××××××((( مــا ســـرقــت الـشـــعــر مـن راعــي الــعـمـامــه )))××××××

[غرمان بن عزيز]

يالله تكفينا دروب اهل الــنــــــــــدامه = واجعل النيران مثوى كل حـاقـــــــــــــد
ومن خبـيـث الرآي يالله الـســـــــــــلامه = ويـالله لا تجعل لنا في الأرض حــاســــد
وأدفن الشيطان في طعس الـثـمــامه = يـمـكن انـه في الطعوس يـتـم راقـد
وأنت ياللي صابتك صحوة رخــــــــامه = انـتـبـه مـن الـخـصـم وبـيـوت الـقـصايـــد
وأنا لي في الشعر مضمون وعــــــــلامه = وإن بغيت اقصد قصيده صرت قــاصـــــد
الـقـصـيـد يـصـيـر في كفي خطـــــــامه = مـا أتـعـدى مـنـهـلـه ولا الـمـــــــــــــــوارد
شعر من راسي وأنا عارف نـظــــــامه = والـنـظـام أصـبـح عـلى كـل الـعـقـــايـــد
ما سرقت الشعر من راعي الـعـمــــــــامه = مثل من يســــــرق قصـيـدٍ من الـجرايــد
وأعــرف الــرجّــال وأمــيــز مــقـــــــامه = واللســــان على قلوب الناس شـــاهـد
وأحمد الله مـا أتـعـرض للغـشـامه = صاحيٍ عـقـلي وأدور عـلى الـفــــوايـد
يشهد التاريخ وأصحاب الـفـخــــــــــــامه= ان لي في الـشـــعـر وقـفـات وشــــهـايـــد
والوطن معروف من شــرقه وشـــــــــــامه = والـنـشــــامـا تـنـعـرف وقـت الـشـــــدايــد
والنمر ما خاف من صوت الـنـعــــــــــامه = وأن بـغى صـيـد الـبـراري هـم صــــايــد
قالهـا اللي مـا تـعـرض لـلـمـــــــــــلامه = والـقـصـيـد يـزيـــد والـمـضـمـون زايــد
وأسمعوا يا أهل المراجل والـشــهــامه = لا تـطـيـعـون الـذي نـســي الـعـــوايــد
وأنصحوا الدايخ يســوي له حجـــــــامه = يمكن ان في وسط رآســـه دمّ فاســــــد
لا يكلمني فلا بـأســـــمع كـــــــــــلامه = يـقـصـد الـفـــتـنه ويا شـــــين الـمـقـاصـــد
وانت يا دايخ كما راغب عـــــــــــلامه = من العرب لكن في قـلـبـه مـفـاســــــــد
ولا مثل اللي تـخـيـل في مــنـــــــامه = ان عـنـده شـــــــعـر والأشــــــعـار واجـــد
وأشرقت شمسه وهو يأكل بـهـــــامه = مــا تــحــقــق مــطــلــبــه والــمــوت وارد
وآخــر الأيـام بـأصرف لك إقــــامه = وأرسـلك للهـنـد موطن كل كــايــــد

[الغراني]

يشهد التاريخ وأصحاب الـفـخــــــــــــامه= ان لي في الـشـــعـر وقـفـات وشــــهـايـــد



كفوووووا والله كفوووووا
غرمان بن عزيز شاعر مبدع
وافي من بني وافي
لاتحرمنا من جديدك

فالك الطيب

[غرمان بن عزيز]

الله يسلمك يا أخي العزيز / الغراني وما عليك زود لاهنت وأشكر لك هذا المرور الكريم 0

[العذب]

كفو يابن عزيز

وما عليك بالحسودين وهذه مشكلة ولاهي مشكلة لكل شاعر وموب أي شاعر

فأنت أشهر من نار على علم والمعروف ما يعرف

صح إلسانك . . . .. والله لا يهينك على القصيدة

[سيّد الكواسر]

بصمه بالأيمان الستة

إنك شاعر و فحل

لا فض الله فاك

[عذب السجايا]

كفو والله يابن عزيز

[غرمان بن عزيز]

أحبابي وأصدقائي الأفاضل ( العذب ) و ( سيد الكواسر ) و ( عذب السجايا )
والله العظيم ان هذا الكلام وهذا المرور يزيدني شرفاً وأعتبره تآج على رآسي ووسام وشهادة أعتز فيها كلما ذكرتها 0 أرجو أن تقبلوا مني أفضل وأعز وأرقى التحايا ودمتم بخير 0

[راجي الوصل]

انت لم تسرق الشعر من راعي العمامة

انت لبست له تاج من ذهب

مرصع بالالفاظ العذبة

ومبطن بالمعاني القوية

ومغطى بالقوافي الجزلة

يعني انت في الشعر ملك

[غرمان بن عزيز]

أخي وحبيبي / راجي الوصل الله يرفع مقدارك ويعطيك العافيه على هذا الكلام الذي يزيدني شرفاً وقدراً 0 لك مني كل الشكر والإحترام وتقبل أجمل وأرق التحايا 0

[سيّد الكواسر]

يالله تكفينا دروب اهل الــنــــــــــدامه = واجعل النيران مثوى كل حـاقـــــــــــــد
ومن خبـيـث الرآي يالله الـســـــــــــلامه = ويـالله لا تجعل لنا في الأرض حــاســــد
وأدفن الشيطان في طعس الـثـمــامه = يـمـكن انـه في الطعوس يـتـم راقـد
وأنت ياللي صابتك صحوة رخــــــــامه = انـتـبـه مـن الـخـصـم وبـيـوت الـقـصايـــد
وأنا لي في الشعر مضمون وعــــــــلامه = وإن بغيت اقصد قصيده صرت قــاصـــــد
الـقـصـيـد يـصـيـر في كفي خطـــــــامه = مـا أتـعـدى مـنـهـلـه ولا الـمـــــــــــــــوارد
شعر من راسي وأنا عارف نـظــــــامه = والـنـظـام أصـبـح عـلى كـل الـعـقـــايـــد
ما سرقت الشعر من راعي الـعـمــــــــامه = مثل من يســــــرق قصـيـدٍ من الـجرايــد
وأعــرف الــرجّــال وأمــيــز مــقـــــــامه = واللســــان على قلوب الناس شـــاهـد
وأحمد الله مـا أتـعـرض للغـشـامه = صاحيٍ عـقـلي وأدور عـلى الـفــــوايـد
يشهد التاريخ وأصحاب الـفـخــــــــــــامه= ان لي في الـشـــعـر وقـفـات وشــــهـايـــد
والوطن معروف من شــرقه وشـــــــــــامه = والـنـشــــامـا تـنـعـرف وقـت الـشـــــدايــد
والنمر ما خاف من صوت الـنـعــــــــــامه = وأن بـغى صـيـد الـبـراري هـم صــــايــد
قالهـا اللي مـا تـعـرض لـلـمـــــــــــلامه = والـقـصـيـد يـزيـــد والـمـضـمـون زايــد
وأسمعوا يا أهل المراجل والـشــهــامه = لا تـطـيـعـون الـذي نـســي الـعـــوايــد
وأنصحوا الدايخ يســوي له حجـــــــامه = يمكن ان في وسط رآســـه دمّ فاســــــد
لا يكلمني فلا بـأســـــمع كـــــــــــلامه = يـقـصـد الـفـــتـنه ويا شـــــين الـمـقـاصـــد
وانت يا دايخ كما راغب عـــــــــــلامه = من العرب لكن في قـلـبـه مـفـاســــــــد
ولا مثل اللي تـخـيـل في مــنـــــــامه = ان عـنـده شـــــــعـر والأشــــــعـار واجـــد
وأشرقت شمسه وهو يأكل بـهـــــامه = مــا تــحــقــق مــطــلــبــه والــمــوت وارد
وآخــر الأيـام بـأصرف لك إقــــامه = وأرسـلك للهـنـد موطن كل كــايــــد


يقولون الشاعر ما يفهمه غير من كان للشعر قارض

والمعنى في بطن الشاعر

[غرمان بن عزيز]

أخي العزيز / سيّد الكواسر أشكرك جزيل الشكر على هذا المرور الكريم ولكن المعنى أبعد من عين الشمس 0 وعفاك 0

<<< ترى أمزح معك والمعنى في القصيده >>

[سيّد الكواسر]

هههههههههههههههههههههههههههههههههههه

[السااااري]

أخي وعزيزي انا ما تعمقت في المشكله ولكن الحر تكفيه الاشاره
تسلم يالذيب والله لايخلي منك 000000000تعيش وتعطي يابطـــــل


( مداعبــــــــــــــــــــــه خفيفه وثقيلة دم )


تعرف دايما احب امزح معاك بس المره هذي جد جد ياغرمان وذكرتني بما حصل معي
اول ما حسيت بحبي للشعر وميولي له 00

1 _ كان عمري (13 ) سنه ونزلت حفله عندنا في بني رافع في الليل وعندما هميت
اشارك بقصيده مسك بيدي مكسور حظ وطلعني من الحفله وصار عندي ردة
فعل الى يومك 00 وانا ما اداني صوت الزير 0

2 _ عندما استقريت بالرياض واتجهت للشعر النبطي كنت احضر معى ناس هاي هاي
واحيانا اتجرا والقي قصيده وبلاني الله بواحد من اهل الحجاز من المدينه بالتحديد
كلما انتيهت من الالقاء وحسيت انني حققت انجاز قال اسمعو يالربع ترى هذا
الجنوبي سارق القصيده 00 واتحدى اذا كان هو اللي قالها0 انتهت00

اخي غرمان تقبل اجمل وارق تحيه ولا تحسب اني مافهمت
قصدك 00 ويمكن يكون المعنى في بطن الشاعـــــــــــــر
دمت بالسعاده والسرور
اخوك / السااااااااري

[غرمان بن عزيز]

بسم الله الرحمن الرحيم


الأخ العزيز والغالي والشاعر / الســــــــــــــــــــــــــــــــــــاري الموقر

السلام عليكم ورحمة الله وبركاته وبعد :-
أولاً :- أنت والله أنك ونعم وبني رافع كلهم ونعم ولي عندكم زملاء أعدهم والله العظيم من أغلى الزملاء 0
ثانياً :- هذه القصيده معناها في بطنها ماهو في بطن الشاعر وبعدين أنا جلست يوم كامل أعمل لها تكرير عساه يخف الدم لكن ما فيه فائده فالمعذره على القصور 0
ثالثاً :- أنت تمون طال عمرك وتقول وتطول وعزيز وغالي مثلك لايمكن أزعل منه علماً انه صعب على أي شخص ان يثير غضبي فكيف بك أنت الذي تعتبر عندي وزين العين 0
:tongue:

لك مني أجل وأرقى وأجمل وأعذب وأفضل وأسمى التحايا