أهديكم هذه القصيدة وخاصة البنات الله عليهم ؟؟؟

[اليتيم]

دموعي في مناديلك



دخلت البيت عقب أقفيت وليتك شايفٍ وش صار=لقيـت البيـت به باقـي بقـايا مـن منـاديلـك
فقمت أبكي بدون الشعور ويرجع بي لك التذكار=وصرت اشكي ورد البيت لا تشكي ولا اشكي لك
أثار البيت هـو مثلي عليك من الفـراق أنهـار=ولا ألومـه على مثلك لـو إجـداره يغني لـك
بدل ما أبكي من الذكرى فصرت أبكي وبعد أغار=وأنا معـذور فالغيره جـدار البيـت يبكي لـك
وشفـت البيت بـه ونه وباقي فيه بعض أشعـار=كتبهـا قلبـي المغـرم على رمشك وتضليلـك
وشافت عيني أصوره على ذاك الجـدار الحـار=وقفت إقبالهـا ساعـه وآنا اشكي من غرابيلـك
وعشت بليلة سودا وطـار من الفـراش إغبـار=بعد مـا كـان ريح الـورد والكـادي وقنديـلك
وحالـت دوني الدنيـا ونـاسٍ ظلمـه وأشـرار=وحال البعد من دونك وآنـا آلي دوم أنـادي لـك
وعرفت أن الهوى قاسي عرفت أن الزمـن دوار=عرفت أن الهوى بعـدك صـدى ونة مواويلـك
ولكن وشهي الحيلة ؟ وآنا المجـروح والمحتـار=وأنا آلي عايـفٍ روحي بعد غيبـة مواصيلـك
صحيـح أن البكى راحه يخفف من عنى الأقدار=وكان العذر في بعـدك دمـوعي في منـاديـلك

اليتيم

[سحر الجنوب]

<<<<<<<<<<<< جالسة تبكيي
اللله يسامحك اليتيم ... وش هالحزن عاد ماني ناقصة وربي
عموما يعطيك العافية

[الغراني]

يعطيك الف عافيه
ولاتحرمنامن جديدك
فالك الطيب

((نقل من قبلي))

[اليتيم]

الأخت / سحررررر لك شكري ويكفيني مروووورك فالك الطيب.
الأخ / الغراني ما لها إلا رجالها بيض الله وجهك ولا خلى ولا عدم.

اليتيم

[عذب السجايا]

الاخ اليتيم جميلة هذه القصيدة ....ورحم الله فقيدتكم

التي بلا شك تستحق اكثر من هذه الابيات

ولا تستغرب تطنيش الجميع لك بما فيهم البنات لانك

جديد ولا تزال غير معروف...........تحياتي

[السااااري]

ابدعت اخي اليتيم اذا كانت هذه البدايه فتعتبر بدايه قويه وموفقه باذن الله
تمنياتي لك بالتوفيقأخــــــــــــــــــــي
اخوك
الساااري

[(*بسمـــــه*)]

ابيات رائعة ومؤثرة جدا

يعطيك العافية اخوي اليتيم

ونتطلع للجديد دائما

[المسكت]

وعشت بليلة سودا وطار مـن الفـراش إغبـار
00بعد ما كـان ريـح الـورد والكـادي وقنديلـك

اليتيم
وصف غير طبيعي
لايشبهه إلا روعة مشاعرك
كم انت رائع سلم قلبك
ولك جل احترامي

اخووك

[اليتيم]

الأخ / عذذذذذب السجايا يكفيني مرورك يالغالي وإذا أنت تمر على قصائدي تكفي عن اللي ذكرت كلهم لك أعذب تحياتي.

الأخ / الساري أشكرك على مرورك الكريم يالغالي .

الأخت / بسمه مرورك له بالغ الأثر في نفسي مشكوره يالغاليه والظاهر لو ما أنتي فالمنتدى كان يسكر أحسن لأنه ما جالس يجبر بخواطرنا االا أنتي لك تحياتي.

الأخ / المسكت كلامك يدفع الشاعر نحو القمه لك أعذب تحياتي

اليتيم

[(*بسمـــــه*)]

.


الأخت / بسمه مرورك له بالغ الأثر في نفسي مشكوره يالغاليه والظاهر لو ما أنتي فالمنتدى كان يسكر أحسن لأنه ما جالس يجبر بخواطرنا االا أنتي لك تحياتي.



اليتيم


شدعوة اخوي

كل الاعضاء فيهم الخير والبركه لكن يمكن

الناس انشغلت في الصيف بالمناسبات والافراح


كلامك شهادة اعتز فيها:36_1_6[1]

وينك ياعذوب تسمع :tongue:

[عذب السجايا]

شدعوة اخوي

كل الاعضاء فيهم الخير والبركه لكن يمكن

الناس انشغلت في الصيف بالمناسبات والافراح


كلامك شهادة اعتز فيها:36_1_6[1]

وينك ياعذوب تسمع :tongue:

سامع وشكلها دعوة وصابتك خخخخخخخ اساليني

[سيد الموقف]

أبيات رائعة


ولكن هل هي من تأليفك؟

[اليتيم]

سامع وشكلها دعوة وصابتك خخخخخخخ اساليني

عذذذذب السجايا / ولا صلت عالنبي شكلك ما بتريحني لين أعلم يا (ع)
الأخت بسمه عذذذذب السجايا عذول وشكله بداء يغار ؟؟؟
الأخ / كل الغلا وش رايك أقدر ولا ما اقدر ؟؟؟؟

لكم جميعاً أجمل تحياتي

اليتيم

[سيد الموقف]

الأخ / كل الغلا وش رايك أقدر ولا ما اقدر ؟؟؟؟

لكم جميعاً أجمل تحياتي

اليتيم



والله انك قدها

وصح لسانك يا الغالي

[ولد ومه]

لي سنه وانا اطلبك ذالقصيده واقوى اشكــــــــــل وفي المنتدى فليت المسبحه على طووووول وللبنات الله عليهم.... على العموم (ع) وش معناها اشوف عذب السجايا ساكت نبغى توضيح............... وصح الله لسانك ..وفي انتظار جديدك

[عذب السجايا]

ياخوي ياولد امه استر ما واجهت

[اليتيم]

كل الغلا الأعتراف بالحق فضيله ؟؟

ولد أمه لو ما البنات ما كتبنا قصائد و (ع) هذا رمز لخلطه سريه أختراعها شخص أسمه يبداء بحرف (العين) بن لشظ؟؟ ولا عاد تطلب اكثر من هيك ؟؟؟؟

عذذذذب السجايا الله يعذبك عذبتني وأياك أياك ؟؟؟

اليتيم

[فارس نت]

عزيزي اليتيم

اعجبتني أبياتك .. و صابت وتر حساس

صح لسانك ولا تحرمناا جديدك ..

دمت فرحاً ..