فاتورة الجوال

[فهد العروبة]

انا ماذبحنــــــى غير فاتورة الجوال
وكـفى على ماغير اتحـــــــــــــراهـــا
يسجل عـليـنا بـــــــالثوانى ريال ريال
ويجمع علينا حسبـة ماهـــــــقـــيناها
على الراتب المقطوع والله عليم الحال
عسى الله يهونها علينا ونقواهـــــــا
انا وغيرى اللى حدهم داعى الترحال
ضرورة ولعيون الضرورة ركبناهـــا
وذا قلت ياخوفــــــــــى يقولون يارجال
ابد لاتغالا حاجتك وانت تلقاهـــــــا
واناحاجتى باسعـــــارها ماعرفت احتال
نخفض من استهلاكنا ومخفضناهــــا
ترى كل هالابراج يصرف عليها اموال
تكلف ملايـــــــــين الملايين ببناهـــا
ولاتحسب ان المسالـــــة بس خذ فنجال
تكلم وتاخذ سيـــــرة الهرج مجراها
يسجل كلامك بالفواتير وانــــــت اشتال
وخالف نصيحة واحد ذاق مصطــاها

[سعودي جنوبي]

الحبيب فهد العروبة
قصيدة جزلة وأتت من جزل فلك خالص تحياتي

["الناقد"]

صح لسان من قالها


والفواتير لعبت في العالم

الله يعين كل واحد على بلواه

ودمتم بخير

[أبو عابد]

صح لسانك ملايين

قصديدة رائعة من شاعر رائع ..... وهي تحكي الواقع فعلاً

مشكور يا أخي العزيز وننتظر جديدك

أخوكـ ـ ـ ـأبو عابد

[غرمان بن عزيز]

انا ماذبحنــــــى غير فاتورة الجوال
وكـفى على ماغير اتحـــــــــــــراهـــا
يسجل عـليـنا بـــــــالثوانى ريال ريال
ويجمع علينا حسبـة ماهـــــــقـــيناها
على الراتب المقطوع والله عليم الحال
عسى الله يهونها علينا ونقواهـــــــا
انا وغيرى اللى حدهم داعى الترحال
ضرورة ولعيون الضرورة ركبناهـــا
وذا قلت ياخوفــــــــــى يقولون يارجال
ابد لاتغالا حاجتك وانت تلقاهـــــــا
واناحاجتى باسعـــــارها ماعرفت احتال
نخفض من استهلاكنا ومخفضناهــــا
ترى كل هالابراج يصرف عليها اموال
تكلف ملايـــــــــين الملايين ببناهـــا
ولاتحسب ان المسالـــــة بس خذ فنجال
تكلم وتاخذ سيـــــرة الهرج مجراها
يسجل كلامك بالفواتير وانــــــت اشتال
وخالف نصيحة واحد ذاق مصطــاها

هذه القصيده للشاعر عبدالرحمن المدلج يا فهد العروبه وانا رديت عليه وهاك الرد


طلبناك يارحمن في مبتدأ الأقــــــوال =إله وضع للشمس موعد لمجـــــــــراها

تثبت مناطقنا وتصلح لنا الأعمــــــــال =وتجعل لنا آياتك سبيل ونقـــــــــراها

وهذا الزمان يجيك جيل ويفنى أجيال =وتكثر مطاليب النشاما وملهـــــــــاها

ولكن يالعاقل توثق بخير حبـــــــــال =وخير النصائح لا يكون يوم تعصــــاها

فلوسك حذاري لايولي بعا الدجـــــال =تقدم له الخدمه وفي الحين ينســـــاها

وبالهاتف الجوال أرجوك لا تختـــــال=ترى فكرة الجوال قبلك عرفنــــــاها

وهذي طبيعه في البشر صعبة تنـزال = وصعبه على راعي الثقافه يتعــــداها

نصيحه سمعناها لفت من وسيع البال = يغير مواقعها ولا عرف معنــــــــــاها

ولا يدري ان الزير ما جاء به الطــبـال =يكون بعد ما طبل على صوت مغنـاها

[أبو عابد]

صح لسانك يابن عزيز وصح لسان عبد الرحمن المدلج

أبدعتما في هاتين الدرتين

ويشكر الأخ العزيز فهد العروبه على نقله المميز

ولكن نرغب من الجميع في حالة نقل أي موضوع أن يكتب في أخره

منقــــــــول

تقبلو مني خالص الود والتقدير

[سعودي جنوبي]

الشاعر الكبير غرمان بن عزيز
أشكر حضورك المشرّف
وكذلك أشكر لك هذا التوضيح لقائل القصيدة ونقدّر لك هذا الرد الذي فاق البدع
لك وللجميع أتمنى دوام التوفيق

[بيت القصيد]

و الله قصيده على الجرح و الله يا رجاجيل ان المكافئه تروح في الجوال و اذا قلنا شي قالوا ازم يدك ازم يدك الى متى و بعدين كلها مكالمتين في الشهر و حده ل مرعي الحمراني و حده ل ابو ريان و تصك الفاتوره الف ريااال كلام هذا بالله عليكم.

على العموم الله يعطيكم جميعا العافية و قصة دراميه محبوكه.

بيت القصيد