كامري + سكسوكه + دمعه + عطر+ عشاء = فيصل

[ليالي جنوبية]

السلام عليكم ورحمه الله وبركاته

________________________________________



الــزمـان : يوم الأربعـاء التـاسـعه مسـاءا ً ....
المكــان : مـدينـه الريـاض ....

تعريـف لمن تـدور حـوله القضـيه

الأســم : فــيــصــل

عمر فيصل : 22

مهنة فيصل : طـالب جامعي






كامري فيصل :

اللـون اســود
الموديـل 2006
طريقة الدفـع :اقسـاط على (ظهـر) ابو فيصل
عـداد البنزين: تحت الـE والجـيب مافـيه الا الرخصـه وريـاليـن
مـوقع السيـاره وصـاحبها: امـام صـراف بنك سـامبـا (الأمريكي سابقـا ً ) ينتـظر وصـول دوره لـكي (يشـفط ) مكـافـأته الجــامعيـة التي تقـدر بـ 834 و 60 هلله .


فيصل وكامري فيصل وبطاقة صراف فيصل امام الصـرافه اللي بتنـشفط منـها 800 ريـال (كـاش منـي)

انشفطـت مكـافأة فيصل من بطاقة صراف فيصل بيـد فيصل .







كامري فيصل:


(غمـض فتـح) واذا بـ فيصل امـام محطـه الوقود

فيصل : صديق عبي بنزين فـُــل .
صديق : اوكى (مع هزة رأس تقلـيــديـه).


وبعـد مرور دقيقـه و7 ثانيه امتلء خـزان الوقـود والمـقابل 36 ريـال


800 - 36 = 764 ريال


بعـد محـطة الـوقود (فتح غمض) واذا بـ فيصل وكامري فيصل امـام (التلمـيع السـاطـع)


45 دقيـقه بعد التلمـيع السـاطع

كامري تلمـع فيصل يدفـع

764 - 150 = 614 ريال

انتهـينـا من كامري فيصل





سكسوكـة فيصل :


الزمـان : الساعه العاشـره والنصـف مساءا .
المكان : تقـاطع شـارع التحليـه مـع شارع التخصصـي بالتحـديد حلاق (هوليـوود)


فيصل للــ حلاق : حبيب ألبي ابيك تـدلعنـي عندي موعد مهم الليله .
الحلاق لـ فيصل : تكرم عينك مدام انتا بتـدفع احنا نـلمـع .


غمض عين سكر عين



150 ريـال لـ حبيب ألب فيصل .. يعني



614 - 150 = 464 ريال


سكسوكه عجــــــيبه




الدمـعه جهاز فيصل ( دمعة فيصل) :



الزمـان : الساعه الحاديه عشر مساءا ً

المكان : محـل همســات للأتصـالات - المرسـلات




فيصل يبي يستـبدل دمـعة فيصل بجهاز ثاني


دمـعه فيصل سعـره بـ 1100 ريال

والجـهاز اللي يبـي يستـبدل فيه .. سـعره 1440ريـال


يعني فيصل لازم يـدفع 340 ريـال فرق السعـر .... ودفـــع



يعنـي



464 - 340 = 124 ريال



غريــب هـ الفيصل ...





عـطر فيصل :


الزمــان : الساعه الحاديه عشر وخمسه واربعون دقيقه مساءا ً
المكـان : الرواد للمستـلزمـات الرجـاليه - طريق العروبــه


وبعـد محـاولات لشراء العطـر المفضـل تم اختيـار عـطر بـ مبلـغ 120 ريـال .


نرجـع للحـاسبه ونقـول


124 - 120 = 4 ريـال فقط


عجــب عجــــــاب





عشــاء فيصل :

الزمــان : السـاعه الثانيه عشــر منتـصف الليــل .
المكـان : بوفـيـه بجــانـب البيـــت


باقـي المكـافـأة 4 ريـال و ريـالين في جيب فيصل هذي 6 ريـال


وعشاء فيصل ثنـين شـاورمـا و واحـد بيبـسي بـ 5 ريال
وريــال حطـه في جيبــه للـيوم الأسـود .



بالعـافـيه فيصل ولاتنســى تسمــي ..







- هذه الشخـصـيه الـدرامـيه هـل هـي فـعـلا ً تـوجـد فـي مجتمــعـنـا ؟؟


-هـل تصــرفـه بـهذه الطــريقــه السبــب فيــــه الأتكـــــاليــه وعـدم تحمــل المســؤوليــة ؟؟

ام هــي قــاعــدة ((حـلال عمــك لا يهــمك ))؟؟ ام لأن المـال المصــروف ليــس من مجهـــوده ؟؟


- اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟

هل فعلا مصروف الشاب لايكفيه؟ويطير من يده بهذه السرعه ؟

هل متطلبات المعيشه(في الحياة العزوبيه) تستلزم صرف الكثير؟

- ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟


أبي رايكم بهذا الموضوع اللي نشوف مثله دايم بحياتنا....



منقووووول

[أسير الدمعه]

اخت ليالي فعلا عند فئه كثيره من الشباب
وليتها 800 كما قلتي
ولكن هناك اناس يستلم 3000-و4000- و7000

وانا منهم للأسف وتذهب هبا منثورا
في يوم او يومين منها مايذهب في فائده ومنها مايذهب في غير فائده
ولكن مالعمل انها متطلبات الحياه ويا كثر فيصل الي تقولين
يعطيك العافيه اخوك أسير الدمعه:030305123039:

[المهاجـر]

رأي من رأيك ياأخت ليالي بس وش تبغين الشباب السعودي يسوي
أصلا الحياة صارت صعبة صعبة صعبة
ويعطيك ألف ألف ألف مليون عافية على هذا الموضـــــــــــــــــــــوع
تحيـــــــــــــــــاتي ....................

[بن ظافر]

الحياة صعب والمعيشه أصبحت غاليه فكلاً يصرف على قدراتبه ولكن يجب على كل شخص أن يقتصد على قدر

أستطاعته رغم كل شي أصبح نار

[نصراوي عالمي]

الاحظ السحالي مسويين هجوم علينا وكأنهم نسوا من أنفسهم على الأقـــل حنا نصرف أشياء على أنفسنا تستاهل أنها تنصرف بس أنتو كم تشرون الفستان على أقل تقدير بــ2500الي ...........
!!!
لا والأدهى والأمر الفستان بذاك القيمه ولا يلبسونه الا مره
يقولون بنت عمي شافتني والله ما عادت البسه وش يقولون عني الناس>>>>>>ههههه كاشف حركاتكم يالسحالي
يالسحالي

هيا امنعونا من الخراط الأولاد مساكين ما يصرفون ولو ربع من اللي أنتم تصرفونه


أنتو والله المبذرين وأنتو اللي سببتو أفـــــــلاس الي شيبانكم



ارجو من السحالي استقبال هذا الكلام بصدر رحب

تهي تهي تهي تهي تهي تهي تهي

دم,,,,,تم ب,,,,,ود

[سد الوادي]

ليالي جنوبية

يعطيك العافية

نقل جيد لموضوع يستحق النقل وفعلا هذا ما يفعله الكثير من الشباب

لو نظرنا الى الموضوع ما الذي صرفه فيصل وفيه فائدة تعود عليه

تلميع السيار ة بـ150 وهي 2006 حلاقة بـ 150 بس مدري صبغ الشعر

ولا اكتفى بالجل والمثبت ومد القذله من على الجبهة استبدال جوال والفرق 340

اللهم البنزين اللي هو مهم وطبعا فيصل سوف ينهيه في نفس الليلة ,,,,,,,,,,,,,

ومن خلال ردود بعض الشباب ويسمحولي في التعليق ,,,

من ناحية الحياة صعبة فالشباب هم اللي صعب الحياة والمعيشة والسبب حب التقليد

والمسايرة لمن هم في درجة مادية ومركزية اعلى ليش ما تمد رجلك على قد فراشك

انا اقسم واجزم ما احد يلومك ولا يسألك ليش تسوي كذا ,,بعكس لما تتحمل من الديون

وتحمل ابوك وعائلتك وما هم السبب ؟؟؟؟؟؟ نجد انه لا شيء

وانا ادري ان للشباب ميولهم ورغباتهم ولكن تحسس المسؤولية شيء مطلوب

دمتم جميع بود وعافية

[ليالي جنوبية]

يعطيكم العافية اخواني على المروروالتعليق


وهي في النهاية مسالة ولكل واحد فينا وجهة نظر



تحياتي لكم

[بحـــر]

للأسف هذا حال كثير من الشباب هاليومين

اللهم اصلحهم وقرعين ابائهم بهم


مشكوره على هذا النقل الجيد والله يعطيك العافيه



تقبلي تحياتي بحر

[ام ناصر]

ليالي جنوبية

بارك الله فيك
موضوع يستحق القراءة والتمعن فيه,,

هذه الحالة لها عدة اسباب ثم يا ترى ليست فقط مع الشباب وانما كذالك تحدث مع البنات في اخنيار اغلى الفساتين واغلى الحلي الى غير ذالك...

سبب هذه الحاله هي الاصدقاء,,حب الظهور,,حب الدنيا..الابتعاد عن الله
وبالاخير اقول

الاقتصاد نصف المعيشة

لك مني كل تقدير واحترام

اختك ام ناصر

[غلا.....ي]

أنا معكم فيما يخص الشباب 100% يحدث وكلنا شباب ومرت علينا كل
الفصول الأربعه ...
بالنسبة للبنات صحيح تكاليفهم باهضه الأثمان ولكن ليس كل أسبوع
سكسوكه ودورة بالكامري وعطر من الباعه قدام مطاعم ماما نوره
تحياتي للكاتبه

[العاقل]

فعلا حاااااااله حقيقه وتحصل شهريا مع الطلاب خصوصا
<<< اسئل مجرب


تقبلي اختي شكري وتقديري لك


اخووووووووك العاااااااااااقل

[بسمةالكون]

هذا هو حال بعض الشباب والله

[دلوعة الجنوب]

يسلمو ليالي ع الموضوع..
أنا أشوف ان الشباب مسااااااااكين والله ماألومه إذا صرف كذا وأساسا غصب عنه يصرف كذا مستحيل يقدر يمسك إلا نااااااادر
شوفي إحنا البنات هذا وإحنا عايشين مع الأهل يعني لما ندرس مانطلع
وناخذ من الوالد ومن الوالده ومع المكافأة ولو إستلزم من عند الجيران هههههههه [مو لهالدرجه صح..]
ومع ذلك ياااااادوب نرظى فيها .. مابالك الشباب

تحياتي..

[الذيــــــــــــب M]

هههههههههههههههههههههههههه

ليالي والله موضوع جدا رائع لكن انا اللي جدا ضحكني يعني واضح ان الموضوع مره اللي كتبه كتبه زمان

على وقته الشاورما بريالين والبيبسي بريال

وجوال دمعه بألف ريال خخخخخخخخخخخ

لكن هذا يزيد المشكله اذا على هذاك الوقت يعاني الطالب من الاسعار

مابالك بألآن

زادت الاسعار

والله يعين

تحياتي لك اختي الغاليه

[بہرسہتہيہج]

الموضوع مبالغ فيه ..

ومد لحافك على قد رجولك ..

كانت مكافاتي الف ..

وكانت 500 تروح لحاجه خاصه شهريا ..

ويبقى لي 500 وتكفيني وبقوه نحمد الله ..

[الرافعيB]

يعطيك العاااااااافيه على مانقلت

فعلا هذا هو الحال

[نواااااره]

كل شي الحين صار غالي و نااااااااااااااار ,,

و حتى حنا يالبنات و الله لو قلنا لاهلنا نبي ننزل السوق و لا اعطونا الا خمسميه و نتقضى بها ان تقوم القيامه ,,