ودَيْني من غلا حبك ودَيْنك رمح بالوجدان

[سعيد العمري]

ألا ياحب عذّبني وصار الجوف به مجنون=وصار القلب متعذّب مابين الاخذ والحرمان
اذا كنت الجفا تقصد وتقصد تعرف المضمون=أنا والله لك هاوي دخيلك يكفي الهجران
أنا العاشق انا الهاوي انا الداين انا المديون=وديني من غلا حبك ودينك رمح بالوجدان
اذا مرّه وفيت الدين انا لك اعترف ممنون=خذ اللي يعجبك فيني ولو حتى نظر لَعْيَان
رخصت الغالي للغالي ولا ظنّي يبوم إتهون=حروف اسمك اعاتبها لبعدك واشكي الاحزان
شكى بشكي بكى ببكي واصير بدنيتي مسجون=بدونك دنيتي رخصت وصارت للحزن عنوان
طريت الله ما اخونك ولاقلبي عليك إيخون =واذا عيني رأت غيرك تعال وكون لي سجّان
ولكن أحلف بربي بموت بدنيتي مطعون=اذا قلبك رسل رمحه وصار القلب له هيمان

[المسكت]

من ابداع الى ابداع
تحياتي لك اخوي سعيد على ما قدمت لنا
من روائع متتاليه اشكرك وما يحرمنا من
ابداعك ومشاعرك الصادقه بما تضع
اخوك المسكت