من يبي يلعب الليله معي بأختصـار ..؟؟

[المهاجر07]

السسسسسسسسسسسلام عليكم
الطاااااارف واللي له نفس يقلط




ياسلامي على الجمهور وعلى الشـّعار = من خفوقن يهزه شوقه ويدفعه
من يبي يلعب الليله معي بأختصـار = واللي ماتنفعه ربعه محد ينفعه

[الاماكن]

ياسلامي على الجمهور وعلى الشّعار
من خفوقن يهـزه شوقـه ويدفعـه
من يبي يلعب الليله معي بأختصـار
واللي ماتنفعه ربعـه محـد ينفعـه
الرد

مرحبا يالمهاجر وانت شاعر شعار
من ظميراً على الزلات مايدفعه
وانت من يحمل الرائه بكل اختصار
ولي ماينغعه زنده محد ينفعه

الاماكن

[أبو عابد]

مرحبا ملايين بك يالمهاجر

صح لسانك ولسان أخي الاماكن
وهذه مشاركتي

يا هلا مرحبا يا من بدا بالوقار= مثلكم ودي أناشد وأقصد معه
نفعنا كم نفع ضيفٍ وأخوٍ وجار = خل مثلك فقدره عندنا نرفعه

[المهاجر07]

اخوي الاماكن
استمحيك العذر اخوي ..في محاورة ابوعابد
انت ردك شقرت البيت مع انك غير ملزم بالشقر في هذه المحاوره ..


ابو عابد
الله يحيك ويسلم ويخليك
وصح لسانك
واستلم طال عمرك



البقى يابوعابد وانت ضو النهار = واللي نفرح بشوفه ليه مانتبعه
جيت والخير واجد وأنته ألك الخيار = قرر اللي تبيه وماسواه اردعه

[أبو عابد]

الله يبقيك يالذيب
واستلم طال عمرك

وانت كالبدر نوره مرة في المدار = غاب شهرٍ ولكن بديته تشفعه
انت ابوها وفي قبضتك فك الحصار = يا حلاة الوجيه إللي بليا أقنعة

[الاماكن]

اخي المهاجر يسعدني نقدك وانا جالس اتابع المحاوره بكل شوق


الاماكن

[سيــف العرب]

المهاجر ......... أبو عآبـــــــــــد

يا سلآآآآآآم
اسمين كبيريـن وشاعريـن مبدعيــــن
استمروا والله يعطيكم العافيـــــــــــــــــــــه
مــتــآبـــــــــــــع

[ابو باسل العمري]

الاخوان الكرام

المهاجر

ابو عابد

الله يعطيكم العافيه وعلى القوه ونتمنى لكم امسية جميلة ونحن في انتظاركم وانتظار ابداعكم ولكم التحية والتقدير


الاخ العزيز الاماكن :

الله يعطيك العافيه ما قصرت وتركك المجال للمتحاورين وتقبل النقد الهادف بكل اريحية وسعة صدر منك دليل وعيك وشخصك الكريم لك مني التحية والتقدير

[المهاجر07]

الأماكن
حيااااك الله اخوي .. ومتابعتك زود وفود يابعدي
لاهنت


اخوي سيف العرب
الكبير حظورك وتشريفك
لاهنت


الاخ الكريم
ابو باسل
حيااك الله يالغالي
وتواجدك يشرفناااا
ومتابعتك تزيدنا شرف

لاهنت

[المهاجر07]

الله الله
استلم لاهنت



الحمول الثقيله مالها إلا الكبـار = والحصون المنيعه قدمها المدفعه
وأنت خلك يمين ولا تروّح يسـار = والسعه يابو عابد السعه السعه

[غرمان بن عزيز]

المهاجر 7
أبو عابد
الله يعطيك العافيه شرفتونا وهذا دوركم إحياء المحاورة بالقصيد الطيب ودورنا نتابعكم بكل إحترام 0

[أبو عابد]

أخي العزيز : الاماكن
هذه إن دل فإنما يدل على نبلك وطيبك .. فالله يعطيك العافية

وهذا النوع من المحاورات يسمى بالقلطة ... وهو لا يهتم بالشقر والجناس كما في العرضة .. وهو أشبه بالنظم

ومثلك عارف هذه الامور فانت شاعر متمكن ... ولكن لكل جوادٍ كبوة

الاخوان الكرم

سيف العرب & أبو باسل
أشكركم جزيل الشكر ولكم جزيل الإمتنان على تعالقكم الجميلة ومروركم العطر

وإن شاء الله نكون عند حسن ضنكم

عزيزي المهاجر إستلم نا فداك

تونا ...إن كان حملك فوق منكبك جار = كم خصيمٍ تجراء ثم هل إدمعه
دربنا عالسراط المستقيم المنار = يوم غيرى سرى في ظلمة المعمعة

[king]

المهاااجر ............ ابو عاابد

نجمين الشعر

نبي امسيه امسيه وعلى القوووه

رغم اني احس ان مافيهاا فايز لان كلهم شعاار

تحياااااااتي

[المهاجر07]

الكنق
شرفتنا بحظورك
لاهنت



.........

ابو عابد استلم نافداااااك


مايجينا تعب لو طال فينا المسـار = والصقر ياغراب البين ماتجزعه
خل عنك الوساوس والدوى في شهار = والردي ياعسى الله يابعدي يقلعه

[المهاجر07]

غرمان بن عزيز

حيااااااك الله
وشرفتنا بحظورك


لاهنت

[أبو عابد]

أستاذنا : غزمان بن عزيز
تعليقك يرفع من معنوياتنا .... ومرورك زاد الصفحة بهاء وإشراقاً ... ومتابعتك تهمنا بكل تأكيد

لك مني صاق الود

أخي العزيز : king
أشكرك على مرورك الجميل ومالك إلا الرضى

لك مني صادق الود


الله أكبر الله أكبر

إستلم يالذيب
ليت من قال قولٍ ما نفعه.. إستخار = عل ربي ييسر من يجي يمنعه
الوساوس لفى شيطانها بإكتبار = يا الله إن تلعن الشيطان وإن تقطعه

[king]

الله الله يابو عاابد والمهااجر

وحمي الوطيس .. ولا زلنا نتاابع

تحياااتي استمرووو

[المهاجر07]

كنق
حيااااااك الله
وشكرا عالمتابعه


......

الله الله يابو عابد
استلم طال عمرك



ماقفي قد قولي وأنا عندي شعار = اللي ماهو بقد القول لا يبدعه
والصقر مايصيد إلا طيـور الحبـار = الله أكبر عليه إليا فزع مسرعه

[واقـعـي]

ليت من قال قولٍ ما نفعه.. إستخار....عل ربي ييسر من يجـي يمنعـه
الوساوس لفى شيطانهـا بإكتبـار....يا الله إن تلعن الشيطان وإن تقطعه

#################

ماقفي قد قولي وأنا عندي شعار...اللي ماهو بقد القول لا يبدعـه
والصقر مايصيد إلا طيور الحبار...الله أكبر عليه إليا فزع مسرعه


################

ماشاء الله تبارك الله والله محاورة قوية من شعراء عرفنا عنهم الجزالة والقوة لاهنتوا والله يعطيكم العافيه على ما امتعتونا به وما نستغني عن تكرار مثل هذه المحاورة الطيبة مرات قادمة سجلوا مروري واعجابي بما قدمتم يا مبدعين

[ضي العيون]

بصــــــــــراحه المحاااااااااورره رووووووووووعه
الله يعطيكم العافيـــــــــــه
<<<<<<<<<<<<< متــــــــــــــــــــــــــــــــــــــــابعـــــ ـــــــــــــــــــــه

تحياتي لكم
ضي العيوون

[فارس بني عمرو]

الله يعطيكم العافيه حقيقه ابداع وكل انسان بطبعه يحب الابداع
واعتقد منافسه قويه وشاعرين اقوى اتمنى لكم دوام التوفيق
وياليت يستمر البدع والرد

[أبو عابد]

الأخ العزيز: king
الأخ العزيز : الواقعي
الاخت العزيزة : ضي العيون
الأخ العزيز : فارس بني عمرو

أشرقت الصفحة بمروركم وأزدادت بهاء بتعاليقكم

وأرجو ان نكون عند حسن ظنكم

إستلم يا ذيبان .. والله يعطيك العافية

كلٍ يقول انا عنتر وشباب نار = خلف شاشة وكي بردٍ وضغط إصبعه
أخبر الصقر ما يفزع يابو الإبتكار = بو حنيفة يمد رجوله المربعة

[المهاجر07]

واقعي
حياااااااااك الله يابعدي
اسفرت وانورت واستهلت وامطرت
شرفتنا بحظورك يالغالي
لاهنت
..............

ضي العيون
هلابك ياوخيتي ..
والله يعافيك ويسلمك ..
حظورك زود وفود


...............
فارس بني عمرو
حيااااااااااك الله يابعدي
والله يشرف مقدارك ..
لاهنت

..............

الله الله يابو عابد استلم
واسف عالتأخير ..



أنت تبغى تطير وصاحبك فيك طار = وأسمع الشور تكفى يابعدي أسمعه
المعاني لها عند العرب أعتبـار = وأنت منته بصقـارن عشان أقنعه

[أبو عابد]

أشكر كل من مر

المهاجر=
ياسلامي على الجمهور وعلى الشّعار=من خفوقن يهـزه شوقـه ويدفعـه
من يبي يلعب الليله معي بأختصـار=واللي ماتنفعه ربعـه محـد ينفعـه
.=
أبوعابد=
يا هلا مرحبا يا من بدا بالوقار=مثلكم ودي أناشد وأقصد معـه
نفعنا كم نفع ضيفٍ وأخوٍ وجار=خل مثلك فقدره عندنا نرفعـه
.=
المهاجر=
البقى يابوعابد وانت ضو النهـار=واللي نفرح بشوفه ليـه مانتبعـه
جيت والخير واجد وأنته ألك الخيار=قرر اللي تبيه وماسـواه اردعـه
.=
أبوعابد=
وانت كالبدر نوره مرة في المـدار=غاب شهرٍ ولكـن بديتـه تشفعـه
انت ابوها وفي قبضتك فك الحصار=يا حلاة الوجيه إللي بليـا أقنعـة
.=
المهاجر=
الحمول الثقيله مالها إلا الكبـار=والحصون المنيعه قدمها المدفعه
وأنت خلك يمين ولا تروّح يسار=والسعه يابو عابد السعه السعه
.=
أبوعابد=
تونا ...إن كان حملك فوق منكبك جار = كم خصيمٍ تجراء ثم هل إدمعه
دربنا عالسراط المستقيم المنار = يوم غيرى سرى في ظلمة المعمعة
.=
المهاجر=
مايجينا تعب لو طال فينـا المسـار=والصقر ياغـراب البيـن ماتجزعـه
خل عنك الوساوس والدوى في شهار=والردي ياعسى الله يابعـدي يقلعـه
.=
أبوعابد=
ليت من قال قولٍ ما نفعه إستخار = عل ربي ييسر من يجي يمنعه
الوساس لفى شيطانها بإكتبار = يا الله إن تلعن الشيطان وإن تقطعه
.=
المهاجر=
ماقفي قد قولي وأنا عندي شعار=اللي ماهو بقد القول لا يبدعـه
والصقر مايصيد إلا طيور الحبار=الله أكبر عليه إليا فزع مسرعه
.=
أبوعابد=
كلٍ يقول انا عنتر وشباب نار = خلف شاشة وكي بردٍ وضغط إصبعه
أخبر الصقر ما يفزع يابو الإبتكار = بو حنيفة يمد رجوله المربعة
.=
المهاجر=
أنت تبغى تطير وصاحبك فيك طار=وأسمع الشور تكفى يابعدي أسمعه
المعاني لها عند العـرب أعتبـار=وأنت منته بصقارن عشان أقنعـه
.=
أبوعابد=
عالي وأبصر لمن دوني بعين الصغار = شور جمّل ويشرى غير شورٍ بعه
والعجم علمهم مالي عليه إقتدار =ياذا ما ملك من صقره سوى برقعه

[سيــف العرب]

يا سلام يا سلام

ابو عابـد والمهـآجـــر

مبدعيـــــــــــن ما فيهآ كلآم

الله يعطيكم العافيــــــــه وبيّض الله وجيهكم

تقبلوا أطيب التحايــــــــــــــــــــــــااا

[القاروش]

محاوره رائعه

صحت السنتكم يا شعارنا

هناك قسم للعب مثبت كنت اتمنا ان تكون هذه المحاوره فيه

واتمنا ان تمرون على القسم وتتحفونا بما لديكم

تقبلو مني التحيه والتقدير

اخوكم القاروش

[ابو سيف العمري]

القوة ياشباب والله إن ودي إني شاعر كان ووريتكم المحاورة على أصول
الحقية أبشرو بنا ياللي ماعندنا شعر نعرض كل عند جهازة وتسلمون
تحياتي

[أبو عابد]

الاخ العزيز : سيف العرب

الإبداع انت منبعه .... أشكرك على مرورك الكريم


الأخ العزيز : القاروش

صح بدنك يالغالي ... ولكن ترى محاورتنا ليس لها أي علاقة باللعب ... حنا نمشي على لون من الوان القلطة

لكن أبشر إنا نمر موضوعك وأنا نجود بالماجود

لك مني صادق الود

الاخ العزيز : سعيد

الله يقويك ويسلمك ... ومرورك بحد ذاته يغنينا عن الف بيت

لك مني صادق الود والتقدير

[المهاجر07]

ابو عابد

اولا اعتذر لك عن غيابي يالغالي ..
وصحححححححح لسانك مليون ولا يكفون
شرفتني بمحاورتك .. وأمتعتني

وان شاء الله نلتقي في محاورات قادمه
لاتروح بعيد


وأشكر الأخوان اللي ردو جميعاا
الله يعطيهم العافيه ..
وشرفتونا يالغاليين
لاهنتم



بمان الله

[أبو عابد]

الله يصح لسانك ويسلم أركانك ... ويعلي شانك

الحقيقة إن الشرف لي بمحاورتك اللتي أستفدت منها الكثير

وإن شاء الله تجمعنا محاورات أخرى

الشكر لك ولجميع الأخوان اللذين شرفونا بالمرور والتعليق

أخوكمـ ـ ـ ـأبو عابد

[ابو شروق]

الأخوين: ابو عابد والمهاجر07 ،

شاعرين يتصفون بقوة الشعر والمشاعر الطيبة،

أتمنى لكم التوفيق جميعاً،

أخوكم ابو شروق،،،

[فيصل المالكي]

الله يعطيك العافية وتسلمون على هذه المحاورة الرائعة

وودي من بدري شاركناكم لكن انتم كفيتم ووفيتم

اتمنى لكم التوفيق وتقبلوا خالص تحياتي