السنافيه

[غرمان بن عزيز]

أنا البارحه مرّيت من ديرة الـبـــــــدوان = وقابلت لي بنت صغيره ســــــــنافــيه
تـفـرّق غنمها عن غنم باقي الجــــيران = ومن فوقها بُرقع وطرحه عُمـــــانــــيه
وسلّمت تسّليمة غريبٍ بكل إحســــــان = ســـــلامٍ موقّر بيّن القصد والـنـــــــيه
وردّت هلا يا مرحبا فيك يا غرمــــــان = تراني عرفتك قبل ما تـلـتـفـت فـــــيه
وكـلـّمـتـهـا وأحسّ قلبي لها شــفـقـان = وفي داخلي حسّيت نارٍ طـبـيــــعــــــيه
وغرّتني النـظـره على قـولـة الـعـربان = وقمت أتمايل وأتمنى الــعــزوبــــــــيه
فقالت تراك اليوم في خانة الشـــــيبان = وللـعـمـر في وجـه الـمــخــالـيـق مـاريه
تمنى يعود العمر وتصير من الصـــبـيان = ولكن هذا صعب وأســـمع أمـــانــــــيه
أنـا ودّي اني أمـتـلك قلبك الـولـهـــان = وأسافر معك وأعيش قِصّه خـيـالــــــيه
وأغني قصيده قلتها بأعذب الألحــــان = قصيده لها عندي مكانه مــثــالـــــــيه
فقلت العذر ما يمتلكني يكون إنســــان = صـفـاتـه أصـيـله ما يحب الـتــجــــاريه
وصدّيت عنها قبل ما تعرف العنـــــوان = وقبل أبتلش في حب ذيِك البديــــــويه

[المسكت]

صفاتك اصيله يابعدي
هلا وغلا اخوي غرمان
روعه من رائع وكلك ذووق

صح لسانك والله

ولك احترامي

اخوك

[الأشقـــر]

قصيدة سنافية يالسنافي
....دمت في خير .

[بقايا عاشق]

غرمان بن عزيز
.
.

رائع ..رائع

فسلمت يمينك ..وتقبل خالص مودتي وتقديري

.
.

محبك..
بقايا عاشق

[غرمان بن عزيز]

اخواني الأعزاء والمحترمين أسمحوا لي أن أقدم لكم شكري وتقديري لمروركم الكريم والثمين
1- المسكت : عساك سالم وغانم
2- الأشقر : عسى الله يديمك ويعطيك العافيه
3- بقايا عاشق : عسى أيامك كل سعاده وهناء