**الخنفروش الإماراتي..يم يم

[<>شمس الفجر<>]

الخنفروش
http://www.shojoon.org/album/animation/people/s_shojoon780.gif
مساء الخير...وصباح النور.للجميع..اشرايكم يابنات بتبادل الثقافات..قلت عاد أحطلكم هذا الطبق الامارتي الشعبي اليوم..مدري تعرفونه ولا لا؟؟..اعتقد يمكن تعرفونها بس له مسمى ثاني بالسعودية وعطوني خبر ...المهم هو نوع من انواع الخبز...يؤكل صباحا (على الفطور يعني) مع الدبس او السكر....وعسى يعجبكم

2\1 كيلو طحين رقم (2)

ملعقة صغيرة بيكينج بباودر

ملعقة صغيرة خميرة فورية

3\1 كوب سكر

بيضتين دجاج (اكيد دجاج أجل بقر)

القليل من الزغفران و ماء الورد

رشة ملح


تخلط جميع المقادير مع بعض مع كمية من الماء لتتكون لدينا عجينة سميكة و لكن قابلة للصب

تترك لتخمر حوالي ساعة

يؤخذ مقدار ملعقة صفيرة من العجين و يسقط في الزيت الحار نكرر الخطوة حتى تحصل على كمية من الخبز في المقلاة,يقلب بين فترة و أخرى حتى يصبح بني فاتح

يوضع على ورق ماص للزيت ثم يقدم مع الدبس

وهني وعافيه...تحياتي لأعزائي

http://www.shojoon.org/album/animation/people/s_shojoon780.gif

[دروب المحبة]

هلا وغلا شموسه
تسلم الايادي على الوصفه الحلوة
بس كانها تشبه طريقه المحلي
ماعدا ان المحلي يكون عجينته صب وهو مثل الباكيك الامريكي
بس الاختلاف صنع محلي

[المسكت]

اول مره اسمع عنه حاولت اشوف فيه شي يشبهه ما جاء على بالي شئ
واشوف حتى البنات اللى بالمنتدى ما جاوبو شكلهم ما جابو خبر
وبعدين سؤال شموسه وش الدبس ذا بعد ما عرفته اهو
يعطيك العافيه والله
اخوكم المسكت

[<>شمس الفجر<>]

مررحبابج دروووب..حيا الله
بهالطله..وين هالغيبة مالج
بيان..تقدرين تقولين قريب من
المحلى بس مش هو.

المسكت هههههه دور يمكن تلاقي
شي يشبهه مني مناك..على العموم
إذا ماردوا البنات تراك موجود
وتسد عنهم..بس مدري شكلهم نفروا
من الاسم بس المرة الجاية نختار لهم
اسم أحلى ويفتح النفس.
الدبس: هو عسل التمر


تحياتي لكم وعلى مروركم i:

[دلع]

اهلين سموسه تسلمين على هالخنفروش

بجربها واشوف شكله بيطلع حلوووه وصراحة لاول مره اسمع فيه

تقبلي خالص تحياتي

اختك

دلع

[<>شمس الفجر<>]

صباحك نور يادلع
ومساءك خير..مشكورة الغالية
على اطلاعك..ويله جربي
وقولي النتيجة عجبج ولا لا..

تقبلي خالص التحية من شمس الفجر i:

[سيف الساهر]

يحووووول مسكتووووه وش جابك هنا يادب :bigsmile: