[][][][] أحلى المصايف [][][][]

[غرمان بن عزيز]

يـاللي نـويـت الـســـياحــــه
أسـمـع كـلامي بـصـراحـــه
صـيـّـف في أبـهـا والباحــه
ارض بها أمن والأمـــــــان

ولاّ الـنـمـاص الـحـبـيـبـــــه
فـيـهـا مـنـاظـر عـجـيـبـــــه
والـجـو فـيـهـا يـا طـيـبـــــه
من زارها غير نـدمـــــــان

وان جيت لإحلى المصــايف
تـلـقـاه مـعـروف الـطــــايف
فـيـه الـورود الـقـطـــــــايف
وفيه العنب وايضا رمـــان

وان كـان تـبـغى الـســعــاده
في مـكـه ارض الــعــبـــاده
خيرمن الله لــعــــبـــــــــاده
سـبـحـانـه الله رحـمــــــان

وان جـيـت جـده وبـحـرها
تـلـقـاه زيّـن نـحــــــــــرها
وفي الليل طـوّل ســـهـرها
كم واحد فيها ســـهــــران

[سحر الجنوب]

الله الله اللللله عالابيات الروووعه ماقصرت والله وصحت يمينك يا اخ غرمااان ,,
ودعوة طيبة لزيارة مدن السعوديه .. بالنسبه لي اخترت المدينه وخلاص ( أبها البهيه )

ففي الجنوب هوى بات ينازعني فيه الرياض فماذا أفعل الان ؟؟

يعطيك العافيه اخوي غرمان , واتحفنا بالمزيد

[غرمان بن عزيز]

شكراً يا ســحــر الــجنـــــــــــــوب على هذا المرور الطيب وعساكِ تسلمين 0أبشري بالسعد أنا مسافر الى الجنوب ان شاء الله في آخر الشهر والمقاعد مليانه ما عاد باقي إلا مقعد واحد لمن يريد 0 والمشوار بثلاثين ريال فقط وعلى شأنك بعشرين ريال 0

[سحر الجنوب]

خلاص احجز لي اياه بالله , عرضك مغري بصراحه عشرين رياال ؟؟؟
أجل بلا خطوط وحجز بلا هم ...
ماقصرت والله اخوي غرمان

[(*بسمـــــه*)]

صح لسانك اخوي ويعطيك العافية

انا اخترت النماص

وخسارة المقعد الفاضي راح عليه

بس وش ناوي انت تسافر به وش ذا اللي بعشرين ريال

اظن لو بتركب على حمار مابيكون بهالسعر :tongue:

[السااااري]

:qmbsqm: تسلم يابوعزيز والظاهر انك مسافر على باص مناحي بن مطلق
وعسى المسافرين كلهم 000000000000ان كان تطيع شوري
نزلهم في قهوة مصحب وتلها مع الاصفاء 00 تحياتي اخي

الساااري

[غرمان بن عزيز]

يا سحر الجنوب الحمد لله ضمنا السفر مع الطيبين وبالنسبة للدراهم (( حلوه الدراهم ))
ما هي رآس خبر والله ما عاد آخذ ريال 0 عساهم يسلموووووووووووووووون من الشر

يا بسمه مافيه خساره ان شاء الله فيه رحله بعد الظهر الى النماص والتذكره بسبعه ريال وإذا ما فيه صرف مسامحين 0

حرام عليك يالساري والله ما ينزلون إلاّ في فندق خمسه نجوم على حساب الشركه الراعيه لهذا المشوار 0


على فكره ترى وسيلة النقل جمس ملكي فيه عشرين مقعد وما له إلاّ باب واحد اللي هو باب السواق 0 يعني الله يستر من الــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــمرور 0