( سليمان العيسى ) جاب العيد أمام الملك ــ فيديو ــ

[أنا صاحي لهم]

السلام عليكم ورحمة الله وبركاته

أخواني هذا مقطع فيديو صدناه لكم صيده للمذيع والإعلامي المعروف
سليمان العيسى , بحضور أبو متعب الله يحفظه أثناء توقيع إتفاق مكه
بين فتح وحماس (( من جد شينه وإحراااااااااااااااااج )) تفرج وشوف .

http://www.c5c6.com/upfile/down.php?filename=b76cd71994.zip

ملاحظه :ـ
الموضوع على فكره من باب الطرفه فقط وليس الشماته فليست من شيمنا

[سد الوادي]

الصاحي

ما نقول الا الله لا يبلانا

يخلي سليمان النقاز

هذا طبعة في كل مناسبة نشوفه فيها

اللهم لا شماته

[أنا صاحي لهم]

سد الوادي حبيب قلبي وينك ياخي اشتقنا لك
الله يعطيك العافيه وتسلم على المرور وعلى
قولتك يخلي النقاز في كل معفى ,,,,,,,,

[صالح آل سلمان]

الله يكفينا شر النقاز في المعافي
والله ما ودك بمثل هالموقف المحرج
اتخيل واحد من الشيبان الله يستر عليه
لو شافه كان قال :-

عثر وكسر

مشكور صاحي
تقبل خالص المودة
ابو عبدالله

[أنا صاحي لهم]

اتخيل واحد من الشيبان الله يستر عليه
لو شافه كان قال :-
عثر وكسر
مشكور صاحي
تقبل خالص المودة
ابو عبدالله

أبو عبدالله يا زينك شايب ويا زينك شباب
يسلم لي عمرك على المرور وعاشت أيامك

[بن ظافر]

الله الله والفزعه لكن البشت هو السبب

[أنا صاحي لهم]

بن ظافرتسلم حبيبي على المرور
ياخي تعيا هو يثبت البشت والا يشل المواصير
والا يتسحب الأسلاك ,,,, مشكله بصراحه

[الصاعقه]

السلام عليكم ورحمة الله وبركاته

أخواني هذا مقطع فيديو صدناه لكم صيده للمذيع والإعلامي المعروف
سليمان العيسى , بحضور أبو متعب الله يحفظه أثناء توقيع إتفاق مكه
بين فتح وحماس (( من جد شينه وإحراااااااااااااااااج )) تفرج وشوف .

http://www.c5c6.com/upfile/down.php?filename=b76cd71994.zip

ملاحظه :ـ
الموضوع على فكره من باب الطرفه فقط وليس الشماته فليست من شيمنا
ملاظـه : - ملاحظه :- ملاحظه :
نود من المشرفين حذف الموضوع وعدم الشماته برمز من رموز الاعلام السعودي والعربي (سليمان بن محمد العيسي ) وكانها كبوة جواد ولكن الناس لاترحم وسراعان ماتم تقطيع ومنتجة اللقطه والشماته بهذا الرمز وكان بودي أن يصل الذي نقل الخبر للمنتدى مثل ماوصل (سليمان العيسي ):002(1):

[حنيين الغواص]

مشــــكـــــور صاحي
وعسى الله لايشـرهنا ولا يهبنا في مقامه.


حنين الغـــــــواص

[أنا صاحي لهم]

وكان بودي أن يصل الذي نقل الخبر للمنتدى مثل ماوصل (سليمان العيسي ):002(1):

عزيزي الصاعقه
شكرا" على مرورك وذوووووووووقك ؟؟؟؟!!!!!!!!!
أخي أنا واصل والحمد الله بديني وبأخلاقي وبأهلي وبربعي
وكلنا عيال تسعه شهور ولا فرق بين عربي ولا أعجمي إلا بالتقوى
وبعدين ياخي الحوادث والطرائف تقع لكل الناس من أعلاميين ورياضيين
وفنانين وغيرهم , وأنا نوهت إن المقطع ماهو للشماته فخل عنك الحساسيه
الزائده وخل عنك خالف تعرف وحاسب في كلامك ترى ما لك حق ( والله يسامحك ) .

[أنا صاحي لهم]

حنين الغواص بارك الله فيك وأشكرك على مرورك الرائع

( تحيااااااااااااااااتي لك )

[أبو مانع]

ههههههههههه
أخترع لا يطيييح العقاال <<< عود طاح الرجال <<

اللهم لا شماته << من جد موقف محرج بيني وبينك

تسلم

[هنا الرياض]

اللهم لاشماته وتصير في كل مكان وزمان بس من جد موقف طريف
وضحكت من أعماق قلبي وكل مره راح اشوف هالمقطع راح اضحكك ..
عادي جداً يعطيك الف عافيه ياصاحي لهم ...

الصاعقه الحين (( سليمان العيسى صار رمز من رموز الاعلام ومدري مين ))
وش سوا ....؟؟ !
كل شي بحقه طال عمرك ...!!

أهم شي لايكون صار رمز من رموز الأمة وانا مدري ..؟!

ياشيخ طلعتنا من جو الضحك لجو النكد والعقول المقطرسه
الله يسامحك

[أنا صاحي لهم]

عاشق الرومانسيه يعطيك العافيه وتسلم حبيبي على طلتك الرائعه

[أنا صاحي لهم]

هنا الرياض تسلم والله يبارك بعمرك أخوي
لا والمشكله الأخ يقول ليت اللي نقل الخبر
يقصدني وصل لما وصل إليه العيسى
( وش جاب لجاب ) ههههههههههههههه
اللهم لا شماته بس

[عبدالعزيز العمري1]

الاخ أنا صاحي لهم , الصراحة سليمان العيد انحط في موقف محرج محرج للغاية يعني طاح قدام ألوف الناس و هذا سليمان العيد طاح قدام ألوف الناس وهو مذيع واعلامي مشهور فما بالك لو واحد طاح قدام جماعته في حفلة زواج مثلا وش بيكون موقفه , الصراحة الصراحة فشيلة , نسأل الله السلامة , وتصدق اني ملاحظ عليه كأنه زعلان يوم حظر مع الملك عبدالله في حفل الشمال قبل ايام مظت ... و في نفس الوقت يبان عليه انه واثق من نفسه و كأنه لم يحدث له موقف زي هذا . الله لا يبلانا .

[أنا صاحي لهم]

عزوز 1 تسلم على المرور الرائع وفعلا" موقف محرج
على فكره هو ( سليمان العيسى ) وليس سليمان العيد

[عبدالعزيز العمري1]

الاخ أنا صاحي لهم , الصراحة سليمان العيسى انحط في موقف محرج محرج للغاية يعني طاح قدام ألوف الناس و هذا سليمان العيسى طاح قدام ألوف الناس وهو مذيع واعلامي مشهور فما بالك لو واحد طاح قدام جماعته في حفلة زواج مثلا وش بيكون موقفه , الصراحة الصراحة فشيلة , نسأل الله السلامة , وتصدق اني ملاحظ عليه كأنه زعلان يوم حظر مع الملك عبدالله في حفل الشمال قبل ايام مظت ... و في نفس الوقت يبان عليه انه واثق من نفسه و كأنه لم يحدث له موقف زي هذا . الله لا يبلانا .

اسف سليمان العيسى , مشكور انا صاحي لهم .:010305123602: