(؟)ـــ( ما أحب الأنذال )ـــ(؟)

[غرمان بن عزيز]

يا الله أنا طالبك يـا عالـم الحـال = يا اللي رزقت الطير بعـد الخماصـه
أرزقني السلـوان والصبـر والمـال = واشف المريض اللي بروحه خصاصه
واصلح لنا يـا ربنـا كـل الأعمـال = وتساعد اللي ما تعـدى اختصاصـه
يقولهـا رجُـلٌ تعامـل مـع رجـال = يعرف خلاصه ما أبتلش في خلاصـه
لكنهـا الأقـدار مـا دونهـا أقفـال = مكتوبةٍ في اللوح ما هـي قصاصـه
والكلمة اللي جات من طيـب الفـال = طاحت على قلبي مثيـل الرصاصـه
وأنا عريب الأصل ما أحـب الأنـذال = ولا تصاحبـنـي دروب النقـاصـه
والخير موجودٍ علـى كـل الأحـوال = متعود على الجود ما أبغي الرخاصه
وأبـوي ربانـي وعلمنـي أمـثـال = ودرست في الدنيا وأخذت الخلاصـه

[ريانة العود]

الــله الــله

:

[المسكت]

ابيض وجه ياغرمان
والنعم فيك مليون والله

ألــم عندما يكون للمشاعر أثر

اصدق الود ودمت شامخ

احترامي وتقديري
اخووك

[جريح الشوق]

صح لساااااااااااااااااانك ,,,,,,,,,,,,,,,,,,,,,,,,,,,,,, الله يدلك لطريق الخير



تحياتي ,,,,,,

[غرمان بن عزيز]

ريانه + المسكت + جريح الشوق 0

الله يسلمكم وعساكم تبقون ذخر وشكراً على المرور الكريم 0

[سيف الساهر]

وأبـوي ربانـي وعلمنـي أمـثـال=====ودرست في الدنيا وأخذت الخلاصـه

والنعم فيك وفي والدك الغالي

قصيده رائعه بروعه حضورك وفالك الخير دوما

[غرمان بن عزيز]

عساك تسلم يا سيف الساهر وأشكر لك المرور الغالي وأنت غالي من بيت غالي ولا عليك زود 0

[بن ظافر]

البتارالله يعطيك العافيه وصح لسانك والله أنك كفو الله يطرح فيك البركه ويكفي



يقولهـا رجُـلٌ تعامـل مـع رجـال يعرف خلاصه ما أبتلش في خلاصـه

لكنهـا الأقـدار مـا دونهـا أقفـال مكتوبةٍ في اللوح ما هـي قصاصـه

والكلمة اللي جات من طيـب الفـال طاحت على قلبي مثيـل الرصاصـه

وأنا عريب الأصل ما أحـب الأنـذالولا تصاحبـنـي دروب النقـاصـه

والخير موجودٍ علـى كـل الأحـوال متعود على الجود ما أبغي الرخاصه

وأبـوي ربانـي وعلمنـي أمـثـا ل ودرست في الدنيا وأخذت الخلاصـه


اعتقدما بعدها شي :::::: الله الله على القلب أن تبهله من ؟؟؟؟؟

[غرمان بن عزيز]

الحبيب الغالي والعزيز والمحترم والراقي / أبو ظافر . أسعدك الله وطيب فالك وكل عام وأنت في خير وعافيه وأطال الله في عمرك وأبقاك ذخراً لنا وتقبل مني أزكى وأرقى التحايا وأبشر بسعدك القلب لازال على كراسيه الى الصيفيه وبعدها ما ندري وش يصير لكن الطبيب يقول لا تروح من الرياض تروح في الرجلين وعفاك 0

[حسن بن سعيد]

ونعم مليون .. صح لسانكـ يالذيب .

[faisal911]

صح لسانك

ويعطيك الف عافيه

درر مكنونه تلك الابيات الرائعه

[غرمان بن عزيز]

أبو سعيد / أشكرك على المرور الجميل وعساك تسلم وتبقى وفالك الطيب 0

faisal-911 / ألف شكر على المرور الكريم وتقبل أجمل التحايا 0

[الأشقـــر]

وأنا عريب الأصل ما أحـب الأنـذال**** ولا تصاحبـنـي دروب النقـاصـه
والخير موجودٍ علـى كـل الأحـوال****متعود على الجود ما أبغي الرخاصه
وأبـوي ربانـي وعلمنـي أمـثـال *** ودرست في الدنيا وأخذت الخلاصـه

والنعم فيك
ودائماً ما تعجبني قصائدك الرائعة بكل أمانة


يعطيك العافية .