>؟< سود الله وجيه وبيض الله وجيه >؟<

[غرمان بن عزيز]

سود الله وجه رجّالٍ يفرّط في العطيه = ومن يفرط في العطيه ما عرف معنى الرجاله
وسود الله وجه رجّالٍ يدور للأذيه = ومن يدور للأذيه يكرهه حتى عياله
وسود الله وجه رجّالٍ يثير العنصريه= بين ناس جمعها فيه التآخي والزماله
وسود الله وجه رجّالٍ يحب العنجهيه = ما درى إن العنجهيه تحرم الرجّال فآله
وسود الله وجه رجّالٍ نسي خوّة خويه = بعد ما ميل عليه الدهر وأنفق كل ماله
وسود الله وجه رجّالٍ نسي معنى الهديه = والهدايا ما تردّ ولا تودّى للبقاله
وبيض الله وجه رجّالٍ عرف معنى الحميه = يحتمي من دون ربعه وإن بدأ اللازم بدأ له
وبيض الله وجه رجّالٍ إذا رد التحيه = ردها بأحلى كلام وبآن للسامع مقاله
وبيض الله وجه رجّالٍ إذا جاته وصيه= من حكيمٍ عاقلٍ رحّب وهذا من كماله
وبيض الله وجه رجّالٍ شعاره صدق نيه = صادقٍ والطيب والمعروف يحسب من خصاله
وبيض الله وجه رجّالٍ إذا وليّ رعيّه = يجعل القرآن والسنّه سبيله في مجاله
وبيض الله وجه رجّالٍ إذا لاحظ عليّه = كلمة ما هي صحيحه دزّها لي في رساله

:030305123002:

[همس الغلا]

بسم الله الرحمن الرحيم

غرمان بن عزيز

تسلم على القصيده المميزه

لاعدمنا من طرحك

همس الغلا

[المسكت]

رائع ياغرمان


وبيض الله وجهك

ابداع بكلمات صادقه يعجز الوصف

لك احترامي وتقديري

اخووك

[غرمان بن عزيز]

الأخت الغالية / همس الغلا . ألف شكر لمرورك الكريم وعساكِ تسلمين 0

الأخ الغالي والشاعر الجميل / المسكت . شكراً لك على مرورك الكريم بكرم أخلاقك ولك مني أغلى التحايا 0

[عذب السجايا]

غرمان صح لسانك وبيض الله وجهك
قصيدة من اروع القصائد
ولاغرابة فشعرك دوما على المستوى
اللائق
اشكرك على تلك الدرر الف شكر

[غرمان بن عزيز]

عذبب ما أروعك عندما تمر على قصائدي وما أسعدني حينما تكتب وتعلق على ما أكتب فشكراً لك وعساك تسلم 0