(<>)(<>) شكرأ ابا ريان (<>)(<>)

[غرمان بن عزيز]

ألف شكر يا أبو ريان على السؤال وعساك تسلم وتدوم وكل عام وأنت بخير و أسمح لي بهذه الرزفه :-



الله يجازي حال هذا الزمان بخير
اللي يبين صحبة أهل السعه والضير
غبنا ولا أحد قال وش فيك يا غرمان
إلاّ الصديق الصادق الشهم أبو ريان
عساه يسلم من صلوف الزمان وضيره
وعسى عدوّه ما تحرّك قوايمه

[فيصل المالكي]

اشكرك على هذه الابيات الجميلة وتقبل مني هذا الردود وان كان القصيدة موجهة لبوريان لكن كلنا واحد

ياصاحبي لاتقرن لي اللي قدم باخير
لاتحسب ان الشهد يشبه سمن ومضير
والله ماني لك معادي ولا غرمان
والعود الاخضر من ميات النهل ريان
ان غبت والا جيت كلا يريد انظيره
ماقامت الساعه علينا قوايمه

[غرمان بن عزيز]

يا مرحبا والطارف يسد والبركه في أبو ريان ولا عليك زود


المحترم له عندنا واجب التقدير
واللي يخالفنا عليه العذاب يصير
يقولها اللي يثبت العلم بالبرهان
ولا أترجى من بعيد النسب غفران
الله سبحانه طلبته ولا أطلب غيره
يبقي على أهل الدار كامل نعايمه

[البيطري]

الحمد لله على السلامه

[أبو ريان]

أبو ولدي بوه ..

أرحب يا غرمان .. ارحبوا كلكم ..

في البداية أقول للأخ العزيز الشاعر غرمان بن عزيز السؤال بين الأحبة والأصدقاء

واجب .. ولم نقم إلاّ بالواجب .. وأنت تستاهل ..

آسف على التأخر في الرد ..

فيصل المالكي ونعم بك وما قصرت كفيت ووفيت وبيض الله وجهك ..

والحقيقة شكل الموضوع بداية لمتعة بين الرائعين غرمان وفيصل ..

لكم التقدير والاحترام ..

[الأشقـــر]

صح لسانك ياغرمان

أبو ريان من الأصدقاء الأوفياء مع الجميع
ويستاهل قصيدتك ...

والحمد لله على السلامة .

[فيصل المالكي]

الله يسلمك جميعآ ويعطيكم العافية وما عليكم زود

وتفضل الردود لا هنت


المعرفه بيني وبينك لها تقدير

فلا يدل الدرب غير الذي بصير

لاتحسب ان الدخن متروك والبُر هان

مادام الامطار الغزيرة لها غفران

حنا السعوديين واهل الشرف والغيره

مثيل بحرا فوقه الجن عايمه

[غرمان بن عزيز]

لا والله إلاّ خانك الشعر والتعبير
يافيصل الشاعر يقصّد بعد تفكير
يعرف معاني كل شاعر مع القيفان
ولا يجيب إلاّ بيوتٍ على الأوزان
يعيد شعره في حنا الذاكره ويديره
وإذا بدأ به ما يجي فيه لايمه

[فيصل المالكي]

هلابك اخوي غرمان مرة اخرى وصح لسانك واستلم الردود لاهنت


الموت من بعده يجي الغبن والتعبير

في الناس راعي عطر صافي ونافخ كير

غرمان ياغرمان ياشاعر القيفان

احذر يغرك وقتنا اللي مضى لو زان

حنا من اول قد حمينا حدود الديرة

والسيف الاملح ساطيات(ن) هلايمه

[غرمان بن عزيز]

الله يسلم نباك وأستلم البدع


الموت ما يرحم كبير ولا صغير
والعطر من عطارنا يكره التبذير
والحمد لله ما بعد صابني نقصان
أداري الأيام وأداري العربان
وأبحث عن اللي قالوا أنه حسين السيره
وإن جارت الدنيا قويه عزايمه

[فيصل المالكي]

هلابك اخوي ابن عزيز

واستلم الردود لاهنت والمعذرة على التاخير


لا توصي الزارع على الغرس وص غير

يكلف على زرعه ويجهز لها التبذير

وعلى علوم الجد متماسك وصان

ووسط قلبه كانز الطيب والعربان

ربا على فعل المكارم وواصل سيرة

والناس توصلة وتلبي عزايـــــــــــــمة

[غرمان بن عزيز]

الله يسلمك يا خوي فيصل وأستلم وأطلب المعذره على القصور :-



بعض النشاما هقوته مثل قاع البير
والبعض الآخر هقوته مثل عش الطير
متعاليه لكن ما جاء لها عنوان
ولا حسبها لا سليمٍ ولا تعبان
والشعر نسعى كل يومٍ على تطويره
وأنا وفيصل في يدينا قسائمه

[فيصل المالكي]

صح لسانك واستلم الرد لاهنت

سلمت ياشاعر كما المسك والعبير

يرمي ورمياتة بصدر العدى تطير

واهل الكرم والجود يبدي لها عنوان

ولا تلحقهم مذلة ولاتعبــــــــــان

واللي رمى رمية خطا مابدا تطويرة

مثيل من هو ياكل القمة سائمة

[غرمان بن عزيز]

عساك سالم وغانم وأستلم :-


الهادم أكثر يا أبن الأجواد من التعمير
والقلب ما تضمد جراحه مع التخدير
ان كنت فاهمني فقل يالخوي فهمان
وان كان ما وصلك خبر فأسأل الجيران
أسأل عن اللي واضح بيننا تعبيره
له عدة أسماء وأثبتتها جرائمه

[فيصل المالكي]

صح لسانك اخوي وتسلم

واستلم الرد لاهنت

عجل لنا بالكيف ياصاحب التعمير
مالك ومال الهم والورد والتصدير
من جاء يخوفنا فقل له خويفه مان
سمحان شال الحمل يوم الحمل جيران
من لا اعتبر من عيشته وش ترى تعبيره
عشر عدد مجروم واعرف جرايمه

[غرمان بن عزيز]

الله يطول بعمرك يا إستاذ فيصل وأستلم البدع لاهنت


أبشر بعزّك والخبر ينقصه تحرير
وأبغى تكون أوصاف عنوانه التكبير
يدري به الشايب ويدري به الشبان
وأبني عليه العلم وأعزز البنيان
وأقول هذا علم ما يحتمل تأخيره
وأكشف علومٍ داخل المخ صائمه

[عذب السجايا]

لك الحق يا غرمان تزعل ولك حق نرضيك

والله مانتبهت لغيابك

ولكن لايمكن اكون مثل ابو ريان في الوفاء

فهو دوما سباق لكل

جميل الله يوفقك واياه والحمد الله على السلامة

[فيصل المالكي]

صح لسانك اخوي غرمان واستلم الردود لاهنت


ماعندنا استعباد فكري ولاتحرير

قلوا لراعي الكبر مايصلح التكبير

راعي البخل ماجاء بهيلا ولابنيان

وترك راعي الشر يمكن فيها خيره

سفله وتركه خير لي من خصايمه

[غرمان بن عزيز]

مشكور يا عذب السجايا وأنت والله عزيز وغالي وأكيد ما تدري لأن المثل يقول :-
((( اللي بعيد عن العين بعيد عن القلب )))

[غرمان بن عزيز]

سلمت ودمت يا ذيبان


أرجوك يا فيصل تقدم لما التقرير
وأطلب معك في جلستك طاقم التصوير
أبغى أثبت أن الشعر له في الكتب شيخان
شيخ يقوله وأقتبس من شعر حسان
والشيخ الآخر يكتب الشعر من تفكيره
عايش بفكره وأكثر الناس نائمه

[السااااري]

الله يعطيكم العافيه يا اهل هذا العلم
فيصل وغرمان وغرمان وفيصـــــل
اتحفتوفنا ياالنشاما
اخوكم
الســـــــــــاااري

[فيصل المالكي]

صح لسانك واستلم الردود لاهنت


جتك القصيدة بعد طورتها تطوير


خذا الحقايق ماتصورتها تصوير

لاشيء عصاني في زماني ولاشيء خان

واللي تبي تحسين حسنتها حسان

وصاحب الكير الذي ودي انتف كيرة

ضاعت علومة بعد ضاعت غنائمة

[العاقل]

الله يسلمكم وعلى القوة إن شاء الله

تسلمووووووون جميع


أخووووووووكم ومحبكم العاااااااااااااااااقل

[فيصل المالكي]

مشكورين اخواني العاقل والساري على المرور

والروعة طلتكم على صفحتني المتواضعة

[غرمان بن عزيز]

الصفحه للجميع الله يعطيك العافيه يا صبي بني مالك :k


لا والله إلاّ قامت الحرب بالتدمير
ماهي مجرد كلمة قالها شأمير
ولاّ صواريخٍ تساقط على الجولان
واللي خبيثه نيته فاله النيران
حتى ولو برر أنا كاشفٍ تبريره
معروف من ناسٍ في البر هايمه

[فيصل المالكي]

تسلم اخوي وصح لسانك واستلم الردود لاهنت


الشور في يد النشاما وفيدأمير

ماعاد يبي للكف كما ولا شامير

حنا عرفنا الدار من كثرة الجولان

والدرب للعينين ياصاحبي نيران

البِر لاهل البر والكفو من تبريره

راعي الوهم وش حدنا في وهايمه

[أبو ريان]

يا زير .. يا زير ..

عوافي والله .. الله من علم ومن قصيد ..

[غرمان بن عزيز]

الأستاذ الكريم والعزيز والعاقل والفهيم والشاعر المثقف بما تعنيه الكلمه / فيصل المالكي . حقيقة أشكرك كل الشكر وأشهد بالله إني أستمتعت معك بالردود الجميله علماً أن البدع من عندي كان عليه ملاحظات كثيره ومنها عدم الشقر ولكن من حسن خلقك ورجاحة فكرك أستطعت أن تجيد الرد فعلاً فشكراً لك مرة آخرى وأنا من هذه الصفحه أقول لك أستودعتك الله الذي لا تضيع ودائعه والى اللقاء أن شاء الله 0

(((( وشكراً لكل من تابعنا ))))

[ريانة العود]

غبنا ولا أحد قال وش فيك يا غرمان
مادرابك شر


مذا ادراني عنك كني ومك ؟؟

متى ييت ومتى افلحت
يومه ياعرب مذا ادراني لعاد واحدن ياخطيني طووووول


اقلك حليلك عان ملى بو ريان ذا نشد عنك ولا الباقي عايلهم لايبغونك ولا يريدونك ولا يتصورك الواحد في عينه
عان قلوبهم سواااادها سوادها عليك عبا الفحمه القو(ت) لله
وعان الدنيا تيه عادت عبا الشي البخ لاحيلي ولا قوتي الا بالله
معاد لواحدن بواحد
حن فيه ويه الله
وبالخص انا انا في ويه الله

يومه منك ولا قد اخطيت على واحدن ولا انت تفتح ول اتغلق مالهم يوم يقلون بك كوذيه
يومه ولا طاق واحن ييود ذا تقول

اوف غط ذولا من عبا ذولا كوذيه وهيمهم اوف غطهم تحت الارض من حيذ لانعلم

اقلك
عايلك لاعت تلتفت في واحد طووووووول

يومه يومه يومه







على فكره وش السالفه؟

من جد قصيده ولا ايش بس الي فهمت انك افلحت ارهي ارهي وسدرت ولا اواحدن قال مذا انت عليه

ام حياك الله كنا ونعيي لاتايي

ارحبي ارحبي مرحبا الف

يوابه مذا ماقول
هيا لاواحدن يخاطي

[غرمان بن عزيز]

عسل يا عسل فينك يا راعي العسل شوف العسل من أصحاب العسل

ريانه كلامك كله عسل لكن عليه بعض الميرندا والسكر زايد شويه لكن ما عليه والله أني خايف لا يكون العسل مغشوش وتغطين عليه مثل الحجاج اللي يبلسون لبس حريم وهم رجال على شأن يتعدون نقطة التفتيش ولكن أنكشفوا ومصير المغطى ينكشف يا راعي العسل 0


تحياتي يا :qlbe12:

[فيصل المالكي]

الأستاذ الكريم والعزيز والعاقل والفهيم والشاعر المثقف بما تعنيه الكلمه / فيصل المالكي . حقيقة أشكرك كل الشكر وأشهد بالله إني أستمتعت معك بالردود الجميله علماً أن البدع من عندي كان عليه ملاحظات كثيره ومنها عدم الشقر ولكن من حسن خلقك ورجاحة فكرك أستطعت أن تجيد الرد فعلاً فشكراً لك مرة آخرى وأنا من هذه الصفحه أقول لك أستودعتك الله الذي لا تضيع ودائعه والى اللقاء أن شاء الله 0

(((( وشكراً لكل من تابعنا ))))

اهلا وسهلا اخوي ابن عزيز واذا انا استاذ الشعر فأنت مدرسة الشعر ونحن احد طلابك

اشكرك على حلو الكلمات وطيبة روحك اتمنى لك التوفيق والى إن نلتقي مرة ثانية إن شاء الله

تقبل خالص تحياتي

اخوك فيصل المالكي