المساعد الشخصي الرقمي

مشاهدة النسخة كاملة : وين الشاعر محمد ثاير؟

راع البل
03-15-2006, 08:09 AM
اذا كان الشاعر محمد ثاير يلعب قلطه الله يبقيه اريد اخذ معه سجت قاف والبدايه عنده اذا ما فيه مانع0
محمد بن ثاير
03-15-2006, 12:02 PM
الاخ / راع البل
000000000

مرحبــا بك مــــــــلايين
لــــــو تبي نلعب الـــدحه
نعم العب معك قلطه لكن
بعدها تلعب معي عرضه
ههههههههههههههههههه

عندك بداية المحاورة
راع البل
03-15-2006, 12:56 PM
تسلم يالذيب وانا ما اخترتك من بين الشعراء الا لسمعتك وصيتك =أما العرضه نحاول وان شاء الله تتم 0


البدايه عندك يالقرم0
محمد بن ثاير
03-15-2006, 07:55 PM
الاخ / راع البل

الله يحييك وابشر بسعدك
غالــــــــي والطلب رخيص


البـــــــــدع

يالله ياربي عسى خير
والضيف قرم ومرحبابـــــه


بنشدك يارع المغاتير
متى القعود يصفرف نابه
راع البل
03-15-2006, 11:26 PM
تسلم ياذيبان0

هييييييييييه


لك البقاء ياشيخ يامير=ياذيب في مربى الذيابه

والثلب لاشاف المعاشير=يقبع هديره والضما به
محمد بن ثاير
03-16-2006, 12:10 PM
صدقت وأبغي قصة الطيـر = طير ابن برمان أيش جابه
سود الليـالي والمعـــاسير = مرة على بعض الصحابه
راع البل
03-17-2006, 12:51 AM
هيييييييييييييييييه


طير الفلس ذاك اخلف السير= جاب الحنش صيد ورمابه

سود الليالي والمقادير= تبلي على المسلم ثيابه
محمد بن ثاير
03-17-2006, 11:32 AM
كفو كفو /ياراع البــل
وأعذرني على التاخير
في اليومين اللي فاتوا



مابنشدك عن سالم الزير = والسمسميه والربابه
أن كنت واحد مالهوامير = أرجعك شيخ الغلابه
راع البل
03-17-2006, 04:08 PM
هيييييييييييييه


بكره بنوصل حومة البير= والدلو دلوك والرشابه

ان كان قيدوم المغاوير= البيه لاينثر زهابه
الغراني
03-17-2006, 10:24 PM
الله الله الله
مبدعين وربي

وافين وربي

عمالقه وربي

فالكم الطيب
غرمان بن عزيز
03-17-2006, 11:30 PM
((((( أبو كمال ))))) ما هذا الأبداع والفن أنت فعلاً موسوعة في كامل فنون الشعر وأقسامه وبحوره تقبل تحياتي ودمت لنا تاجاً نفاخر به في هذا المنتدى 0


(((( راعي البل )))) أحسنت وبارك الله فيك لقد أستمتعنا بهذه المحاورة الجميله من شعراء كبار لك مني كامل الأحترام
محمد بن ثاير
03-18-2006, 01:16 AM
الاخ/ الغراني

اهــــلاًوسهلاً عزيـزوغـالـي
وصولك وأطلاعك على هذه
المحاورة (هو الابداع) شكرا
لك ورايتك بيضاء 0لاتحرمنا
من تواجــــــــــــــدك الطيب
(تحياتي)


الاخ0راع البل
سجل أعجابي
و
أحــــترامــي



أخذ انتباهك والمحاذير = لاتلحق أمطول غياب
فيه اختلافٍ فالمشـاوير = مثل الليالي ما تشابه
محمد بن ثاير
03-18-2006, 07:30 AM
الاخ0غرمان عزيز

تسلم تسلم وأعتقد أني وقعت ولاسمي عليه
(مع راع اليمال)
ههههههههههههههه
تواجدك وأمشاركتك تشكر عليها ولاتحرمنا
تواجدك ((( تحياتي)))
راع البل
03-19-2006, 05:31 PM
الشكر للكل واعذروني كان عندي شغيل0


هييييييييييييييييييه


لايخدعك صوت الجماهير=لليل تالي وانقلابه
واليا كتبنا لك تقارير= تصيرك ريس نيابه
محمد بن ثاير
03-19-2006, 09:55 PM
معذور وأذا تبي تغير غير



أعرف ورودي والمصادير = والصوت ماحسب حسابه
وان كان تطـربك المزامير = مطرب لها أنا سـيدغابه
راع البل
03-20-2006, 04:10 PM
هيييييييييييييييييييييييه


اسمك كتب ضمن المشاهير=يا الشاعر اللى ينتخى به

دام التقينا بالطوابير= يبين من يصفي شرابه
محمد بن ثاير
03-20-2006, 10:49 PM
هييييييييييييييه


مشهور مافي العلم تزوير = وأسمك بقي تحت الرقابه
والعودمايقوى المناشيــر = واللي بداء العــلم أنتهابه
راع البل
03-21-2006, 04:26 PM
هييييييييييييييييييه

ياشاعر يكسب دنانير= وش بعد خندف عن شبابه؟
احذر ترى قدمك مسامير=لاجيت للريع وهضابه
محمد بن ثاير
03-22-2006, 08:11 PM
يارع البل/ المعذرة كان الجهاز عندي عطلان
بعدين ياخي ماتبي تغير

ههييييييييييييييه



ياشعرٍ يكسب مخاســـير = من يأمن الداب ألاتوابه
نلعب طـرب يا نافخ الكير =ياشعرٍ جاني جــــوابه
راع البل
03-22-2006, 08:28 PM
هييييييييييييييييييه

معذور ياطيب الفال



لاتخدعك ذات االمناكير= بقعاء لها فيك انجذابه

مكسبك من جنب الدوافير=و الداب كبه في جرابه
راع البل
03-22-2006, 08:31 PM
اذا تبي تغير يابو ثامر عاد الراي لك 0000 لي نيه اقابل الشاعر المرضي اذا هو موجود ولا اللعب معك مكسب يالنشمي0
محمد بن ثاير
03-22-2006, 08:53 PM
يارع البل/ تشرفنا بالمحاورة معك
وكان لها رونقها الممتع واذا تبــي
تبداء تحاور أي شاعر كـــــان
دربك خضر الله معك
الغراني
03-22-2006, 10:45 PM
بيض الله وجيهكم
ما قصرتوا
مبدعين

فالكم الطيب