اذاكان مرضي يلعب قلطه يقلط0

[راع البل]

هذه دعوه للشاعر مرضي اذا يلعب قلطه ابيه يقلط بدونأمر0



نادوا الشاعر المرضي عسى الله يجيبه = قالوا أنه كبر واصبح معلم زمانه

فيه ذيب على المرقاب يفزع قنيبه= يحتزم بالحزام ويلبس الجمبخانه

[صالح آل سلمان]

اقلط يا مرضي لا ترد راعي البل
اتمنى ان تكون قلطه رائعه
ونترقب ذلك
ابو عبدالله

[السااااري]

( راع البل صح لسانك واسمح لي بالرد )
اكيد مرضي متضايق من وضع الاسهــــم
ورايح يقلط اليوم والا بعد اليــــــــــــوم



راعي البل للقلطه طروق عجيبـــــــه
وأنت صبت الهدف والعلم جاء في مكانه
انحن اخوان والوقفات ماهي غريبـه
والمعلم ترى صعب علينا أمتحانــــــــــه

تحياتي
اخوك الساااااااري

[صالح آل سلمان]

http://www.rsoom.com/markz/get.php?filename=1142606169.jpg

لا زلنا في انتظار الشاعر القدير مرضي

[أبو ريان]

إي والله إي والله ...

يا جماعة الخير اللي أعرفه عن مرضي إنه غير متواصل مع الموقع

بسبب عدم وجود هاتف لديه ...

بمعنى شركة الاتصالات لم تكمل تمديداتها إلى هذه اللحظة لدى قريته

والرجل يحاول التواصل من حين لآخر عن طريق المرور على من يعرف من الزملاء

ومن ثم تسجيل مشاركاته ...

الغالي راع البل ...

بإذن الله يتواصل الشاعر معك ويكمل جمال حضورك مع أنني وجدت أن

الساري شاعر بارع في رده ...

ولكم جميعاً التقدير والتحية

[السااااري]

شكرااا يالغالي ابو ريان
وكلنا ابنا عم والطـارف
سديد واعتذر من صاحب
البدع اذا مداخلتي أزعجته

أخوك
السااااااري

[المهاجر07]

الله الله يارااعي البل ..
في إنتظاااااااااار الشاعر مرضي


وينك يابو عبد الله ..؟؟

[بن ضيف الله]

الحرامي حرامي اخذ من وسط جيبه..................... قالو البدو لا تعاشر حرامي زمانه
احسبه شاطر وثره ترا عق نيبه ................. خان نفسه وويش اقرب من اخوه خانه

[بارود]

الحرامي حرامي اخذ من وسط جيبه..................... قالو البدو لا تعاشر حرامي زمانه
احسبه شاطر وثره ترا عق نيبه ................. خان نفسه وويش اقرب من اخوه خانه



((((((((( ام اسلم ))))))))))))))

[راع البل]

اذا الشاعر المرضي لايريد المحاوره أو عنده شغل ليته يتكرم ويعتذر بلسانه او بلسان احد الاعضاء0

[بن ضيف الله]

ياراعي البل وشبك ماتراعي الضروف ............. يمكن رقد صاحبي ولا ذهب مايشوف
يمكن تعامى يبي يذهب لارض المصيف ........... يمكن يبي يجمع الذ الصيف امعه ضيوف

[السااااري]

قلنا لك مرضي مشغول وحنا ابنا عمومه
الطارف يسد اللزوم وش فيك يارجـــــال










مطلب الراعي نجدد له كفاله = والجواز مخلص والختم بيدي
والغرامه ساقها هذا جزاء له = ولو تأحر طاح ساقه وسط قيدي

[راع البل]

زين انا اعتبر المرضي يا منسحب من هالمحاوره أو أنه شا يف أن راع البل ماهو بقد المقام حتى يرد عليه0

حصل خير وانتم فيكم الخير يا شعار بس اللقافه شينه واللى يريد محاوره أنا جاهز يفتح صفحه ويطلب راع البل أما هذه الصفحه خلاص عنوانها باسم المرضي ولايمكن يعدل اسمها0


الشاعر الساري:: شكلك تعجلت ورديت على توقيعي ياشاعر المعاني

[السااااري]

اخي وحبيبي راع البل اسف على اللقافه بس ترى
رديت جبر لخاطرك عشان ما أحد رد عليك وتدري
الانسان لابد يجامل شوي( والا الظاهر مثل ماقال
الحجازي ( والله ماعندك ولا بله ياراع البــــــــل
( اخوك شاعر الحكم والغزل والمعاني)
وجميع الشعر بكل اتجاهاته
السااااااااااااااري

[راع البل]

كفو يالساري ::: ما حطوا تحت اسمك شاعر مميز الا أنت قدها :::: بس ياكثر المميزان بها الزمان :::: أما انا على قولتك ماعندى سالفه :::: بس الله منحنى قدره أسكت لمتميدحين واللى تشوش قرونه واذا ما انت مصدق جرب0

[السااااري]

راع البل ----- لايضيق صدرك ترى كلنا في الهواء سواء
لايهمك كلمة مميز انا عندي واسطه بالاداره والا لومريت
على مشاركاتي 00 يمكن تقول من منحه هاللقب اشكرك
راع البل وانت اخ وصديق وعزيز وغالي طابت
ايامك ولياليك 0 وهذه دعوه أخويه امل ان
تمر على مشاركاتي وتعطيني رايك اواذا
قابلت مرضي بن عبدالله اساله من هو
السااااري تحياتي
الك - راع البل

[راع البل]

انت شاعر ولاينكر ذلك الا اللى مابوه ذمه :::: لاكن ماترى أنك تعجلت شوي عندما رديت على توقيعي 0

[السااااري]

عزيزي راع البل انا فعلا تعجلت
وانت السبب ياأخي ما أعطيتنا
وجه ولكن اكرر اسفي وانت أخ
وصديق ولابد نجتمع انشاء الله
واقدم لك عربون الصداقه مــــن
اليوم 00 ولاتزعل ولا يضيــــــق
صدرك 00 ودمت ودامت ايامك
بالفرح والسرور
اخوك/ السااااري

[راع البل]

تسلم يالساري :: تسلم والعتب مرفوع ولا بو زعل ياوجه الخير0

[ابو ماكن]

بسم الله الرحمن الرحيم

الرد عندي ..................ياراع البل


لكن اذا سمحولي الاخوان وفي مقدمتهم المشرف ؟

[وسام الوفاء]

المعروف عن الشاعر مرضي مواقفه المشرفة في العرضة واعتقد أنه لو كان متواجد في هذا الموقع أنه لن يحتاج أحد للرد عنه وكما ذكر الأخ أبو ريان أن الشاعر مرضي يسكن في منطقة لا يوجد بها خط الهاتف لذلك يا أخي راعي البل يفترض أن تقدر هذا العذر ولا تحسم النتيجة وتحكم على نهايتها لصالحك .وأرجو أن لا تزعل من هذه المداخلة

[وليد الغريب]

راعي البل ينشد ليت واحد يجيبه قربوا ظهره وعطني عصا الخيزرانة
الهروب مالحقيقة هذي اكبر مصيبة لكن الخيل في الميدان واطلق عنانة

[الشيباني]

يارااعي البل
اول شي انت تتحدا شاعر كبير مثل مرضي شاعر معروف ومعلم زمانه... غصب
الثانيه انت تتحدا قلطه والظاهر انك ما تعرف العرضه فهذي ما تاهلك للدخول مع الشاعر مرضي في محاوره
والثاله هد اللعب شوي ولا تتهور وتقول الشاعر ما قدر يرد وما ادري ايش ؟؟الغرور ما هو زين؟

[ابوليلى المهلهل]

وش السالفه؟؟؟؟؟؟

[الرادار]

بالنيابة عن مرضي لعدم تواصلة

انت ترمي الهدف لكن عاجز تصيبة شايفة يازميل المعرفة في مكانة
خل مرضي موسم في ضلوع الضريبة عالي قدر مثلة عند ربعة وشانة

[الرادار]

هذه دعوه للشاعر مرضي اذا يلعب قلطه ابيه يقلط بدونأمر0



نادوا الشاعر المرضي عسى الله يجيبه = قالوا أنه كبر واصبح معلم زمانه

فيه ذيب على المرقاب يفزع قنيبه= يحتزم بالحزام ويلبس الجمبخانه

بالنيابة عن مرضي لعدم تواصلة

انت ترمي الهدف لكن عاجز تصيبة = شايفة يازميل المعرفة في مكانة

خل مرضي موسم في ضلوع الضريبة = عالي قدر مثلة عند ربعة وشانة

[الخطاف]

أعضاء المنتدى الكرام
أعتذرمن الجميع سوف يتم أقفال هذا الموضوع
وذلك لانه موضوع قديم وقد تمت الردود عليه في وقته
ونتمنى من الأخوان الشعراء فتح مواضيع جديده
وإثراء هذا القسم بمايمتلكونه من إبداعات
وسوف نكون سعداء ومتابعين لما يتحفوننا به
وللجميع تقديري وأحترامي