تسجيل الدخول

مشاهدة النسخة كاملة : (((((( رساله خااصه الى 00000 ؟))))))))))))))))))))))


السااااري
04-10-2006, 09:20 PM
(( جف الثرى ))
000000000
ــــــــــــــــ

يا خساره طاح ركن البيت وأهتز الجدار= واستدار الوقت واظهر حقد ناس حاقدين
انكشف زيف المشاعر وانحنت رؤس كبار= حلقت فوق الثريا واستقرت تحت طين
وابتدت بعض النوايا تتضح وضح النهار= مثل بركان(ن) تفجر داخله شرّ دفين
والنجوم اللي توارت كل نجم له مدار = ماتغير عن مداره لاشمال ولا يمين
والبشر مثل النجوم وكل شخص له مسار= انكتب رزقه وموته قبل يتكون جنين
والزمن يضحك لناس وناس يكويهم بنار= وما ينال الجنه الا الشاكرين الصابرين
يابو (0000-) كلما جف الثرى ثار الغبار= واحترق خضر الورق في عالي الغصن الحزين
والشباب اللي حقرته صار شيب له وقار= والشعور اللي جرحته طاب جرحه بعد حين
اعترف للعالم أني ذقت في الدنيا مرار= وأنحرم قلبي من أدنى كلمة فيها حنين
عشت مرفوع الكرامه وعزتي بالله شعار= احسب الخطوه واسيرها على شده ولين
كيف اسامح من جرحني لو يجي منه اعتذار= وش يفيد العذر في جرح نزف دمّه سنين
طول عمري لاخضعت ولاأنحني لأجل الصغار= والله أني ما أنحنيت الا لرب العالمين

( الســ محبكم ــــاااري
( خاص ) [/color][/font][/poem]

سيــف العرب
04-10-2006, 10:52 PM
عشت مرفوع الكرامـه وعزتـي بالله شعـار=احسب الخطوه واسيرهـا علـى شـده وليـن

كيف اسامح من جرحني لو يجي منه اعتـذار=وش يفيد العذر في جرح نـزف دمّـه سنيـن

لـلـه دركـ

الساري
صـح الله لساانك مليووون اخوي
قصيـدة رائعه وجزلـه ..ولا غرابـة فكاتبها هو شاعرنا الساري
الله يعطيــــــــــك الف الف عافيـــــــــه
تقبل أطيب التحايـا ولا عدمنا بوحك الجزل

أغلى وطــن
04-11-2006, 01:00 PM
رساله جميله يالساري

في قصيده أجمل

أخوك / أغلى وطن

ساكن طويق
04-11-2006, 07:35 PM
صح الله لسانك على هذا الابداع.

وظلم ذوي...... اشد مضاضة ==على المرء من وقع الحسام المهندي .

االمسامح كرييييييييييييييييييييييييييييييييييييييييييم.

...................................... اخوك ساكن طويق

"الناقد"
04-11-2006, 11:42 PM
كيف اسامح من جرحني لو يجي منـه اعتـذار
وش يفيد العذر في جرح نـزف دمّـه سنيـن


طول عمري لاخضعت ولاأنحني لأجل الصغار
والله أنـي مـا أنحنيـت الا لـرب العالميـن



الساااااري


صح لسان ولاهنت يالذيب


حقيقة أرى أنك ومن خلال قرائتي لمعاني قصائدك الجميلة, عانيت او تعاني من جرح صدر من عزيز. فلا غرابة وقصائدك كلها تحكي ذلك.


ويقال مايعرف المر إلا الي ذاقه


والحال من بعضه



دمت سالما


أخوك ومحبك


الناقد

بقايا^إنسان
04-12-2006, 12:23 AM
طول عمري لاخضعت ولاأنحني لأجل الصغار
000والله أنـي مـا أنحنيـت الا لـرب العالميـن

ذلك البيت وقفه

لله درك و شاعريتك الفذه
يسترعليك ياشيخ

دمت شااااااامخ

اخوك

السااااري
04-12-2006, 01:33 AM
( احبتي شكرا لمروركم وشكرا لكم جميعا)

الاخ الغالي/ سيف العرب 0 شكرا مليوون
الاخ الغالي/ أغلى وطن 0 شكرا مليوون
الاخ الغالي/ساكن طويق 0شكرا مليوون
الاخ الغالي/ الناقــــــــد0 شكرا مليوون
الاخ الغالي / بقايا انسان0شكرامليوون

بوجودك ومروركم
وتشجيعكم يستمر
الابداع ويتجدد
العطـــــــــاء
السـ أخوكم ومحبكم ــــااااري

الغراني
04-12-2006, 11:46 PM
صح الله لسانك يا ابن العم

شاعر وافي من بني وافي

فالك الطيب

علي احمد العمري
04-13-2006, 12:21 AM
الساري صح لسانك ياغالي

المسامح يعتبر طبعه كريم
تحياتىal_mohajer