبقى دار محميه

[فصل الخطاب]

لا زلت أقول محاورة كبيره
وشاعرين قديرين وسوف تميل الكفه لأحدهما
ونحن متابعين

[أزرق العود]

تسوق الشعر بالصدقه ديار الموت يا محروس
وقدامك متاريس العدو وألغام جديـــــــــــــه

وأخيرا بعد مده أكتشفت الهاجس المعكوس
وتلعب لعبة الشاطر بدون اوراق فنيـــــــــه

[غرمان بن عزيز]

أنا راعي رسالة يا صديقي والحياة دروس = رساله وصلت أصحابك وباقي لك معي ميه
وأنا شاطر ومن نفسه يوقفني ندوسه دوس = ولو كان المعرف ما أنكشف لي ينكشف زيه

[ابو عمر]

محوره رائعة
تستاهل المتابعة
ومع اني لست شاعر اقول


يزيد الذوق راع الذوق عالي نفوس وكل بان طيبه من تباشيره ومخفيه
على دار الوفى دامت لنا ذا الروس ونهديكم تحياتي علانية وسريه

ابو عمر

[عذب السجايا]

ازرق العود انا متابع من اول المحاورة ولكن
قلت اكيد ان غرمان
بيعقر ازرق العود من اول رد ويحرق اوراقه
ولكن الى الان ارى
التفوق لازرق العود وارى غرملن مغرز في
رمال هذا الشاعر

**ازرق العود كلامك وردودك روعه عيبك فقط
اسمك وبالتحديد كلمة ( ازرق) مالها داعي

[أزرق العود]

صقور في السماء طارت ولا تعرف من الطاؤوس
وهدادت الحرار الـــــبيض ماهو هـــــد بازيـــــه

وساعه حظكم عالي وساعه حظكم متعوس
وهذي حكمة الدنيا ولو نفسك شقاويــــــه

[أزرق العود]

أبو عمـــــر

أشكرك وأشكر مداخلتك الجميله

عذب السجايا

الله يسلمك وإن شاء الله أكون عند حسن الظن

ولي الفخر أني أكون مقابل شاعر بحجم غرمان بن عزيز


<>

أزرق العود

[بحـــر]

محاوره في قمة الروعه

[غرمان بن عزيز]

أبو عمر / تسلم 0 بحر / لاهنت 0 عذبذب / نفخوبك نفخ البارود 0 أزرق العود / فيك الخير والبركه 0



ترى دولة عمان بذل لكن عزّها قابوس = وجمّع شعبه اللي كان يشقى في البجاديه
فلا تخدعك نظرات الوجيه اللي عملها طقوس = وفيها من صفات العالم اللي تأكل النيه

[عذب السجايا]

والله يا غرمان احس انك تورطت مع ازرق العود

تبغى اقفل الموضوع ابشر

[غرمان بن عزيز]

عذب السجايا إذا أردت أن أقفل الموضوع لن أحتاجك ولكن أتمنى أن تقفل جهازك وتريحنا 0:console:

وعلى العموم إن كان ما تعرف أزرق العود فأنا أعرفه عز المعرفه 0:qlbe12:

ولكن أتمنى أن تلعب بعيد عن الشعر وأهله 0:lac:

[أزرق العود]

عسى الله يرحمك يا ولد عمي بجنة الفردوس
وش الي جاب قابوس العماني والأباضيـــــــه

وأنا في بعيدات الهقاوى يا ولد مأحــــــوس
وأسري في توالي الليل ببشوت حساويــــه



<>

أزرق العود

[غرمان بن عزيز]

غريبة كيف ماتدري عن اللي في الحشى محبوس = ضربت أمثال لك لكن فكرك شاطح شويه
تعوذ من شياطينك وسم بربك القدوس = ترى أفند كلام الخصم والأبيات عاديه

[أزرق العود]

ونا يا صاحبي فاهم وعندي لك ثلاث دروس
ترى المعنى خطام الشعر ما ينقاد إبليــــــه

وصاحب صاحب الشيمه وإشتر خوته بفلوس
وخلك من عبيد وزيد وما قالوا لكم فيــــــه

<>

أزرق العود

[عود الليل]

شاعرين وشعركم فيه كثر دروس 000ابيات شعر تصفي النــيــه
عز الله انها جتني كثير هجوس000 من شعركم يا روس شبريـــه

[أزرق العود]

جميعا

الله لا يهينكم وشاكر تواجدكم

ومروركم الكريم

<>

أزرق العود

[سيد الموقف]

صحت ألسنتكم

شعااار كبااار

وشعر قوي


متابعين


همسه :

رجل سليل العرب ذربين الايمان
دور غريم ما يساوي له الضان
سافر عدوه واختفى صوب لبنان
مسكين صاحبنا يدور بدسمان




يعطيكم العافية جميعا

[غرمان بن عزيز]

يعطيك العافيه يا أزرق ترى كلمة ( دروس ) راحت وعفاك 0


دروسك خلّها لك وأنتبه من كلمة الجاسوس = تراه اللي يدور ينشب الصاحب مع خيه
وهذا اليوم ما تلقى صديق إلاّ وقربه بؤس = تلاشت صدقة الصادق وكل طاح في الفيه

[أزرق العود]

يعطيك العافيه يا غر وكلمة ( غيه ) راحت وعفاك


ولا يمكن تنام وفي وسط سنك الســـوس
ولكن وشهي الحيله وبعض الناس منسيـه

تناسى دلة القهوه وعـــــود لعرق الـــسوس
ودايم طبعـــه المعـــثر كواه وجود الكيـــــه

<>

أزرق العود

[أزرق العود]

سيد الموقف

أشكر لك هذا الإطراء

والقصيده الجميله ولا خلا ولا عدم منكم يا ربعي

<>

أزرق العود

[المسكت]

يعطيكم العافيه
وإذا شفتو الكلمات تعددت (انعادت) فغيرو لان الكلمات محدوده
وبيضان وجيه والله

ابدعتو جميعكم وامتعتو
لاهنتو ولاعدمناكم
اصدق الود لكم

اخووكم

[صالح آل سلمان]

ما يجي من العود الازرق الا الطيب
عذب السجايا انا مع غرمان في قوله سكر جهازك وريحنا
حتى في المحاورة معذبك الازرق وجايب لك الذعر
بكل صراحه من اشهر لم اشاهد مثل جمال هذه المحاورة وروعتها
شاعرين متمكنين بكل ما تعنيه الكلمه
الله يعطيكم العافيه
وخن معكم للنهاية
تقبلوا خالص المودة
ابو عبدالله

[غرمان بن عزيز]

أزرق العود والله إنك صدقت ولكن ترى غيرتها وعفاك 0

المسكت ألف شكر على مرورك ولكن صاحب الموضوع هو المتصرف فيه ولا يجب علينا التعدي على موضوعه 0

أبو عبدالله سلمت ودمت على هذا المرور المنتظر من زمان ولك الشكر ولا أبطى من جاء 0


يقولون الغندفر دوم يدمي مقلته ناموس = وأنا أقول الأسد يبقى على قوه وشخصيه
ومجموع الحبوب الصافيه يجمع في الكادوس = وأنا الطاحون يالصاحب وكلٍ جاب طبليه

[شهيد الحب]

صحت ألسنتكم في الحقيقه أبداع فوق العاده

والله يقويكم ومتابعين لكم

..

[أزرق العود]

المكست

الله يطول عمرك وأبشر بالسعد من بعد هالبيتين أترك المجال

لغرمان بن عزيز

البدع عنده والرد عندي

ولا هنت عالمرور

[أزرق العود]

صالح ال سلمان

الله يطول عمرك ولا خلا ولا عدم والفخر لي بشوفت هالوجيه الغانمه

<>

أزرق العود

[أزرق العود]

غرمان بن عزيز

الله يصح لسانك ولا يهينك

إستلم ومن بعد ذي الرايه بيدك

؛؛

الا يا راعي الطاحون قدامك ثمان جموس
تدك الأرض وسيوفي تكسر كل جنبيـــه

توطى خالي اليدين وتركدك يالمدعوس
فخلك مع طحينك وإطحنه كل عصريـــه

<>

أزرق العود

[أزرق العود]

شهيد الحب

أشكرك على مرورك

ولا خلا ولا عدم

<>

أزرق العود

[غرمان بن عزيز]

أبيض وجه يا أزرق العود ولكن الرد دائماً هو النهايه وإن شئت فواصل وإن شئت فأختم ولا ضير في ذلك وعلى فكره تراها مجرد كلمات على النت ولا يمكن أن أزعل أو أحقد على أحد وأنا من هنا أقول يا عذب السجايا أنا آسف إذا كنت قسوت عليك بالعباره السابقه وعساك تسلم والمشاهادين جميعاً 0
ولا أنسى أن أشكر الشاعر الكبير / أزرق العود . على تحريكه لهذا القسم المهم والذي لا يخفى علينا من خلال عباراته الراقيه 0

جموسك يا صديقي كلها تمشي بليا تروس = تذكرني مناظرها معك بأفلام هنديه
وأنا مانيب مدعوسٍ ولكن خاطرك متروس = ترسه الحاقد اللي طول عمره يحمل السيه

[أزرق العود]

غرمان بن عزيز

أشكرك على مشاعرك الطيبه وكان لي الشرف بمقابلتك

وجعلك سالم وغانم يا أبو الطواحين هههههههههه

وأشكر جميع من مر هنا سجل أعجابه أو أنتقد أو لم يشاركنا فمروركم هو شرف لنا جميعا

وإلى اللقاء في محاوره قادمه

[عذب السجايا]

غرمان تعرفني اخر واحد ازعل هنا
بالنسبة لردك توي شفته
ههههههههه واضح انك متنرفز من
المحاورة وحطيت حرتك
فيني ولكن لاباس فلولم تكن شاعر
كبير لما تنرفزت من ازرق العود ودامك
تعرفه فقله يخفف والا عرفنا عليه

[بحـــر]

الله يعطيكم العافيه على هذة المحاور الرائعة

ولا تطولون علينا

[شهيد الحب]

بيضان بيضان ما قصرتوا

بس منهو أزرق العود

ما ودك تعلمنا بأسمك يا ريال !!!!

الله يقويكم لا تبطون علينا