الدلع الطبيعي ...........!!!!

[المهاجر07]

الدلع وما أدراك مالدلع !!


الدلع راكب عليها ياجمااااعه = والدلع وشهو مصيره بدونها
والله إني فارس وكلي شجاعه = مير لاشفت الدلع ياعونهاا
أرتجف واضيع لاشفت المياعه = لبا والله نظرةٍ لعيونهااا
هي دواي وعلة القلب وطمااعه = وان بغت كل العرب يفدونهاا
الدلع فيها طبيعي بأقتناعه = وشعرهاا شلال فوق متونهاااا
والكلام ان قالته يحلا سماعه = ياحلاهاا ياعرب ولحونهاا
عنتر اللي سببت عبله ضياااعه = لو درى عنها غدى مجنونهاا

[غرمان بن عزيز]

الأخ العزيز المهاجر أسمح لي ان أشاركك أحزانك بهذه القصيده المتواضعه رداً على قصيدتك : -


يالمهاجر خابرك راعي طواعه = لا تغيرها وتوقف دونها
وأخبر الفارس يكون عنده مناعه = ما تصيده من كثر ماعونها
أسأل البحّار كم لفلف شراعه = وأسأل السواق كم طبولنها
لو يكون الوقت ساعه بعد ساعه = لا تفوتك ساعة يعنونها
وأنتبه للعمر لو حآن أنقطاعه = ما تفيد المسبحه وقرونها
الهوى والحب مع راعي البضاعه = ما يوردها مع سعدونها
قالها اللي عارفٍ سيف البراعه = والقصيده أهلها يقرونها

[المهاجر07]

ياهلا بك والأسد نعرف طباعه =والغزل فالشعر ضمن فنونها
وأنت ياغرمان تنصح في الإذاعه = والنصيحة ماعرفت اشلونها
ماني اللي يمشي دروب الصياعه = لا ولا جيت القرى وحصونها
اطلب الله والنبي حق اتباعه = عهد اخذته والعهود اصونها
عند ربعي موقفي فوق ارتفاعه = وربعي ابدا مارضيت بهونها
من تعدى شبر قصينا ذراعه = والعداا حناا لهااا طاعونهااا
قالها اللي مايبي حق ورباعه = والاوادم يحسنون ظنونهاا

شاكر لك هالمشاركه يالغالي
لاعدمتك ..

[شموخ]

المهااااجر

روعه من رااائع
سلسه وسهله وعذبه جداً

يعطيك الف عافيه
وكلك ذوووق

شموخ

[الغراني]

يعطيكم الف عافيه جميع

المهاجر وغرمان

ننتظر مشاركاتكم القادمه


فالكم الطيب

[MiSs..ReeM]

يا سلام عليك يالمهاجر رائعه من شاعر متمكن

تحياتي لك

[أبو ريان]

رائع المهاجر

شاعر بارع وتستحق التقدير

ومسايرة غرمان لك رائعة أيضاً ............ بالتوفيق

[غرمان بن عزيز]

أشهد أنك ما قصرت وعساك تسلم ولا فيك شك وأنت ونعم وربعك ونعم , لكن ترى لي معنى بعيداً ليس لك فحسب بل للجميع وأنا واحد من المقصود بهم والنصيحة تعنيني أكثر من الغير وتصبح على خير :-

الأسد معروف تعرفه السباعه = والسباع أسودها يحمونها
والسيوف أنواع كلٍ له صناعه = والنوافع ما أختلف معجونها
وأعرف الخيّال وأقيس إرتباعه = وأعرف اللي من العرب دندونها
وأنا من طبعي أحافظ على الوداعه = ما تغيرني الحياة وشونها
وأحمد الله ما خلقني في مجاعه = عندنا الخيرات من مخزونها
من يجي بالصاع ما نجحده صاعه = نكرمه والنفس من مضمونها
قالها اللي ما بعد مخلوق لاعه = عاقل والعين تحمي نونها

[المهاجر07]

غرمااان بن عزيز
مااعليك زوود يالغالي .. وادري بقصدك يالشااعر ..
وانك مابغيت الا الخيـر ..
وانت ونعم ومافيك شك لاعدمتك ..

يعلم الله اني سعيد بحظورك وبردك فالأوله والتاليه ..
وشرف ومكسب لي طاال عمرك ..



من يجي بالطيب ماخاب أنطباعه = والعيون ونونهاا عربونهااا
والأسد معروف في وقت اندفاعه = والصقور الغيم بين حضونهاا
اعرف الضرغام وشلون ابتلاعه = واضرب الاهداف لو يخطونهاا
اللقب ماني بجي دون انتزاعه = والبيوت اللي حماها اركونهاا
الوغى نغويه لو حان اندلاعه = وخيرنا للناس مالي بطونهااا
الفريق اليا هجم قواا دفااعه = والهزيمة ليتهم يرضونهاا
قالها اللي عمٌر العز بقلاعه = انتهى يوم ابتدوا يبنونهاا

[العناااا]

أرتجف واضيع لاشفت المياعه = لبـا والله نظـرةٍ لعيونـهـااا

:

:

يالبا قلبك يا مهاجر ! :)

وش هالدلع كله ... ؟

صح لسانك .. وقلبك ... وروحك ..

مرة حلوووووووووة القصيدة ..

أرق التحاياااا لك
http://members.lycos.co.uk/qetharah/up/up/i.gif

[المهاجر07]

شموخ

الروووعه توااااااجدك
لاعدمتك

رعاااك الله

[المهاجر07]

الغرااني

الله يعاااافيك يااارب
ومشكور على المرور لاهنت

[المهاجر07]

الجفن

الروعه في حظورك ..
لاعدمتك

وتعالي كل يوم

رعاااك الله

[المهاجر07]

ابو رياان

حياااااااك الله ..
وشاكر لك حظورك يالغالي

رعااااااااااك ربي

[المهاجر07]

العنااااا

الف صح كلك يابعدي

شاكر لك حظورك

لاعدمتك

رعاااااااك الله