يالله بك الرجوى

[علي احمد العمري]

يالله بك الرجوى ولا انتب قطوعي = ون صككت البواب بيبانك اوساع
في طاعتك ورضاك قلبي قنوعي = وانا الذي في جود حسناك طماع
ياللي لك العاصين يمشون طوعى =ياعــادل الميلات ياخــير شـــفاع
بسمك دعيتك مثبت لك خضوعي =في موقف من مربه خاف وارتاع
في لليلة ظـــلما ودرب يروعي = لاعـــاد به مسعف ولا عاد فــزاع
يوم انثنى عزمي تعذر رجوعي = حـار القدم ماسار بي وقصرالباع
رديت لك شكواي وابديت روعي = ياواحــد من يلتــزم فيك ماضـــاع
هون علىبلواي وارحم دموعي = مولاي لاتقطع رجاء كل ملــتــاع
ماطيق والله وقفتي من وقوعي =حكم القدر مسرع حذف بي على القاع
في موقع الحادث توسدت كوعي =متكــسر الرجــلين والناس هجـــاع
ناديت بسماء اللي معي من ربـوعـي = واثر الثلاثة خذهم الموت في ســـاع
من لوعة الفرقاء تهاوت ضــلوعي = في الميتين ارجـــي مجيب وسماع
من غيبة الشمس اتجـــرع دمــوعي =لين النهار اضحى منامــي تـوجــاع

شكرآ ال مهذل لاتسرع
ـــــــــــــــــــــــــــــ
تحيات al_mohajer

[علي احمد العمري]

يالله يا منشي حقوق المخايل = تنساق بامرك موجهات مقابيل
تسقي الديارالمجدبة بالهمايل = وتروي ظمأ نبت غصونه مذابيل
ياواحد عندك رجأ كل سايل = تفرج لمن كثرت عليه الغرابيل
قالها شــاعرهاض زين المثايل = عصرية ودموع عينه هماليل
في مستزم مادعس فيه زايل = ولارعوبه ناقلين الدرابيل
وقفت به من تيهة الراي عايل = وقفات ونيات تجرالمحاحيل
في حال دنياي أتفكر واخايل = وابكي على وضع تغيربه الجيل
متذكر ماضي العوايد الأوايل = وجمع الشمل قبل انقطاع المواصيل
واليوم كلآ هم دنياه شايل = صرنا الجميع مشتتين معازيل
الله من قلب ضوبه شعايل = قام إيتزايد هاجسه بأول الليل
قم يا بريدي وارتحل بالرسايل = بلغ جواب فيه كل التفاصيل
أبديت فيه من المعاني دلايل = لين أكتمل نطق الزلل فيه ماقيل
بلغ به اللي طاوعو كل قايل = ناس مجالسهم نفاق وتضاليل
حياتهم كذب وخداع وتحايل = ومجاملات ما تغر المهبيل

شكرا ال مهذل إم س
ـــــــــــــــــــــــــــــ
تحيات AL_MOHAJER[/align]

[سيــف العرب]

علي احمد العمري

الله يعطيك الف عافيــه يا الغالي

قصيدتين ولا أروع

وكل واحده تقول الزورد عندي

لاهنت والله يعطيك العافيه

تقبل اصدق تحيــة وفي إنــتــظــار جديدك

[المسكت]

على احمد

والنعم بالله
روعه تلك الكلمات قلب قائلها

يعطيك العافيه وكلك ذوق


احترام
المسكت