شاعر محتــــــار

[BEN SARAR]

ياهل الفكر ياشعارنا ياهل الراي السديــــــــــد
تاه فكري ونا اخيل وصبري نفذ وعمى دليلــي
مادري احاور الشعار ولا انثني بمســـــــــــيره
وجهونا على راي سديد وعلم نقتـدي بـــــــــه
ولا قولو لبن سرار مشكور لو ريحتنـــــــــــــــا

[الغراني]

صح الله لسانك
وافي وافي


ياليت اني شاعر ورد عليك لكن الاخوان فيهم البركه


فالك الطيب

[BEN SARAR]

اخي الغراني شكرا على مرورك ولا تهون

[سعودي جنوبي]

مرحباً ياولد سرار وانت الكفو وانت السديد
ذا يفيد المراجل في نهار العرب قد فاد ليلي
والثواني مع الساعات ياخوك جتنا مسيرة
وانت شاعر ومثلك قلت والله انا للشعر اديبه
والله ماايحت من درب القصائد ولا بيحت انا

[بارود]

هلا ومرحبا ملايين ابو سامي

وين الغيبه ياطويل العمر

تقبل تحياتي

[بيت القصيد]

حيا الله بن سرار من طول الغيبات جاب الغنايم يالذيب وين النــــــــــــاس.................

و لكن تغيب و تجيب الابداع و الله مبدع يا ابوسامي..............

مرعي الحمراني وش اقول عنك غير امير الابداع رد و لا اروع يا ابو محمد الله يعطيك العافيه.................
بيت القصيد

[BEN SARAR]

يامرعي تاهت الافكار يوم نسير ويوم اعيد
كم لي اقول يايام السنه والليالي وضحي لي
هو بعـّد عندنا قدرات والا العضـام محيـــــره
لو تكلفت في شعري ونثري فلا كلفت اديبه
والنمر ما تراجع في طريقه ولا الذيب احتنــــا

[BEN SARAR]

الاخ بارود شكرا على مرورك وانت تعرف وين كنت بس والله ضيعتونا ما ندري وش نسوي


الاخ بيت القصيد يعطيك العافيه وباقي بيني وبينك يوم يانتخاوي يا نظرب المزلفه

[أبو ريان]

بن سرار الله يحييك

أسعدتني عودتك يا أبو سامي

صحيح إنك تغيبت علينا شوي بس بهذه القصيدة الرائعة

كأنك لم تغيب .. ويا مرحبا بك يا أبو سامي

الأخ مرعي الحمراني رديت وأبدعت فلك الشكر وبن سرار يستاهل كل خير

وبالتوفيق وعلى القوة لكم جميعاً

[أبو عابد]

الشعار المبدعين

بن سرار... مرعي الحمراني

صحة السنتكم ملايين على هذا الإبداع المسطر

ونحن متابعين لكم إلى النهاية

تقبلوا مني خالص الود

أخوكمـ ـ ـ ـأبو عابد

[سعودي جنوبي]

يابو سامي لامن نظرت مثلك فذاك اليوم عيد
افتخر بين خلق الله وكن البلس والاّالضحي لي
هذي دنيا الغرابة يابوسامي لبالي محيرة
اه من وقتنا مخيف ياكم وياكم من عدي به
وانت واقف وانا واقف ولا اقول له روحتنا

[BEN SARAR]

والنعم يالذي ماشاور اصحاب فتنه واهل كيد
انت من لابة مايرحمون المخالف والذليلــــــي
اهل تاريخ محفور حروفه ذهب كل يـــــــره
وانت من لابة لا قال كل لكم وش تدعي بـــه
قله انشد نهار السبت يعلمك وش تدعي بنـا

[سعودي جنوبي]

أنا باخذ علوم الكفو واخذ معه خبر وكيد
والله ماقول ياهذي الحياة لوتعذّل عذليلي
وانت من راس قوم(ن)مثل سيل (ن) نقول(ن)من يراه
حامية طارفة عمرين ربعك لربي تدّعي به
بني حظ الذي يدعي لربه ومن يدعي بنا

[BEN SARAR]

راحو اجدادنا واسلافنا بالمعاني والقصيـد
واحنا والله ماخذنا من اجدادنا غير التحالي
نخلط الحلو بالحامظ بليا علوم مفســـــــره
كان للخصم شعار وللصلح شعار وهيبــــه
اخذو اشعارهم من كل بحر وبر واعتنـــــا

[سعودي جنوبي]

وقتنا خير ينتج مالمعارف ولانجني القصيد
حاضر(ن)زاهر(ن)ماضعت أنا فيه ولا افقدت حالي
نهتني من نعيم العصرحتى الصدور مفسرة
ون رجعنا له الماضي مشرّف وباقي ما وهيبه
وانت ياشاعر الشاعر خلك معي روعتنا

[BEN SARAR]

يشهد الله انا جنبك ويوم اللقاء ماني وحيد
والزمان الذي غرر بنا قلت له ماني لحالي
جنبي الي نهار الفزع للي زمانه حيـــــره
اذكر بيت لطالع يوم جابه وبن مسعد يجيبه
خير مما حوته اشعار ذا اليوم يابن عمنـــا

[سعودي جنوبي]

يابن سرار أنا معك وواعي ولا بارمي بحيد
نجتني المعرفة مثيل ماينجني شهد النحالي
شاعر(ن) حيّرالمعنى بصلاب الحجارة حيّره
كل سوق(ن) وله ناسه وكلاً يعرف اللي بجيبه
وأنا وأنته من الشعار واخاف علمك عمنا

[BEN SARAR]

انت شاعر وانا شاعر وكل على علمه يجيـــــــــد
وانا والله مالي قصد في شعركم يابن الحلالـــي
فانت شاعر وانا مالي في الشعر غير ميســــره
قصدي شعر مع هذا الزمن يوم نمسي ونغدي به
فرقه فرق السما عن للرض في كل قصد ومعّنـا

[بيت القصيد]

علي الطلاق يابن سرار انك شـــــــــــاعر غير عادي و ابيات توزن بالذهب و الشاهد الله.

سهيل صراحة انت مذهل و ابياتك مذهله الله يعطيك الف عافيه وبرضه انا موافقك على وجهة نظرك و خلك صامل عليها.
بيت القصيد

[BEN SARAR]

الاخ بيت القصيد اشكرك على مرورك والله يكفينا شرك لا تصكنا عين نرجع مية سنه ورا ونشوف الشعار في ذاك الزمان وانا انتظر المحاوره معك على احر من الجمر وياويلك

الاخ مرعي يشهد الله اني معجب في ردودك كثيرا والهدف هو ايجاد موضوع واتشرف بالشعر معك وانا اقصد الشعر في هذا الزمان بصفه عامه مقارنة بشعار زمان فليس هناك مقارنه وانا احكم على نفسي اولا واقارن فلك جزيل الشكر على فهمي في هذا الجانب وانا اعتز فيك كشاعر كبير فلك تحياتي واذا بغيت نغير وتبدا انت او نستمر فلك الخيار وللحقيقه انا مبسوط من محاورتي معك لانها خاليه من المهاترات وفيها معاني وكلمات راقيه فلك تحياتي ونترك الحكم للاخرين ولك تحياتي

[سعودي جنوبي]

الحبيب والأخ الكبير بن سرار
صدقني شرف وجودي معك وجميع ما قلته أنت في القصائد صحيح
ولكن يتم الرد لكي يكون هناك أخذ وعطا وهذ حصل
وبالعكس طال عمرك نحن من تلاميذك
أمّا الأستمرار أو أي فكرة أخرى نتركها لشخصك الكريم وللبقية
ولكن لو نريّح شوي يكون أفضل وذلك لبعض الالتزامات لك ولي
أتمنى لك وللجميع دوام التوفيق

[الجنوبي]

ياوووووووووول

صح لسانكم على هذا الابداع والقصائد الجميلة
سيروا الى الامام والله يوفقكم



تحيـــــــــــــاتي

[BEN SARAR]

اهلا بك اخي الجنوبي وشكرا لك وبعدين وين انت مانشوفك تحياتي لك

[العقـــــد]

صحت السنتكم

وبدع رائع من شاعر رائع
ورد رائع من شاعر رائع