يا قبر أعز انسان

[عائض شداد]

قصيدة ....... فيها الكثير من ألم الحب والمحبين ولوعة الفراق


يا قبر أعز أنسان غالي رقد فيك
خفف عليه من التراب الثقيلي

يا قبر ماني بطيب عقب راعيك
اللي رعاني وصار عندك نزيلي

أغليك أنا يا قبر من حب غاليك
مرحوم يا راعي الوفا والجميلي

ياللي سكنت القبر صوتي يناديك
موتك جرح قلبي وهديت حيلي

مانساك والله لين قبري يوازيك
واعلن من الدنيا العريضة رحيلي

واشق جيبي كل ما حل طاريك
كنت أفتكر عمرك معانا طويلي

يبكي عليك البيت من عرض اهاليك
اليا دخلت البين دمعي يسيلي



أختيار محبكم : فتى السهوه

[<>شمس الفجر<>]

http://www.almton.com/vb/images/smilies/f95.gif http://www.almton.com/vb/images/smilies/f95.gif
كلمات لها وقع خاص على السمع فنالت على إعجابي و اشكرك عليها يافتى السهوة.
ياللي سكنت القبر صوتي يناديك...موتك جرح قلبي وهديت حيلي...مانساك والله لين قبري يوازيك..واعلن من الدنيا العريضة رحيلي

تقبل تحياتي لك...
http://www.almton.com/vb/images/smilies/f95.gif http://www.almton.com/vb/images/smilies/f95.gif

[رعد الجنوب]

مشكور اخي فتى السهوه على هذا القصيده المعبره .
والله يعطيك الصحه والعافيه.
يا قبر ماني بطيب عقب راعيك
اللي رعاني وصار عندك نزيلي

[همسة امل]

كلمات روعه بروعه الطبيعه..........
لك التحيه...............

[سعيد بن عبدالله]

يا فتى السهوة من تغليه نغليه
ولو كان في قبر فبعده ثقيلي

ومن فارق المحبوب لابد يبكيه
ويبكي على قبر سكن به نزيلي

وكل مكانه بين قبر يرد فيه
ولا بد من وقت تشد الرحيلي