المساعد الشخصي الرقمي

مشاهدة النسخة كاملة : من روائع الشعر ..قصيدة بدون نقط


سيــف العرب
11-06-2006, 09:02 PM
بسم الله الرحمن الرحيم

السلام عليكم ورحمة الله وبركاتــه
من روائـع الشعر قصيدة بدون نقط (( مهمله))
للشاعر الكبير والمعروف محمد بن لعبون
علماً بأن هنآك الكثير ممن كتب مثل هذه القصيدة من الشعراء
ولكن تبقى مهملة بن لعبون من أفضـل ما قرأت
أترككم مع إحـدى روائــــــع الــشــعـــر والإبــدآع

أحمـد المحمـود مـا دمـعٍ همـل=أو عـدد ما حـال وادٍ لـه وسـال



أو حـدا حـاد لسلمـى أو رحـل=سار هـاك الـدار أو داس المحـال



أو عــدد مـاورد ورّاد الـدحـل=أو رمى دلـوه وما صـدر ومـال



أحمــده دومٍ علـى حلـو العمـل=سامـع الدعـوى ومعـط للسـؤال



ما علـى راك لعـا وأعلـى ومـل=حاول الطـاعه على ما صار حـال



ما حـلا لولا صـدور لـه وهـل=لو ورد ما عدهـا الما لـه أطـال



ما رد حالـه علـى حـال الوحـل=طال ما حسـه لروحـه لا محـال



راد رود للـمـها سـمـه سحـل=عاد صـل لسعـه أسـوا لـه وآل



مـا دعـى داع الهـوى إلا وسـل=روح مطرود الهـوى مالـه وسـال



ما على ماسـور دمعه لـو هطـل=لا ولا مسـراه عــاد للهـمـال



ما ورا ما هو عصـى وال المهـل=مـالـك العالـم وعـلام الاحـوال



مـاسـك صارم هلاكـه والكسـل=مـاسـك لعـراه معـدوم العـدال



عـادم علـم الهـدى مالـه وهـل=هالدهر دوم علـى طـول الأمـال



مـا وراهـم كـود هـدام الأمـل=للمـلا حــراس لـلأرواح سـال



لـو عطـاه ومهلـه مالـه مهـل=هل على طول الدهر عمـرٍ وطـال



مـا سعـاهـا سـالـك إلا رحـل=الا ولا له كـود لحـده والاهـوال



لـو رأى حالـه ومـالـه للمـلـل=لام لـوامـه علـى دار المــلال



دار لهـوٍ مـالهـا طــرٍ عـدل=مـا عداهـا لهـوهـا دوم وعـال



حـارس سـلال روحـه ما سـأل=مـا علـى راده المـولـى سـؤال



حاكـم عـادل ومـا رواه حصـل=آمـر مـا راد لـه راعـه وهـال



ما عد كاس المـراره مـا الحـول=للـورود ومـا لـورد لـه عطـال



وارد كاسـه ومـع أهـل الطـلـل=ما لواهـم لـه لـوى دوم وحـال



حال حالـه لو راوا مالـه وصـل=عـاده أمـلاكٍ اكــرام للسـؤال



وسـط لحـد ما معه كـود العمـل=أو سـواد الـدود مع سـوء المـآل



واعلـى حـل عـلا مالـه سهـل=عطلـه لهــو الهـوى دوم ومـال



سامر اهوال الهـوى واهوى وحـل=مـا طـوا سـده وعـاده للهمـال



حـاول السلــو وسـاوا لـلاسـل=والهـوى له ساحـر سلـه سـلال



راحـمـه وال الـمـلا وال عـدل=صـور العالـم على حلـو الكمـال



دوم صلـوا عـد مـا هدهد وهـل=أو عـدد ما حـام أو هـل الهـلال

اتمنى ان أكون قدمت ما ينآل على إعجابكمـ
تقبلوا أطيب التحايــــــــــــــــا
ســـ ي ـــف الـــــ ع ـــــرب

المسكت
11-06-2006, 10:53 PM
سيف العرب
حلاوة الشعر عندما يسترسل شعور

سلم ذوقك والله

احترامي لك

أبو عابد
11-07-2006, 01:08 AM
حقيقة قصيدة مبدعة فعلا ... ما شاء اله تبارك الله

ولكن الشاعر تجاهل نقاط التاء المربوطة ... وهي تعتبر نقاط


العزيز : سيف العرب

سلمت يداك على نقلك المميز الذي عودتنا عليه دائما ... وعوايدك ما تجيب اللا السمينة

لك مني خالص الود والتقدير

سيــف العرب
11-08-2006, 05:28 PM
سلمتوا ولاهنتوا

المسكت..ابو عابد
تشرفت بمروركم يا غالين
الله يعطيك العافيه ولك جزيل الشكر
تقبلوا أطيب التحايــــــــــــــــــــــــا

سيد الموقف
11-08-2006, 05:51 PM
قمة في الروعة

يعطيك العافية

سيــف العرب
11-09-2006, 07:06 PM
أمير الغلآ

مشكور ولاهنت على تواجدك يا غالي
الله يعطيك العافيه
تقبل أطيب التحايـــــــــــــــــا

ابو سيف العمري
11-09-2006, 08:51 PM
سبق وقلت إنك سيف
والحقيقة إنك تستحق هذا اللقب
قصيدة جميلة وتستحق الشكر عليها
تحياتي

أبو ريان
11-09-2006, 10:02 PM
الأخ العزيز ..

أنا وش قلت لك من أول ..

قلت مميّز في اختياراتك .. شعراً وخلافه ..

لك كل التقدير والإحترام ..

سيــف العرب
11-18-2006, 11:33 PM
سبق وقلت إنك سيف
والحقيقة إنك تستحق هذا اللقب
قصيدة جميلة وتستحق الشكر عليها
تحياتي


ما عليك زود يا سعيد
شهادتك أعتز وأفتخر بها طال عمرك
الله يعطيك العافيه ولاهنت
تقبل أطيب التحايـــــــــــــــــا

سيــف العرب
11-18-2006, 11:34 PM
الأخ العزيز ..

أنا وش قلت لك من أول ..

قلت مميّز في اختياراتك .. شعراً وخلافه ..

لك كل التقدير والإحترام ..


ما عليك زود يا ابو ريان
شهادتك وتواجدك دائماً فخر وشرف لي
لاهنت والله يعطيك العافيه
تقبل أطيب التحايــــــــــــــــــا

ابوحنين88
07-23-2009, 06:18 PM
قصيدة جميلة جدا حقيقة استمتع بها شكرا