لا أخذت في خاطري من واحد ٍ غالي

[الرسمي]

لا أخذت في خاطري من واحد ٍ غالي= ماعاد ابي الناس قاصيها ودانيها
ماعاد ابي اللي ينشّدني عن احوالي=العزله .. ابرك من الدنيا ومافيها
اجلس لحالي وانادم نفسي لحالي= مهموم / وهمومي الله لايحييها
اغيب عن مجتمع خلق الله أشوا لي=وادلّه النفس .. لين الله يسويها
اضحك وانا الصدز .. لاداله ولا سالي= من ضيقة ٍ ماتجنّب عن حراويها
لا اونستها في ضلوعي كنها الصالي !=الناس ماعاد اناديها بأساميها
كنيتها لين شفت الشرّ في حالي=عجزت لأهرج بها وازريت لا أخفيها
ان جيت ابهرج بها شي ٍ ماينقالي= وان جيت ابسكت لـ( نار ٍ من يصاليها ) !
حتى تساوا مذاق المر والحالي=حسبي على كلمة ٍ ماني بناسيها
ياليتها من عدويني وعذالي=والله لـ( تلقى ) الجواب اللي يدوايها
لكنها من حشيم ٍ منزله عالي=احترت فيها ولا ادري وين اوديها !
مردودها كل مامنّه تهيّالي= شيّمت نفسي عن اولها وتاليها
تمرني .. جعل والله مالها والي=ماكني اوحيتها من فمّ راعيها
واصد من دون لا أشاور ولا أمالي= بضاعة ٍ بين بايعها وشاريها
ماني بـ( ناقص ) غرابيل اول وتالي=روحي من الوقت فيها مايكفيها
سوالف ٍ كل مامرت على بالي= سمحت من خيرة ٍ كنت متحريها
ياحرّ كبدي وياهمي وغربالي=مصيبه ان كان حاميها حراميها
ضايق وضاقت بي فجوج الخلا الخالي=( والنار ماتحرق الا رجل واطيها )
مهما يدور الزمان ويأمن الجالي=مايجرح الروح غير طعون غاليها


منقول ...

[المسكت]

الرســـمي
رائعه من رائع
صح الله لسان قايلها

سلمت ودمت اخوي ولاهنت

يعطيك الف عافيه
ولك الاحترام

اخووك

[الرسمي]

تسلم يالمسكت ولاهنت على مرورك الطيب


يعطيك العافيه ..