جاهل الإحساس...!!

[أسيرة الحزن]

جاهل الاحساس ما فيك ذرة
ما فيك ربع من بعض الاحساس

ما شفت منك غير...هم ومضره
غشاش مثل اللي على الناس بلاس

جعلك تعيش الهم مليون مره
مثل العليل اللي مكاويه بالراس

عسى الفرح ما جاك ويا المسره
حتى تعرف الهم يا صادم الناس

وعسى حياتك بس حره بحره
تقضي بها باقي العمر دوم محتاس

وعسى الحزن يطويك حره وبره
لين القدر يرميك في نار الأفلاس

وعسى الهوى يضربك برده وحره
ويزرع بقلبك كل هم وهوجاس

وعسى نهايتك التعاسه تبره
مر وعلقم ينزع حشاك بالكاس

[أبو ريان]

أسيرة الحزن ...

من حين إلى حين إبداع لا ينتهي واحساس كبير بقلب كبير

يحمل كل هذه الآلام ويصورها بإبداع

تحياتي

[سيــف العرب]

أسيرة الحزن

قصيـــــــدة رائــعـــه
وقويـــه بمعانيها
يعطيك العافيه
وصح لساانك يا أسيرة الحزن
تقبلي أطيب التحايـــا

[السااااري]

( اسيرة الخزن 00 قويه جدا ومابعدها رجاوي)
سبع دعوات تطرح الطيــر
واكيد ماهو باقي الى هالحين الله أعلم
ــــــــــــــــــــــــــــــــــــــــــــــــــ ـــــــ

ونزيده من الشعر بيت
ـــــــــــــــــــــــــــ

الجاهل اللي ماكفى الناس شــــــــره
ياجعل مثله تحت لاقدام ينــــــــــــداس
*****************
والشهم مثل النجم يعرف مجـــــــــــره
يرفع مقامه عن مواطيــن لادنـــــــاس
*****************
الظلم شين وجرح لاحساس جمــــــره
والصبر ميزه من خذ الصبر نبـــــراس
*************

تحياتـــــي
السااااااري

[أسيرة الحزن]

أبو ريان ، سيف العرب، الساري

الله يعطيكم العافيه على المرور

[المسكت]

اسيرة الحزن

كلما زاد طابع ألم المشاعر
يكون صادق الاحساس بالالم
دمتي بسعاده ويعطيك الف عافيه

احترامي لك
اخوك

المسكت

[ضي العيون]

وعسى الحزن يطويك حره وبره
لين القدر يرميك في نار الأفلاس
رائـــــــــــــــعه تلك الكلمات بمعناها القوي

صح لســـــــانك اسيره

تقبلي مروري
اختك
ضـــــــي العيوون