إذكر ثلاثه من عيوبك .. وبكل جرائه.. !

[قمراااي]

http://www.w6w.net/album/35/w6w_w6w_200504240515512167afc4.gif



ماهي عيوبك ..؟!


طبعاً مافي إنسان كامل ومافيه عيوب ..


وأظن ان اعترافك بعيوبك هو


اول خطوه لاصلاحها ..

ما ابي حد يقول طيب ولا صداااق..لا انا اقصد العيوب العيوب..!!!
يعني مثلا"

انا عيبي الاول...نساااااااااااايه..
لدرجه ان بعض الصلوات ما اتذكر اصليها الا اخر الليل..
طبعا مو عذر اكيد بس والله شي ما احد يقدر يتخيله.. نسيان غريب

ثاني عيب...
اذا صار احد يتكلم بموضوع مهم اقوم امشي واخليه يتكلم لحاله
ادري مالي داعي بس والله غصب عني اذا ما عجبني الكلام افضل اني امشي احسن..

ثالث عيب..
ديني ودين احد يجي يقولي نصيحه...يعني يخصني انا
بعض الاحيان تكون النصيحه دينيه لكن ازعل ليه ما ادري... ابي اكون انا اللي اعرف اخطائي بدون حد ما يقولها لي..

ادري فضحت نفسي لكن ...

االاعتراف فضيله..


من الجريء الشجاع اللي يبدأ ...





أتمنى من الكل الصراحه

[محمد العمري]

من الجريء الشجاع اللي يبدأ ...

مــو أنــا :qlbe3: ...

وتري ما عندي عيوووووب أبداً أبداً أبداً....<<<< :qmbsqm:

لا نمزح ...

الحقيقة ..أنه لا يوجد شخص على وجه الأرض خالي من العيوب ...

ولكن عيوب تفرق عن عيوب ... ولديّ عيوب ...ليست جديرة بالذكر ...

أو بالأصح ... عادية ... قد تكون في أي إنسان ...

وللمعلومية هناك موضوع شبيه لموضوعك ...

وهو لأختنا العناااا ... >> >> نقطة ضعفي ...! (http://www.baniamro.com/vb/showthread.php?t=20541)

لا تحرمينا قلمك الثمين ... ولا تحرمينا إطلالتك البهيّة ...

تقبلي مني خالص التحيّة ...

والسلام عليكم ...

[ذات الشان]

ولو ان ما احد تجرا وقال شي
بس انا بقول
اول واكبر عيب عندي اني ما اكمل شغله يعني مثلا لو كنت اكتب ووقفت خلاص ما ارجع له مره ثانيه وقيسي على كذا كل شغله اهم شي لا يقاطعني احد
ثاني عيب
اني اذا حطيت في راسي شي ابسويه لازم اسويه لو اش يصير
ثالث عيب
ان اللي اطلب منه طلب لا يقول لي لا ولو قال لا ما اقنعه خلاص تطيب نفسي من ذا الطلب حتى لو جاني اكون كرهته ولا ابغاه

طبايع اعرف انها شينه بس هذي انا وش اسوي
قمرااي

الله لا يفضحنا
وماقصرتي

[حسن آل مسفر]

موضوع حلو اختي قمراي

العيوب عندي واجد بس ابعطيك ثلاثه منها على حد طلبك

اول عيوبي


اني باااااااااااااااااااااااااااااارد الى ابعد درجه حتى فيه امور مفروض اكون حازم فيها اتعامل معها ببرود تام


والثاني

اني كثير النسيان ويمكن هذا العيب يرجع لعدم المبالاه بالامور


والثالث

اني كسول الى درجة الزواله :biggrin:


هذا اللي عندي

مودتي للجميع

[سعيد بن عبدالله]

لا أحد يحب أن يتكلم عن عيوبة

ولو تكلم عن عيوبة

ما يعطيك العيوب الي يشوفها عيوب

لان كل إنسان بطبيعتة ما يشوف إن فيه عيب

وإذا شاف يحاول ما يعرفها أحد

[عذب السجايا]

ذات الشان عيوبك الثاني والثالث متضادان .....فكي بينهم

انا اولا.................عجل ولا اعرف الركاااادة

ثانيا...............اتمتع بكمية من الصمت تكفي بلد

ثالثا...............كسووووول اكثر من حسن ال مسفر


رابعا...... الاخ سعيد بن عبدالله عادي جدا قال الشافعي

كفا بالمرء فخرا ان تعد معائبه

[ذات الشان]

ابو غلا
الصمت ميزه في بعض الاحيان لكن انه يكون يكفي بلد فهو بصراحه مصيبه على اللي يقعد معك يقعد يهذري الين يتعب وانت ساكت
كارثه 00
المهم
اللي قلته مابينهم تضاد
انا ما اكمل شغله مثلا رسمه ارسمها واوصل فيها مراحل بعيده لو توقفت عنها ماعاد ارجع لها
كتابه 000شغله يدويه مثلا واشياء من هذا القبيل
اما الثانيه فهي اذا طلع براسي اني اسوي شي صعب ومستحيل اسويه احب التحدي يعني وبس هذي هي
وسلامتك

[عذب السجايا]

ابو غلا
الصمت ميزه في بعض الاحيان لكن انه يكون يكفي بلد فهو بصراحه مصيبه على اللي يقعد معك يقعد يهذري الين يتعب وانت ساكت
كارثه 00
المهم
اللي قلته مابينهم تضاد
انا ما اكمل شغله مثلا رسمه ارسمها واوصل فيها مراحل بعيده لو توقفت عنها ماعاد ارجع لها
كتابه 000شغله يدويه مثلا واشياء من هذا القبيل
اما الثانيه فهي اذا طلع براسي اني اسوي شي صعب ومستحيل اسويه احب التحدي يعني وبس هذي هي
وسلامتك

انا قلت الثاني والثالث مو الاول ....شكل عندك عيب جديد ماتركزين ..........حياك

[ذات الشان]

يالله كشفت لي عيب جديد وهو الاستعجال
طيب وحتى الثاني والثالث مابينهم تضاد
لوطلبت من احد طلب ما احب انه يقول لي لا وهذا في الطلبات البسيطه مثل مشوار فلوس زياره لاني ما اطلبه الا وانا عارفه اني احتاجه فليش يرفض هنا تمنعني نفسي اني اكرر الطلب وخلاص ماعاد ابغاه
وذي تفرق عن التحدي مالها علاقه 00

ابو غلا خلني في حالي تكفى 000

[قمراااي]

اخوي محمد اولا" حياااك..
ثانيا..
مافي حد ما عنده عيبوب..
ياليت قلتلنا شي منها..
ثالثا..
موضوعي يختلف اختلاف كلي عن موضوع الاخت العناا..وانت قلتها نقطة ضعفي ..
يعني شي يستغله الناس فيني..
لكن انا اطالب بالعيوب.. يعني شي تكرهه الناس فيك...
الف شكر اخوي محمد لمرورك..
لو تجرات كان سميتك بطل..

يعطيك العافيه

[عذب السجايا]

الله يسعدك ويريح بالك ........كله من باب النقاش معك وهذي اول مرة و........

[قمراااي]

تصدقين ياذات الشان...
والله كنك تتكلمين عني..
عندي نفس عيوبك بس كنت افكرها طبع عادي.. يعني محد يزعل منه...
وانا اقوووول ليش اذا طلبت شي كلهم يهربون...
يصير خير..
...
مشكووره اختي لمرورك..

[قمراااي]

اخوي حسن..
..
والله مشكلة البرود مشكله..يعني كل العيوب تهون الا البرود..
يعني الله يعين اللي يطلب منك شي
ههههههههه

اما بالنسبه للنسيان والزوااله..
عادي... الله يعينك..
مشكور اخوي

[ذات الشان]

ابو غلا

معليش مو قصدي
لكن ترى اكتشفت الحين وانا اكتب اني اقدر اعدد عشره عيوب بالراحه
واحد منها اني ازعل بسرعها واخربها واندم اسرع
وهذا اللي حصل معك
فالعذر والسموحه
ودمت في خير

[قمراااي]

اخوي ابو غلا..
عاد اللي يحرق بنفسه.. على قولة جدتي.. ما بيقعد عليه لحم...
يعني اكيد انك عظمه...
خخخخخخخخ

اما الصمت...من جد انه شي يقلقني..
يعني انا ما احب الي يجلس معي ولا كنه معي..
اعاااني بجد.. تخيل البيت فيه.. كم نسمه.. وكن ما فيه احد..
....
الله يعين بس..
مشكوووووووور اخوي لمرورك.

[قمراااي]

اخوي سعيد...
والله كنت افكر انك اول واحد بيذكر عيوبه..
يعني فكرتك جرئ..
بس انا طلعتلك عيب...
تدري وشو..
انك ما تبي عيوبك حد يعرفها..
يعني شايف نفسك
خخخخخخخ

مشكووور اخوي لمرورك

[قمراااي]

وبعدين الاثنين القلق..
ذات الشان وابو غلا..
...
كيف الحال وش الاخبااااار..
لا اقلبوهااا.. شات احسن...
اقولكم شي..
انتوا كمان طلعت فيكم عيوب جديده..

قلق..
الله يقلقكم.. كل ما جيت ارد اللقاكم يا فوق يا تحت..
.......
هيا بلا زعل ..
ما دام اعتذرتوا لبعض..
فالحمد لله...

[عذب السجايا]

وانتي فيك قمرااااي عيب جديد ماتحبين القلق..............حلوه

[قمراااي]

من اللي يحب القلق...
على العموم الف شكر لك اخوي لتعليقاتك وردودك وروحك السمحه..

يعطيك العافيه

[سعيد بن عبدالله]

قمراي

اللي ما يعرفك يجهلك

صح

[العناااا]

1- تعلقي السريييييع بالناس .. فأحزن وأتدمر نفسياً أحياناً لفراقهم ..
ولا أستطيع التخلص تماماً من ذكراهم ..


2- أألف الناس بسرعة .. فأنطلق في الحديث .. فيفهمني البعض بشكل خاطيء !!!
لا أتنبه أن من حولي ليسوا مثلي بالطبع ..
فيصيبني الحزن لأنني بسبب تعلقي بهم أنتظر منهم أشياء كثيرة أعطيها ..
ولا أجدها منهم بالمقابل .. !!


3- عااااااااااااااااطفية زيادة عن اللزوم !!
والعاطفة أحياناً تجعل أعصابكِ ضعيفة لأنكِ تنصدمين دوماً بالواقع المرير ..


هناك عيب آخر أيضاً ... ولكنهُ عيب " أحبه " ..... جداً ... !!

وهو ...

إعجابي الشديد بروحك الجميلة النقية التي تظهر بوضوح خلال أحاديثك ..

فتجعلينني أقرأ كل حرف لكِ .. وأفاجيء أن الوقت مرّ سريعاً

في البحث عن مواضيع قمراااي !:smile:

شكراً لقلبك الطيب العذب يا قمراي الرائعة ..

أرق التحاياااا لكِ http://members.lycos.co.uk/qetharah/up/up/i.gif

[قمراااي]

اخوي سعيد ...
لا تزعل علي...
واكيد يقولك اللي ما يعرف للصقر يشويه...
بس شكلك صقر منتهي الصلاحيه
هههههههه

انا والله كنت امزح معك ...
وانشاء الله ما بقلبك علي شي...
مشكور خيوووو

[قمراااي]

الف شكر لك العنااا...
احرجتيني ما بغيت ارد...
عموما... الاعجاب متبادل ..لاني ارى فيك صدق المشاعر الصادره من قلبك..
.............
وبالنسبه لعيوبك...
فتلك عيوب كل من كان صادق الاحساس الذي يعطي ولا ينتظر الرد...
لكنه ينتظر تقدير لذلك العطاء الا محدود...
كثيرون اختي من يخلصون فلا يجدون طريق للوفاء الا من قله..
فابقي كما انتي ولا تندمي على اخلاقك الطيبه...
لان من سيفقدك هو من سيندم عليك...

لك خالص الحب والاحترام...

[الـ غ ـالي]

قمرااي

اشكرك علي موضوعك اول شي:qlbe3:

يالله نبدإ بالعيووب والله يستر من تعليقااتكم :qlbe3:

1- عدم الامبالاهـ في اشيااء كثيره يعني الدعووه علي قوولة وآحد من الشباب جمعه

2- النرفزه عندما شخص يحدثني في شي ماهو واثق واعلمه الصح ويقوول لا ويصر علي رايه اعطيه المقسووم وامشي :biggrin:

3- اسلووب مع الدكااتره ماهو حلوو مره بعضهم رابع مره ادرس عنده نفس المااده وكنهم هم الخسرانين مو انا :36_1_37[1

كان ودي اطوول لاني باعدد عيووب الي بكره

تحياتي..

[بيت القصيد]

قمراااي تدرين و الله العظيم نفس عيووووب العناااا الا العيب الرابع >>>>>>>>:qlbe3: .

امزح و الله لا تاخذين على خااطرك لكن بالفعل نفس عيوب العنااا.

ومحمد العمري مسوي نفسه ملاك هاااه............

اشكرك على الموضوع الاكثر من رائع..................
بيت القصيد

[أبو مانع]

شكراً أختي قمراااااي

على هذا الموضوع الرائع فعلاً
فمن يستطيع إعلان عيوبه فسوف
يستطيع تداركها ..
أما عيوبي فكثييييييييييييييييييييييييره >>>>>>>>> عدي وأغلطي
أهمها !!!
أحياناً حساس أكثر من اللازم
صررررررررريح مرررررررره
أحب أقعد لوحدي في الغالب

قمراااي مالهااا داعي الاحراجاات لووووووووووول

يسلمووووووووو على الموضوع

[قمراااي]

الـــ غ ــالي......

اول مشكور لمرورك الكريم...
ثانيا...انا ضحكني العيب الثاني لاني نفس المعااااناه... حاسه فيك والله..
كنت احكي لعمتي خبر وفاة الحرير..
قلتلها... ياعمه الحقي يقولون رفيق الحريري مااااااات..
قاااالت... اهاااااااااه... منهو رفيقه...
قلت...لالا .. اسمه رفيق..
قالت لا اني سمعتها بالاخبار يقولون انه رفيقه ما هو هو..
يااااعمه تكفين ... طيب اسمعيني..
رفضت تسمع كلامي.... واسمعها تقول لوحده جنبها..
اقول اشوى يوم سلم هو!!!!

شي يرفع الضغط....

[قمراااي]

بيت القصيد
شكلك ما فيك حيل تكتب قلت نفس عيوب العناااا..
بس يالله.. اجل اقرا ردي لها هوه نفسه لك..
خخخخخخخخ
مافيني اكتب...!!

الف شكر لك لمرورك..

[قمراااي]

ابو مانع...
والله انت حالتك مستعصيه شوي..
حساس قلت يالله..عديهااا
صريح...زينه الصراحه.. مشيهاااا
اما تقعد لحالك ذي...!!!
ما ابي اتفلسف عليك بس بجد.. ترى اللي يجلس لحاله كثير يصير اناني..
لانه ما عاد يفكر في شي.. يفكر بنفسه وحياته..ويصير انطوائي<<<<<< معاك الدكتوره قمراااااااي
بجد اللحين .. في وحده اعرفها مثلك ماتحب تجلس مع احد عشان كذا.. صارت اذا جات ولا راحت.. ما يهم..
فلا توصل لهذي المرحله ابد..
وتدارك نفسك من اللحين...

وانا اللي شاكره لك تواصلك الدائم لمواضيعي..
يعطيك الف عافيه