خنفشارياتي مع الأعضاء .. واحد واحد ...!!!

[راعي الأوله]

لو سمحتم .. واحد ... واحد ..


بدون زحمه .. التوقيع بريال ..ههههههههه


أي توقيع وأي زحمة .. << مسوي زحمه والشارع فاضي ..


أحبابي أعضاء منتديات بني عمرو الرائعون ...


أسعد الله جميع أوقاتكم بالخير والمسرات ..


بناءً على الطلبات الكثيرة التي أنهالت علينا << تكفى يا المهم ..


لكتابة موضوع مستقل مميز بإسم << خنفشارياتي مع الأعضاء ..


ويكون فيه طرح ما لدي من خنفشاريات .. ويكون في كل مرة عن عضو معين ..


وبما أني لا أستطيع أن أكتب عن أي من الأعضاء دون أخذ الأذن منه ..


لكن سأكتب .. والذي لا يريد أن اكتب فيه يبلغني بعدم رغبته الكتابة عنه ..


كما أرجو منكم جميعاً السماح لي بالكتابة .. :qlbe4:


وسأبدأ بالأعضاء اللي أمون عليهم .. واللي وعدتهم بالكتابة عنهم ..


ولي طلب لا أحد ينقل موضوعي هذا ..


كما أرجو من مشرفي قسم الشعر أنهم لا ينظرون لهذا الموضوع .. ولا يتعبون أنفسهم ويثبتونه ..


لا .. لا .. شكراً .. لا تحلفون .. ما فيه داعي يتثبت .. << خير إن شاء الله في أحد حلف أنه يتثبت ؟؟!!..



وكل واحد يستاهل ما يجيه ..


أخوكم المحب لكم // راعي الأوله ..
.

[سيــف العرب]

راعي الأوله

يســعــــد جميع اوقاتــك بالخيــر

وعـســاك ع الــقـــوة

فـي إنــتـــظـــار خنفشارياتــــــك .....
ولا تبطــي علينـــــا
تقبل أصــدق الــود

[أبو مانع]

يا هلااا وغلاااا فيك

يا راعي الأوله والخنفشارياااااااااااااات ما فيهااا

مثلهااا عاد إذا كان المعد والمقدم راعي الأوله

وننتظر الخنفشاريات لكن الله الله أبو مانع خله يقعد


آخر واحد لا نعود نختصم خخخخ

دمت بخير... أخوك أبو مانع ..

[راعي الأوله]

الخنفشاري الأول :



أحلى تحـيـــه بأيـامــي وأرق التـحايا ... من قديم الوقت تبكي نفسي أحييها

جــار الزمـان ولا هي نـفـس النــوايا ... متعلق ببعض الخوف كيف أنويها

اشكـي لربي سبحـانه معطـي العطايا ... أعطاني وها الناس بالكوم يعطيها

الحرب تخـرج صـورايخ دم وشظـايا ... وقلوبنا وحده أحترت ياكيف أشظيها

كلمني ولبيت وهو من أمثال الدعايا ... قال أفكرك بنت وشلون أفكر أدعيها

هذا أحد الأعضاء هو عذب السجايا ... يا ليت يسمح لي بأبيات حره أسجيها.



طبعاً .. لو سمحتم . لا أحد يقرأ الأبيات .. هي خاصة بعذب السجايا ..


وصدقوني أني متأكد 100% ما فيه أحد منكم فهم القصيدة .. لكن عندي بيت خرافي من زمان أردده ..


ما يفهم الشعر إلا من له وهبته ... وما يفهمه غيره ولو كان باني


أخوكم // راعي الأوله ...

[راعي الأوله]

حياك الله يا سيف العرب ..


وأفهم من كلامك .. أنك عطيتني الضوء الأخضر للهجوم ..


الله يعينك تحملنا يا الغالي ..
.

[راعي الأوله]

حياك الله يا أبو مانع ...


وأبشر بالخير ..


ما أدري ليه حاس أنك الثاني في خنفشارياتي ..
.

[نقش خالد]

راعي الاولة

مساء / صباح الخير

انا ابي اكون الثاني

ابكفي ابو مانع اشوفه خايف

عموما موضوع رائع وخنفشاريات ولا اروع

اتمنى ان يكون فالي فال خير على خنفشارياتك

تقبل متابعتي ولك فائق الاحترام

[راعي الأوله]

لعيونك يا أبو راكان ..


أبشر بالخير ..


شيك العصر وتلقى خنفشارياتي معك .. إن شاء الله ..
.

[راعي الأوله]

الخنفشاري الثاني :


الله من واحد أعزه حيـل وبقـلبي أنا أغلـيه

يستاهل المدح أكـثر والأوصاف قلـيله فـيه

نقش خالد من حبي له أحترت وش أسميه

أبوراكان الخـير والخـير كله وسط أيـاديه

أو سحر الغلا لقـبل هنـا آآآآآه ويـن أوديه

شكلت بحروف القصيد كلمه ومعنى تفانيه

نعم يستاهل المدح كله من راسه لرجلـيه
==================================


وين الثالث ...؟؟؟؟؟؟


أخوكم المحب لكم // راعي الأوله ..
.

[بارود]

السلام عليكم جميعاً
انا جيت اسلم عليكم واتفرج فقط
لأنه سبق ان وصلتني خنفشاريه من قبل
يعني عندي حصانه واذا وصلني الدور بعد الجميع الله يعين
تحياتي

[عذب السجايا]

الله يهديك اخوي راعي الاولة بصراحة

انامافهمت شئ ولا ادري اش جاب اسمي

بالقصيدة ولكن ان كانت مدح فلك الشكر

وان كانت ذم سامحك الله ...قال لبيب قال

[راعي الأوله]

الله يهديك اخوي راعي الاولة بصراحة

انامافهمت شئ ولا ادري اش جاب اسمي

بالقصيدة ولكن ان كانت مدح فلك الشكر

وان كانت ذم سامحك الله ...قال لبيب قال



الله يصلحك بس ..


من جاب سالفة لبيب الحين ..؟؟؟؟


أنت أقرأ القصيدة زين وبتعرف المقصود ..


وينك يا نقش خالد ..؟؟؟
.

[نقش خالد]

موجود طال عمرك

ما شاء الله عليك ابداع

وبعدين وش فيك يابو غلا
الرجال كتب فيك قصيدة ولا اروع
ولسااا تقول لبيب

علمه يا راعي الاولة علمه

الف شكر على كل كلمة كتبتها
والقلوب عند بعضهااا

[راعي الأوله]

الخنفشاري الثالث :




يا شاهد الحي أشهد وخبر أحبابي وبدون مانع

من قديم الوقت ما غيره أبقلبي وروحي بو مانع

لو تبي أكتب فيه مليون بيت ترى ما عندي مانع

يستاهل الخير والرزق الحلال من المعطي ومانع

سبحانه الخالق عسى يرحم أبوه المرحوم مانع


================================================


هدية بسيطة للغالي " أبو مانع " ..
.

[غالي الأثمان]

احم احم

وين يا هااامور بطلت اسهم وجيت شعر <<طيب عليك ضريبة تدفعهالمدير العلاقات بارود

بس لاتنسانى اهم شئ ابغى خنفشاري خالي من العيوب وابغا يكون عليه منحة على الاقل

[أبو مانع]

أخي العزيز

راعي الأولـــــه

ابيات في غاية الروعه والابداع
صورت فابدعت فى انتقااء الكلماات

فأناا أشيد بمشاعرك الشاعريه الذواقه

صح لسانك أخوي

ولا عدمناك .. ولا أنسى لك هذاا البيت


سبحانه الخالق عسى يرحم أبـوه المرحـوم مانـع

أسأل الله أن يغفر للوالد ويرحمه برحمته..

لك خالص مودتي..

أخوك أبو مانع ..

[راعي الأوله]

احم احم

وين يا هااامور بطلت اسهم وجيت شعر <<طيب عليك ضريبة تدفعهالمدير العلاقات بارود

بس لاتنسانى اهم شئ ابغى خنفشاري خالي من العيوب وابغا يكون عليه منحة على الاقل




ههههههههههههههههههههه


لا تخاف جايك في الطريق .. لاتوصي حريص ..


يا بيجيك شيء ..!!! تحمل الله يعينك ..
.

[راعي الأوله]

أعتذر على التأخر والإطالة ..



خطيت بأبياتي غالي عليه ... سيف العرب عسى ربي يحميه

من رده عرفت الخير وراعيه ... عرفت السيف وعرفت شاريه

المعذرة ياناس تروني أغليه ... أفز من سماع صوته و طاريه


أعتذر عن قل الأبيات ..
.

[سيــف العرب]

راعي الأوله

الله يعطيك العافيه
وصح الله لساانك
واصل ولك خالـص تحياتي وتقديري