المسكت
04-19-2003, 01:07 PM
لو بغيت أنتهزفرصات واجد ربحت=كانت أجمل فرص عمري تنادي تعال
ماارى عيب لازليت وإلاجنحت=من هو اللي بلغ فينا حدود الكمال
وأنت ياللي على حدود المحبه نزحت=كل ماشّدلك حيلي تشدّي الرحال
ماشكيتك لو إني من جفاك إنذبحت=وأنت شف حكمة الخالق ذبحك الدلال
لاتقولي إنك بهاك التصرّف مزحت=يوم سويت في هاك النهار إحتفال
ليه فهّمك غلط وشفيك لبعيد رحت=ماطلبتك تشيل الهمّ بنت الحلال
ماهجيتك ولكني بعد مامدحت=كل إبوهن عقب عِـشرتك شئٍ محال
صاحبي دام أنا منك عليك إنجّرحت=لاتجيني على درب الخطا والخمال
تدري إني تحمّلت الكثير وسمحت=خابر إن التسامح من كريم الخصال
كم تغاضيت عن بعض الأمور وصفحت=مادخلت بمتاهة عاشقين الجدال
كم زعلت إو على شان الحبايب دمحت=قلت أبصبر عليهم والليالي طوال
ليتني من صواديف الزمان إنتصحت=لكن اللّه يهونها على كل حال
ماشغل بالي إلايوم أفكر بنحت=القصايد وأحفّظها قلوب الرجال
قالو إني بترويض القوافي نجحـت=قلت أجل كيف لو بأزعل وأمسّ الحبال
لو تخوّفت من درب الخطر مافلحت=مايهاب الصعاب إلاردّي ألعيال
عكس تيـّارهم شوفي جزمت وسبحت=ماحرصت إني أترك للتراجع مجال
لوطموحي قريبٍ من زمان إسترحت=بس خابرِ محلـّي فوق روس الجبال
مدري البارحه ليش إفتكرت وسرحت=هي طواري أو إن هموم قلبي ثقال
هي طرت لي قديم الذكريات ولمحت=زولِ وإلاالحكايه كل إبوها خيال
ودي أفرح وأنا من مبطي مافرحت=ودي ألقىعلى شمس الحبايب ضلال
ماارى عيب لازليت وإلاجنحت=من هو اللي بلغ فينا حدود الكمال
وأنت ياللي على حدود المحبه نزحت=كل ماشّدلك حيلي تشدّي الرحال
ماشكيتك لو إني من جفاك إنذبحت=وأنت شف حكمة الخالق ذبحك الدلال
لاتقولي إنك بهاك التصرّف مزحت=يوم سويت في هاك النهار إحتفال
ليه فهّمك غلط وشفيك لبعيد رحت=ماطلبتك تشيل الهمّ بنت الحلال
ماهجيتك ولكني بعد مامدحت=كل إبوهن عقب عِـشرتك شئٍ محال
صاحبي دام أنا منك عليك إنجّرحت=لاتجيني على درب الخطا والخمال
تدري إني تحمّلت الكثير وسمحت=خابر إن التسامح من كريم الخصال
كم تغاضيت عن بعض الأمور وصفحت=مادخلت بمتاهة عاشقين الجدال
كم زعلت إو على شان الحبايب دمحت=قلت أبصبر عليهم والليالي طوال
ليتني من صواديف الزمان إنتصحت=لكن اللّه يهونها على كل حال
ماشغل بالي إلايوم أفكر بنحت=القصايد وأحفّظها قلوب الرجال
قالو إني بترويض القوافي نجحـت=قلت أجل كيف لو بأزعل وأمسّ الحبال
لو تخوّفت من درب الخطر مافلحت=مايهاب الصعاب إلاردّي ألعيال
عكس تيـّارهم شوفي جزمت وسبحت=ماحرصت إني أترك للتراجع مجال
لوطموحي قريبٍ من زمان إسترحت=بس خابرِ محلـّي فوق روس الجبال
مدري البارحه ليش إفتكرت وسرحت=هي طواري أو إن هموم قلبي ثقال
هي طرت لي قديم الذكريات ولمحت=زولِ وإلاالحكايه كل إبوها خيال
ودي أفرح وأنا من مبطي مافرحت=ودي ألقىعلى شمس الحبايب ضلال