القصيدة التي اثارت غضب بنات الخليج ... مع ردها!؟

[الوافي66]

القصيدة التي اثارت غضب بنات الخليج ... مع ردها!؟

--------------------------------------------------------------------------------



هذي قصيدة كتبها احد الخليجين بعد قدومه من المغرب دعونا نرى ماذا قال ولماذا غضبوا

ياللي تنشد عن علوم الذي طاف...كل البحور وكل دوله وديره
خذ من علومي علم اوصافه اوصاف...جزل سمين يشتعل له سعيده
الزين عقب المغربيات ينعاف...غيد لهن بالزين ذكره و سيره
فيهن حلا طاغي ولين و تعطاف...وفيهن حنان يشعل القلب غيره
حلوات وصف وفاهمات بالاعراف... زيننات منطق صافيات السريره
بنات قوم طيبهم غصب ينشاف...اولاد مغرب بالليل العسيره
ياللي تنشد عن علومي بالانصاف...هرجي يكفي صامله عن كثيره
الزين في لميا وتغريد و الطاف... ماهوب في حصهو كشره و منيره

الصراحه ما عنده ذوق

الـــــــــــــــــــــــــــرد


قال الذي في بدع الامثال صراف.....جزل يفرق بين درهم وليره

ياللي مدحت المغربيات بجحاف.....الله يجيرك من عماه البصيره

لو تعجبك لميا وتغريد والطاف.....مايصلحن لهل الوجيه السفيره

مفصخات و لبسهم حول الارداف.....وبليس اغواهم بكشف الستيره

متعودات كلهم زيف وخفاف.....على التغنج والتعطف وغيره

كل يوم مع صاحب و لافيهم اعفاف.....خويهم اللي فلوسه كثيره

ترى البضايع عده اشكال و اصناف.....وكل ينوخ وسط سوقه بعيره

عز الله ان الطيب في بنت الاشراف.....اللي على الحشمه تربت صغيره

ولا تبين منها كود الاطراف.....مثل القماشه فالبحور الغزيره

ياللي تدور بالجواهر و الاصداف.....الزين كله في بنات الجزيره



صــــح لسانك.....


اعجبتني ونقلتها لكمممم ..

والله بالردود الزينه .. بنـــــــــات الخلــــيج .. تاج رأس الكل...


اخوكم الوافي66

__________________

[الغراني]

يعطيك العافيه
على النقل الجيد

فالك الطيب

[سيــف العرب]

الله يعطيك العافيه اخوي الوافي
ومشكور على القصيــدة

وإليك رد الشاعر طلال الرشيد رحمه الله على هذه القصيدة




يابن الحلال ان طعتني خل الاسـراف=واترك جمال الغيـد لاهـل البصيـره


الزين موبس في الملامح والاوصاف= الزين روح وعفـه وطيـب سيـره


مانيب من يهـوى سريـا وانصـاف= انـا هـواي وبـس بنـت الجزيـره


بنت الخليج اللي تمـاري بالاعـراف= وحنا نمـاري باسمهـا كـل ديـره


مالي غرام بقـول وخـا وبالـزاف= اذبحتني عنـد الطرحـه المستديـره


احب قولة ياهـلا وعـل وماخـلاف= من بنت ثوبي بنت الارض النضيـره


اللي تحلاها الظبـي حلـو الاطـراف=جمـال فـي عفـه ورقـه وغيـره


واللي بها سحر مهو سحـر عـراف=ياعـل عيـن ماتراهـا ضـريـره


عطف وحنان وذوق في لين الاعطاف= والى كشفت لثامهـا شفـت أميـره


صعب على اللي بالردي شاف ماعاف=وحلوه على اللي سنـه الله ضميـره


شمس الى من اشرقت والدجا طـاف= غابت نجومك غصب لو هي كثيـره


السيف مايزهى سوى كـف سيـاف= والخيـل دون حصانهـا مستخيـره


بس أنت دورلك علـى قـدك لحـاف= وان طعتنـي دور بدلنـا عشـيـره

تقبل أطيب التحايــا
وفي انتظار مشاركاتك يا غالي