في كثر ما نلقى فرح يا كثر ما مات الأمل

[سعيد العمري]

ما يشبهون لبعضهم يا صاحبي فيه اختلاف =اللي نوى خير وعمل واللي نوى شر وعمل
الخير واجد لو نبي والشر في العتمه يشاف =لو يختفي ما يختفي إلا على واحد جهل
اليوم لو نزرع امل.. بكره نبي جني القطاف =ننسى مشاركنا الفرح نذكر مشاركنا الزعل
اللي يموت من الغرق لو عاش ما اختار الجفاف =تناقض الرغبه قدر محدٍ يخطط للفشل
اسهل نصدق كذبنا ونشوف خلق الله نظاف =صعبه نصدق حلمنا لو حلمنا صدفه حصل
نضحك على كثر التعب ما نعتبر من شي طاف =في كثر ما نلقى فرح يا كثر ما مات الأمل
وين الصديق من العدو اشباه والنيه ضفاف =وين القلوب الطاهره اللي تبادلنا الوصل
ما هو قوي اللي قدر يضحك على قلوب الضعاف =دام الهوى ضعف البشر ما سمي الخاين بطل
بعيوننا شيٍ غريب نظرات ما فيها اعتراف =كلٍ تغير معدنه من قسوته محدٍ خجل
لو قلتلي يا صاحبي.. يا صاحبي فيه اختلاف =طبعاً ترى حنا بشر ما فينا واحد اكتمل

[المسكت]

نضحك على كثر التعب ما نعتبر من شي طـاف=في كثر ما نلقى فرح يا كثر مـا مـات الأمـل
وين الصديق من العدو اشباه والنيـه ضفـاف=وين القلوب الطاهـره اللـي تبادلنـا الوصـل
تحياتي لك اخوي سعيد على ابداعك المتواصل
كلمات باحساس صادق وباختيار اصدق
دمت لنا ذوقاً نتذوق بما تضع
اخوك المسكت

[السليماني]

لو قلتلي يا صاحبي.. يا صاحبي فيه iختـلاف
طبعاً ترى حنا بشـر مـا فينـا واحـد اكتمـل

يعطيك العافيه ابو سلطان على هذه القصيده الرائعه بحق0

تحياتي ..!!i:








محبكم:eek: السليماني ..