))))) بدون زعل ))) كلاكيت ثاني مره [الأرشيف]

ولدصالح

10-08-2006, 03:11 AM

ولدصالح

10-08-2006, 01:28 PM

قال دقاق والشتري حذاري الخشاشي =
اشترو في القياديات لا لتخشا شي =
وقبلت اسهم اعمار ومعها خشاشي =
هذا علم صحيح او قولو الي تقلون =

-------حلمت حلم امس ياخوان من بعد السحور=
اني ركبت الطايره رايح لنجلترا =
والطايره ياخوان ابلا جناح اولاوقود =
والسايق التعبان ينزل بنا يطلعبنا =
وانا بعد ذلحين ماقد نزلت من السما =
منهو يحل اللغز وعطيه باعمار اسهمي=

هاض قلبي وفكري ثم هلت دموعي =
بعدها صحت يالفرقا عسى ماتعودي =
عذبتنا في احياتنا مضت مات عودي =
هذا علم صحيح او قولو الي تقولون =

؟؟؟؟؟؟؟؟؟؟؟؟
وصحيت مثل الي صحا من مرض ولا سحور =
الا ان قايد طايرتنا من البنجل تـرا=
لو كنت عارف كان شلته وان بجلس وقود =
لني انا طيار والطايره هي لعبنا =
لسماي تتغير وانا اقول هذا السما =
وال يغير باسمنا والله اني لاسهمي =

ابو ماكن

10-08-2006, 04:12 PM

انصحك لا تشري بسهم المواشي
انصحك بالله جنبه وانت ماشي
فقيمته مــا ظن تسوى فراشي

هذا الصحيح او قولو الي تقلـون

-----------------------------------------------------------

الحلم تفسيره معي من قبل سبعه شهور
هذا بلى الاسهم لمن باع فيها واشترى
طار المؤشر عند عشرين نقطه في صعود
ومن بعدها جأت المصيبه وجاء حول بنا
لكن مـــالي عده اليوم مـــــالك واقسما
لانك سميي واعتزي بك ولا مثلك سمي

ولدصالح

10-08-2006, 09:03 PM

ابو ماكن سبح في البحر ماعرف عامي =
قد نصحته ترا المنخل مايصلح وعا مي=
القصيده جديده مالها كود عامي =
هذا علم صحيح او قولو الي تقولون =

================

ماجبتها تكفى ويقلون شاعر مدهر=
انشهد ان الصيد مره لكم مره لنى =
ان كان تتحلم فاليت بايامه يعود=
واروح انا وياك لديار في سيره سوا=
واعلمك بالطايره والوقود الي بها =
ثم انشر اخباري بلوتوث ولا ارسايلي=

ابو ماكن

10-09-2006, 12:11 AM

ان كان بن صالح في الشهر صامي
ماني في الالغاز شــــاعر عصامي
قدر الــــذهب عندي مثيل البصامي

هــــــذا الصحيح وقولو الي تقولون

================

يالي حسبت اليوم فاليوم من ضمن الدهر
والشعر له معنى ومن حكمته مر اهلنـا
وانا احسب انك ما انت خايف وفي قلبك رعـود
جنب عن الاسهم ولا عاد تنشد عن سوا
وانشدك انا عن شمس وابغى تعجل لي بها
حرام ما غابت وانا اجاوبك يا السايلي

الغراني

10-09-2006, 12:21 AM

يعطيك العافيه ياولد صالح وانا في صفك ازوع
الى الامام
فالك مالطيب

ولدصالح

10-09-2006, 08:52 PM

هذا ارمضان الله يعيده سنيني =
لكبار وصغار ومنهو سنيني =
احذر من السنبوس يكسر سنيني =
هذا الصحيح او قولو الي تقولون=
----------------------
الوله ماهمني غير من يعلب قمار =
والثانية ياخوك ماجت بلدنا كلها =
والثالثه ماعندنا الي يزف ودق عود=
والي مريض وده الصيدلي ياخذ دوا=
وانكان مالق الدوا جبه لي وابشر بها =
بكويه كيه ونت خلك معه ياصاحبي=

ابو ماكن

10-10-2006, 03:50 AM

يا صاحبي الاسلام دينك وديني
وايديك والله مــا تعادي يديني
والــي يدين النـاس لازم يديني

هذا الصحيح او قولو الي تقولون

----------------------

يا صاحبي ما يصلح البث من دون القمـار
يــوم الهدف موزون رمي المدافع كلهـا
والحل ماهو صح لكن باعطيك الــوعود
واما العلاج اظن ما عــــاد لاهـــله فيدوا
ومدام شفت المزرعه ما تساق ابشـر بها
والله مــا بفزع ولوكان غيرك صـاح بـي

البدع : عبدالله بن ماكن

انا يا ابني عمر ما جيت بفرض كلامي فـيرضا
والذي قام يتكلم ويفرض كــــــلامه فيرضَنا
ما نويت اقبله لو كــــان غيري تقبل فيرضاه
واحنا يا مشرفين المنتدى كم قبلنا فيرضاكم
غير ما واحد (ن ) منكم تقبل وجــــامل فرضنا

الرد: عبدالله بن ماكن

والله ما زعلك يالي لفاني وقلبي في رضـــا
وانت لو كنت عاقل كان تمشي معنا في رضَنا
والذي يحمي القالات لابد نمشي في رضــاه
وانا يا حضره الزوار شاعر واقصد في رضاكم
وانت ياصاحب الموقع إذا الحل بيدك فرضنــا

(( انا اكتفيت بهذه القصائد لانها تغني عن الكثير من الكلام ))

BEN SARAR

10-10-2006, 07:47 PM

استلم يابن ماكن

مرحبا مرحبا بك ياعميد المعارف والقضــــا
بين ربعك ولا لي فيك شك ولا لي فيك ضنا
واترك الدين للمديون والله يعينه في قضاه
يابن ماكن قضانا واحد ما تحيز عن قضاكم
وارضنا واحده والله يديم العوافي برضنــــا

ابو ماكن

10-10-2006, 11:20 PM

استلم يا بن سرار الرد وصح لسانك

الحسايف ترى ماتنفع الناس لا حــــــل القضــــا
غير انا شفت بعض النــاس يهرج وبالفتنه حضنا
قلت بشكي على القاضي ولكن ما جاني قضاه
راعي الدين منكم وانشده ليش ما عجل قضاكم
والمصيبه ترى لو عاش معكم فذاك اكبر ضنــــا

ولدصالح

10-11-2006, 12:49 AM

استلم يبن سرار انت والشيخ يله حلها =
قالو ان القمر جالس بجنبه عطارد اوزحلها=
وانا اقول القمر مرفوع ماهو بايجي جنبها =
الكواكب مع الاقمار بسماء الاخوات الحريم=
ليش مالرجال احظوظ حتى باقمار السما =

بيت القصيد

10-11-2006, 02:45 AM

البدع=
يا الله اني طلبتك خير الاقوال و اقدم و الفظا=
ما نبي غير لفظ الخير و الشر ماني بلفظ انا=
عوذ بالله من لفظ المشاكل و كل من يلفظاه=
وادري انكم من اهل الخير واسمع بعد خير الفظاكم=
و ان شاء الله ما يجي شر(ن) في الفاظكم و الفظنا=
الرد=
مرحبا بك يا بو ماكن عداد الكواكب في الفضا=
و انا بقول قول الحق لو كان يتضايق فضانا=
انت منا وفينا ما بتشره على الناس الفضاه=
انت عاقل و ان اشره كل ما شفت شهبٍ من فضاكم=
العاقل ينتصي العقال قدام يتكلف ضنا=

بيت القصيد

ابو ماكن

10-11-2006, 03:32 AM

استلم يا (( ولد صالح)) واسمع يا ((بن سرار ))

يا بن سرار انا من يقطع الروس لاجاء حلهـــا
غير ما ابغي احرمها عليكم و عندي جاز حلهــا
وادي احـــلها من قبل مـــا يهربون الجن بـهـا
لاني عندي نظر واميز الحــل فيها و الـــحريـم
والنايل سات قسمي والعرب سات عندك مقسما

ولدصالح

10-11-2006, 04:35 AM

ماتشوف ان بن سرار نجم وهو من جنبها=
امس فزنا عليه بخمسه اقوال كان الى حرسها=
منها اربعه فيها كباري وواحد بادبلا=
اعرف انه ماهوب اجيد في العب مايلعب تمام=
لاكن ابي اعلمه الحراسه ليلعب جنبنا=

أبو عابد

10-11-2006, 05:03 AM

الله الله من دويس هنيه

لااااااااااااااا اله إلا الله

موفقين ... ونحن في المدرج متابعين

ابو ماكن

10-11-2006, 11:18 PM

البدع: عبدالله بن ماكن

انا ماهمني العاصي ولا جيت بشكي من عصــا
لن عندي الحقايق ثابته واتحدى من عصـــانا
منهج الحق ما حي (ن) يعانده وانشد من عصاه
وانا ما جيت بنشد من قبل شوركم ولا عصـــاكم
غيــــر من كـــــان يجهلنا فقله تقدم وعصنا

الرد: عبدالله بن ماكن

ودي انجازي المخطي ونعطيه ضرب من عصــا
ضربة (ن) من عصاكم يابني عمر ولا من عصانا
من يخالف دول بلقرن نكسر على راسه عصاه
وانا ما ودي اقدم عصانا على ضربه عصاكم
غير لازاد عن حده ضربنا بسيف (ن) وعصنا

بيت القصيد

10-12-2006, 04:32 PM

البدع=
كل(ن) اليوم عقله رايتله و يحصا من حصا=
طالبين الجمل يومٍ جلبناه قالوا جب حصانا=
حرم الله على الشيطان جنته لو يحصي الحصاه=
يا اهل الديره الماروده كلٍ من العالم حصاكم=
و الغبار ان وطينا الارض بيثور يا حاصي أحصنا=
الرد=
كل ديره لها صورٍ و دورٍ تشيد من حصا=
اما حن نحمد الله ما بني دارنا الا من حصانا=
نحتمي عنه نحكم به و لا ناخذ امن احدٍ حصاه=
ما بنقبل لكم في دارنا شور ما نقبل حصاكم=
عندنا المحكمه و الحكم و الجيش حصنٍ محصنا=

بيت القصيد

ولدصالح

10-12-2006, 10:17 PM

الله الله يالشعار وشفيكم اليله هنا =
مانبي المخطيه تكفون فالعيد قرب من جهتنا =
والله ان ظرب المخطي بحد الشبا ونأدبه =
واني لاعلم الي غلط بعلوم تاصلكم تجيكم =
الحقو فصلو لثياب وادعو ان يقبل صومنا =

ابو ماكن

10-12-2006, 10:40 PM

البدع : عبدالله بن ماكن

راعي المزرعه من شأن يحمي زروعه شيبكا
لايقول الجمل يأكل زروعه وهو ما شيبكانا
والجمل لازم انه يأكل الزرع لو ما شيبكاه
والجمل ما بيأكل زرعكم لو نصبتو شيبكاكم
وان زعنا بلدكم واجب انا نحــــضر شبكـنا

الرد : عبدالله بن ماكن

ابن ماكن يقول عينه من الحزن هلت شيء بكـــا
من فـــراق الحبايب والمـــحبين جانا شيء بكانا
والذي عــاش بين احباب قلبه ترى ما شيء بكاه
وانا لو صرت ماشي يأهل المنتدى ما شيء بكاكم
لاني اعــــز نفسي ما ابغي اقــــول للاش ابكنا

بيت القصيد

10-13-2006, 07:51 AM

البدع=
يا لله لا خذتنا ابحكية سفيهٍ بدى يغلض حكا=
انحن ارجال نعرف ويش نحكي و لا يغلض حكانا=
و ان تصدى و نوقف للذي مالعرب يغلض حكاه=
بيتي ربي من الشيطان محمي فلا يغلض حكاكم=
احكنا لا تسمح حكي حكاي و ان غلض احكنا=
الرد=
ابن ثامر يقول الى تذكرت ما فات اضحكا=
يا شمال البلد صرت اتذكر قديمك و اضحك انا=
بعد ما كان فيك الصيد عادي و كله وضح كاه=
صار صيدك حرام و كن ما حن بنلمح وضح كاكم=
في بقاك و غيابك كون وجهك يسبب ضحكنا=
بيت القصيد

ابو ماكن

10-16-2006, 12:23 AM

البدع : عبدالله بن ماكن

من تمدح وروس ابله في الارض فأنا ابلي سما
واتمدح وانا مرفوع راسـي واقول ابلي سمانا
راعــــي الابل لازم يوسم ابله وانا للبلي سماه
والسماء لو تولـع برق ما ولعت لبلي سمائكم
والله مــا عيش في ديره ولا ولـعت للبلي سنا

الرد : عبدالله بن ماكن

ابن ماكن يقول ماكنت احسب يكون لبليس ماء
يوم جينا لزمزم قــــام يحلف يقول ابليس مانا
قلت يا زمـــــزم الله يحفظك رجعي لبليس ماه
قالت احذر من الكذاب واحذر تهب لبليس مائكم
قلت تقطع وتخسى فأنت كاذب فقال ابليس انا

ولدصالح

10-16-2006, 01:20 PM

لا والله الا جيت يابيه شوبيك =
ابربطك وياه من خلف شوبيك =
انعرف جمالك واجمال هالبيك =
هذا الصحيح او قولو الي تقولون=
--
اقبلي ياليالي الغبر وانا انتظرتك مرحبا =
دورتك دورة السكران ايلا تعلل بالنبيذا=
ردته لليال الغبر ماهنيه اويشرب منه =
الحوانيت والطرفان واهات لاتحسب بها كم =
لن ماحد درا عن صاحبه لايعود من هنا =

بيت القصيد

10-16-2006, 05:28 PM

البدع=
ما يجي من قلوب الحقد و الغيض علمٍ محسما =
و الحقيقه مثيل الشمس وشلون تبغى و احسم انا=
رد بيدك على جنبك و تعرف علومٍ محسماه=
هيل دلتك يجفل تحت ماها و هذي محسماكم=
و انحن ادلالنا ضيفٍ و كيفٍ و سيفٍ حسمنا =
الرد=
ابن ثامر يقول اتفطن الناس و تلمح سما=
البعض فاتته مره و مره و لا تلمح سمانا=
من كبر ما بقلبه طاح و يقوم و اتلمح سماه=
بانت اصفاتكم من يوم ماعدت بتلمح سماكم=
قلبك يموت و عيونك تطارد تلاويح اسمنا=

بيت القصيد

ابو ماكن

10-17-2006, 03:28 AM

البدع: عبدالله بن ماكن

الله سبحانه الي يكرم العبد لاجاء وابتلاء
وانت عطني حلولك يوم بعض العرب جاء وابتلانا
لاتقول ابن ماكن يشتم الرجل لاجاء وابتلاه
وانت وش موقفك لوكان بعض العرب جاء وابتلاكم
وارضكم واسعه والي معه حيد ما جاء وابتنا

الرد : عبدالله بن ماكن

ولد صالح طلبني قلت تبشر ولا جاوبت لا
لاني اجاوب القاسي بشوره واذا جاوبت لانا
وانت ونعم ولو تطلب رضاكم فلا جاوبت لاه
وانت لو كان قلت الناس واجد فلا جاوبت لا كم
وادري انك بتسألنا ولو كان ما جاوبتنا

BEN SARAR

10-17-2006, 09:16 PM

ما شاء الله عليكم محاوره من النوع الثقيل وما لنا الا نتفرج بارك الله فيكم والي الامام

ولدصالح

10-18-2006, 12:09 AM

تعال يابو سامي استلم ... وين بتروح
يبن سرار وينك من زمانن عسى مابه بلا =
جب لنا من الواكس تكشف الي مخبا في بلدنا =
ولا باقي تدور في جمالك وهي متناثره =
كلها راحت امعا الريح من قبل وانت الي ملزم =
وانا والله لوني منك لابيعها وشلي بيها =

ابو ماكن

10-20-2006, 03:08 AM

بسم الله الرحمن الرحيم

الاخ العزيز / ولد صالح

كل عام وانت بخير وحقيقه كان لي الشرف ان اكون عضو مشارك في موضوعك المميز واطلب منك المعذره على عدم الرد على بعض قصائدك والا فأنت صاحب الموضوع ومن حق الجميع ان يرد عليك لكن بيت القصيد كمل معي مثل ماشفت وبهذا القدر نكتفي لاننا على مشارف عيد الفطر المبارك ولا يسعني ان اقول الا كل عام وانت بخير...

الاخ العزيز / ابو عابد

اشكرك على المتابعه وحثنا على المواصله والابداع وكل عام وانت بخير

الاخ العزيز / بن سرار

انت شاعر مميز اتمنى المشاركه معك في مواضيع قادمه وكل عام وانت بخير

الاخ العزيز / بيت القصيد

لان ادع للناس فرصه للكلام انت مبدع وشرفتني حقيقه بمواصلتك معي في انجاح هذا الموضوع الذي اعتبره من اجمل المواضيع ولو ان شهادتي فيه مجروحه لكن يضل الاحترام والمحبه بيننا دائمه وكل عام وانت بخير.

مدير المنتدى الاخوه المشرفين وزملائي الاعضاء /

لايسعني الا ان اقول كل عام وانتم بخير

كل عام وانتم بخير

ولدصالح

10-20-2006, 08:33 PM

ابو ماكن
كل عام وانت طيب انا والله لم اتداخل الا بالقليل ولم اكن اريد الرد منكم حتى لايتشعب الموضوع انا كان هدفي استمرارك مع ببيت القصيد الشاعر المبدع في المقام الاول وانا اعلم اخلاقك انت والاخ بيت القصيد .
ومن قام بالمشاركة في هذا الموضوع وبمباركة من الاخ ابو شروق والاخ صالح .
كنتم على قد المسؤلية والشعر اخذ وعطاء . شكرا لكم جميعا . وانا هنا يابو ماكن نيابة عن اخي وحبيبي بارود ادعوك انت خاصتتا بمناسبه زواج ابنت اخي ابو بندر على ابن اختي الاستاذ/ مهدي العمري يوم الثلاثاء القادم بمدينة الرياض لان بيت القصيد وبن سرار والاخوان هنا بالرياض اكيد معزومين من قبل . اما انت فهذه دعوة غير قابله للرفض .
ولك حبي وتقدير واحترامي ولكل من سعى لانجاح هذا .
ابو وائل . الرياض

محفوظ ثابت

11-09-2006, 05:30 PM

يا سلام على الابداع من كلا الشاعرين ابو ماكن وبيت القصيد وصراحه كلام ومحاوره كبار كبار كبار

ابو سيف العمري

11-11-2006, 08:36 PM

و الله والله لويدرون شيبان الديرة بالمحاورة تيه كان سوق الكمبيوتر أنتعش وزادت فواتير الهاتف وتبخست عيونهم على زينها على شأن يتابعونكم
يعطيكم العافية
جميلة جدا المحاورة