شعار : اللي في راسه شي يجي ؟؟

[شــاعر ولكن]

أهدنا ويااااااااااهم

سلااااااااااااااااااااااااااااااااااام عليهم

مسيتوا بالخير

جيتكم وفي راسي حب ما ينطحن

اتحداكم كلكم

ههههههههههههههههههههههه

يالله ابغى الردود بسرعة


سلام تسليمة(ن) بالعود الازرق تفوح = اعداد نو(ن) تلالا بارقه والرعود
الشاعر اللي يحسب انه جزل ولاّ فتوح = أدعيه في منازله ويشهد علينا شهود

[بارود]

ارحب مرحباً ملايين والله ومثل ما قال المثل ياسعد عين قابلت ديانها ههههههههههه

الله يحييك وما طلبت الا عزك ابشر بمن يجيك ويطحن الحب الي في راسك ههههههه

يجيك المطلوب قريب بس حنا في وقت فطور والشباب ما يتوخرون ان شاء الله


تحياتي ويا مرحباً بك

[مخاوي الأحزان]

ابشر بعزك

يامرحباً باسمي أنا واسم كل الصروح=ابشر بمن يطحن احبوبك وزايد وزود
احسّبك عنتره واثير مثلك سموح=خذلك من الناس خبرة لاتبقي وفود

[شــاعر ولكن]

حياك الله يا بارود

غير ماخرعتي الاّ لاينتهي بارودك

هههههههههههههههههههههه

واستلم يا مخاوي الاحزان :


الجِدّ وقته بَدى وراح وقت المزوح = وحنّا نباري هل الطولات واهل الصمود
ولاّ انت يا صاحبي تراك دون الطموح = بعض العرب لو سبح في بحرنا ما يعود

[حسن بن عويش]

ردك الأخير عجبني كثيراً

ولعل مخاوي الأحزان قادر على الرد

فالكم الطيب والمتابعه

والله يحييك يا شاعر ولكن؟؟

أبو احمد

[أبو ريان]

الله من ليل ..

أبيات قمة في القوة والروعة .. فقط أتمنى أن تكون في جوي أخوي ..

ولا أوصيكم وعساكم على القوة ..

رائعين والله ..

[مخاوي الأحزان]

طيب طيب ياخي الله الله ...الله اكبر

الشعر صادق ولكن يشتكي مالوضوح=اثبت وخالك مثيل الضلع قاسي الجمود
الدرب مايل ولكن جيتله بالسموح=باشدك اليوم أنا بالحمل وبعض العتود

[بحـــر]

الله يعطيكم العافيه

توه سرى الليل

[مخاوي الأحزان]

فين سار الشاعر يا رييل
انحرف يساني قبل خشمك

[ولدصالح]

هذه اسماء لامعه وجديده وقمة الشعر . ولاكن ؟؟؟؟؟؟؟.

[ولدصالح]

البدع الشعر صادق ولكن يشتكي مالوضوح=
اثبت وخالك مثيل الضلع قاسي الجمود =
الدرب مايل ولكن جيتلـه بالسمـوح=
باشدك اليوم أنا بالحمل وبعض العتود=

الرد مانقنص الا حبارى ماقنص انا الوضوح =
والثلج بيميع ماهما كان عنده جمود =
ويلا غلطنا في الاولى فنرجو السموح =
قم شلها شلتا ون عبت قل مابتود =

[سيــف العرب]

الله يعطيكم العافية
ما قصرتوا
المحاورة بين شاعرين وأتمنى أن تستمر بين الشاعرين
واللي في الصفوف يبقون في الصفوف
هذا ولا هو قصور فيك يا ولد صالح
ولكن من باب أن تستمر المحاورة لنخرج بما يفيد

تقبلوا أطيب التحايــــــــــــــا

[شــاعر ولكن]

طيب طيب ياخي الله الله ...الله اكبر

الشعر صادق ولكن يشتكي مالوضوح=اثبت وخالك مثيل الضلع قاسي الجمود
الدرب مايل ولكن جيتله بالسموح=باشدك اليوم أنا بالحمل وبعض العتود


أنا الكرم عادتي يوم اللّيالي شحوح = وانا الجنوبي عريب الساس خال وجدود
ما همّني اللّي يكثّر صيحته ( والنّبوح ) = فــ ذيل ( السلوقي ) عوج يا ناس ما فيه فود

[ولدصالح]

حاضرين ياسيف وما نزيد على السمن الا عسل .
تحياتي بس يايليت مايطولون حتى ماتحكني يدي وغيري كثير .
وانا اثق في هاذين الشاعرين . ولو اني بديت اعرف منهم . من خلال الابيات . وهم بهذه الاسماء او غيرها كبار .
تحياتي
من العايدين

[مخاوي الأحزان]

ولد صالح مشكور يا طويل العمر وأبياتك ذوق والله وكل عام وأنت والجميع بخير

استلم يا مطول الغيبات

أعطيك عذب المعاني وأثر عينك تفوح=عد المعاني وخل الخال خلف السدود
بانعلّقك بالعلايق حان وقت الذبوح=حظك رمابك ولاسمى وحظك قرود

[أبو ريان]

عاشوا عاشوا ..

يا زيز .. يازير .. وارفعوا الضرب لا هنتوا .. يا ولد .. يا ولد ..

شعراء رائعين لكم أغلى تحية ..

[مخاسر]

صدقت استاذي ابو ريان مابقي الا الزلفه والزير .
نتمنى الاستمرار .

[الاماكن]

البدع:
شاعر ولكن شعرك مايهز الضلوع
والبدع والرد ياشعار ماهمني.

الرد:
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟