المساعد الشخصي الرقمي

مشاهدة النسخة كاملة : يذكرني

عبدالعزيز العمري1
10-29-2006, 12:58 PM
السلام عليكم ورحمة الله وبركاته
هذه انشودة للمنشد المعروف سمير البشيري مع الشاعر خالد العتيبي بعنوان (يذكرني)
طبعا الانشودة والقصيدة تتحدث عن الرسول محمد صلى الله عليه وسلم ولكن الصراحة الشاعر خالد العتيبي ابدع فيها وما قصر القاها بشكل جميل جدا وكذلك المنشد سمير البشيري انشدها بصوت رائع جدا لدرجة اني كلما اشاهدها في التلفزيون ما امل من مشهادتها لانهم االصراحة صوروا فيها فيديو كلب ولا اروع. على العموم ما راح اطول عليكم بخليكم مع الانشودة حملوها وتراها بتعجبكم .
http://www.albashiri.net/news_main.asp?item_id=285

تحياتي للجميع


اخوكم /عبدالعزيز العمري

ايميل:abdulaziz.alisalmanalamri@gmail.com
سيــف العرب
10-29-2006, 03:04 PM
عبدالعزيز العمري

لاهنت والله يعطيك الف الف عافيــــه
والحقيقه ان الشاعر خالد العتيبي
من أقـوى شعراء النظم في هذا العصر
شآعـر مبدع ومميز وجزل بكل ما تعني الكلمة
وهذه القصيــــــدة من أجمل القصائـد اللتي سمعتهآ

وهـنـا القصيدهـ نفسهآ ولكن كتابياً




دعت سمرالجدايل وانتخت بالقذلـة الهلـة=تبي مني عروس للقصيد ازريت لاغويهـا

ويوم اني لقيت لها الخلود وجيت ابوصل له=تنحرك الكـلام اللـي فهقهـا دون مغليهـا

خضع لك راس مسبوق القصايد وانحنى كله=وانا بك شاعرالدنيـا ومشغلهـا وماليهـا

يذكرني رحيلك مجلـس بـاق علـى حلـه=مداهيل الرجال اللـي تنومسنـا مواطيهـا

هنا سليت سيف يوفي الثارين مـن سلـه=هنا علقت رمح يطعـن الجـوزا ويطفيهـا

هنا بينـت مصحفـك الكريـم ودلنـا دلـه= معك نبدا مواعيـد الكـلام وننتهـي فيهـا

هنا ساقيت غصن من غلا كنا تحـت ظلـه=نسولف بالغنا يـا بايـع الدنيـا وشاريهـا

هنا كان الرجال جبال ما تقبل خنـا الزلـة=عمايمها سحـاب وابلـه باقـي مواظيهـا

رجال لو تشوف الماء غدر ما شربتـه لله=نبت عشب الرضا يا سيدي بأول مغازيهـا

هل التوحيد وكنوز العلوم ونصـرة الملـة=رجـال يضحـك التاريـخ لولهـا وتاليهـا

هنا ماضيك ورياض الخليل اللي رعى خلـه=شربنا عذبها مـدري لعبنـا فـي مغانيهـا

هنا تخنقني العبرة وانا اكتب يا رسـول الله= على قبرك نسيت الناس حاقدهـا وحانيهـا

وابو قبر يتيه من الفخـر بالبيـد وتجلـه=على حسد تبين مـن سمايمهـا وصاليهـا

ويهناك الوفا قبر يضمـك فـي ثـرا تلـه= ما دامه بين فردوس الجنان وبين منشيهـا

وانا لامن ذكرت فراقك اللي في يدي غلـه=نسيت ان الليالي شيبتنـي مـن بلاويهـا

على بعد الزمان اللي يعقد الحبـل ويحلـه= ليامني ذكرتك طاحـت الدمعـة وراعيهـا

سلام الله ما هز الصبـا نسرينـه و فلـه=على الطفل اليتيم اللي عطى الدنيا معانيهـا
ابوزياد111
10-29-2006, 03:29 PM
الاخ عبد العزيز
يعطيك الف الف عافيه
نقل مميز ورائع
نتمنى ان نشاهد لك مشاركات جديده

سيف العرب
انت ما تزيد السمن الا عسل

تقبلوا اطيب تحيه
الغراني
10-29-2006, 10:56 PM
يكفي ان اسمه خالد
وله قصائد من ذهب

لاهنت
فالك الطيب
(*بسمـــــه*)
10-31-2006, 02:31 PM
فعلا قصيده جميلة

وزادها روعة انشاد سمير لها

مشكور اخ عبد العزيز

يعطيك العافية