محاااااااااااوره .. والقريب يقلط

[المهاجر07]

ياسلام الله عليكم من شعورن صافي = يدفعه هاجوس للملعب وهو مارده
ودنا نلعب سوا يالطيبين بقافي = وكل شاعر ينتبه لجاء يعد العده




المهاجر

[طالب القرب]

أتمنى والله أعرف أجيب قصيدة رد .. لكن ما أعرف !!

ممكن أرد بأبيات خارجية ... هذا اللي أقدر علية ..

عموماً يعطيك العافية أخوي على البيت ..

وبالتوفيق لك ..

[سعيد بن عبدالله]

جيته وأنا ساعي وأمشي حافي = روحي وقلبي يا مهاجر عنده
مشتاق له حيل ولاني جافي = أخاف من دمعة بيجرح خده

[المهاجر07]

أتمنى والله أعرف أجيب قصيدة رد .. لكن ما أعرف !!

ممكن أرد بأبيات خارجية ... هذا اللي أقدر علية ..

عموماً يعطيك العافية أخوي على البيت ..

وبالتوفيق لك ..

حياااك ياطالب القرب ...
مرورك يكفي لاعدمتك ..
والرد لابد ان يكون على نفس الوزن والقافيه كما هي المحاورت وسلوم العرب هههههههه

رعاك الله ..

[المهاجر07]

جيته وأنا ساعي وأمشي حافي = روحي وقلبي يا مهاجر عنده
مشتاق له حيل ولاني جافي = أخاف من دمعة بيجرح خده




مرحبا بك ياسعيد وماعليك خلافي = الهوى طبعه كذا والظرف يمكن حده
بنصحك ولا أنت ماتحتاج يالعرافي = لاهمل حبل الوصل خِلك عليك تشده



مرحبااا بك ياسعيد .. وأنتبه للوزن عسيني عيدك

[سعيد بن عبدالله]

حكي-ن- بقلبي يا المهاجر خافي = ما باح سره لو يطول علينا صده
ما خنت حبه والله إني وافي = لكن بعض الحب زوده يوصل حده

[المهاجر07]

ياسعيد اللي تحبه كان ماينشافي = أعط مرسول الغرام رسالتك في يده
وقله إنك تشتكي محتاج للأنصافي = وإن حكم لك فالوكاد إن الغلا ماهده


ياسعيد الوزن انتبه له ..


والشعار ماشوفهم .. المعذور ونقش خالد والمسكت ..
كل من له شف .. حياااه الله . يقلط .

[المعذووور]

لعيونك ولو أني على عجالة من أمري



ياسلام يالمهاجر بيرق رفافي=ياعريق في النسب خاله وجده

أكتب اشعاري وانامستعجل وقافي=لأجل عينك فأقبله مزحه وجده

[المهاجر07]

مرحبا ياشيخ وأصلك شاعرن وسنافي = مرحبا بك من هنااا لين البحر في جده
واحذر العجله تراها عَلت المتعافي = لاتجي عجلن وشطرك مثل شطري مده


مرحبااااااااا مليون يالمعذور .. وتسلم لي عيونك والله ..

[المسكت]

ارحب فيكم جميعاً
وهلا وغلا فيك المهاجر
مشكلتك تهاجر وتبطي
لكن خلها وكر لك المحاوره ذي:S_32:
اصيدك هنا كلما ضيعتك:qlbe3:

مودتي لك وكلك ذوق
وللجميع تقديري


نشرب الدله وجانا للمبيض كافي=وين بنك ياليمن مخلوط ولا أش قده!
يالمهاجر أنت ويا سعيد وين الشافي=دام للمعذور عذره للمشاعر عِده

المسكت

[حسن آل مسفر]

اخوي الشاعر الرائع المهاجر

السلام عليكم



الحقيقه اني شفت بدايتك امس وكنت ناوي ارد بس يوم شفت اخوي سعيد دخل قلت خلاص ما عاد لي مكان لان اللي اعرفه ان المحاورة بين اثنين ويوم دخلت اليوم لقيت الربع كلهم موجودين قلت اجل حشر مع الناس عيد :)

وهذي ابياتي وعساي اوفي معك واستمر :)


مرحبا واهلاً هلا في مطلقاً وسنافي=
=مد لي بالطيب واقبل من فؤادي نده

بالثقايل ترتكي لي والخفاف خفافي=
=وانتبه تلعب معي بالهجمه المرتده

مودتي لك وللجميع

[المسكت]

أسعد من جاء اخوي حسن ال مسفر:S_32:
المهاجر ماعليك به انا كفيله:qlbe3:
حبيبي يالمهاجر


يالله إني طالبك ياكافي(ن) ومعافي=دلنا درب السعد والشر عنا حِـده
مرحبا وأهلين للي لافي(ن) وملافي=لـو بغانا إنشكل الترحيب زدنا شده

[المعذووور]

دام راسي يالمهاجر شامخ باكتافي=ما تحنحن دام لي شده ومده

خايف لايغرقك بحري وموجه طافي=أحترس لايجذبك جزره ومده

[المسكت]

كيف وإن الفوز جاء بحلافي =والحكم حطوه لي بوزنده
بين لاف وبين معنى لافي=هجمة(ن) في داخلي مرتده

[سعيد بن عبدالله]

حياك يا حسن الكريم الوافي = يا مزن نسمع في سمانا رعده
حياك من قلب-ن- صدوق-ن- صافي = يشعل خفوقي من قصيدك زنده

[سيــف العرب]

صــحــيــتـــوا يا شعـــارنـــا

المهاجر07

الله يعطيـــك العافيه على البدايـة الطيبه ولا يهونون بيقة الشعار

ولـــــــــــــو اننا تمنينا تكون المحاوره بين اثنين

لأن وبصراحــه المحاوره بهالشكل عليها ملاحظات

تابعوا تابعوا
وعلى القوه ان شاء الله

تقبلوا خالص الود

[المهاجر07]

سعيد بن عبد الله
المعذور
المسكت
حسن آل مسفر
سيف العرب

حياااااااااااااااكم الرحمن .. والله لايهينكم ..
ولكن مثل منتوا شايفين الأمور ماهي لمثل ماتوقعنا لها ..
والمحاوره بين اثنين .. لذلك أنا بختار قبيلي بدون قصور في الباقين ..
وان ختمناا فماعندي مانع نبدا من جديد مع أي واحد منكم يالشعار ..

[المهاجر07]

اخوي الشاعر الرائع المهاجر

السلام عليكم



الحقيقه اني شفت بدايتك امس وكنت ناوي ارد بس يوم شفت اخوي سعيد دخل قلت خلاص ما عاد لي مكان لان اللي اعرفه ان المحاورة بين اثنين ويوم دخلت اليوم لقيت الربع كلهم موجودين قلت اجل حشر مع الناس عيد :)

وهذي ابياتي وعساي اوفي معك واستمر :)


مرحبا واهلاً هلا في مطلقاً وسنافي=
=مد لي بالطيب واقبل من فؤادي نده

بالثقايل ترتكي لي والخفاف خفافي=
=وانتبه تلعب معي بالهجمه المرتده

مودتي لك وللجميع



مرحبا ياشاعرن لاجاء يفز الغافي = ماقفك قد الكلام وماتقوله قده
إن بغيت إنك تقهوى ياهلا يالافي = قهوتي تاتي على ماتشتهي وتوده

مرحبااا مليوووون ياحسن .. وأنت واافي ماعليك قصور يالغالي ..
حياااك الله ..

[حسن آل مسفر]

اخوي الغالي الشاعر الرائع المهاجر

مشكور على اختيارك لي يابعدي ومحاورتك تشرفني يالغالي

والف شكر للاخوان المسكت وسعيد على ترحيبهم فيني ويعلم الله اني سعدت فيكم وتشرفت بمعرفتكم عن قرب وعقبال ما اشوف حبيب قلبي المهاجر واتشرف فيه والله




اسلم اسلم يالمهاجر وانت شوفك كافي=

=هات فنجال الغلا سلمت يد اللي مده
.
.
اعطني علم الهوى يوم الهوى شفافي=

=وافتني في مهرة ٍ لها قلوب ٍ عده

[المهاجر07]

الله يحيك أخوي حسن ..والشرف لي طال عمرك ..
وأتشرف بمعرفتك يعلم الله ..



الهوى يذبح ويلعن خامس المتعافي = بس ياحلو اللقا بعد العناا والكده
والحبيب اللي يلفلف وأتعب اللفافي = ياحسن نعرف دروبه لاعرفنا قصده

[سيــف العرب]

لـــلـــه دركـــــــــــــــم

ولاهنتوا على كـــل حـــال

محاورة قويــــه وجيدهـ

المهاجر وحسن آل مسفر

من عمالقة شعراءالمنتدى

ولا من قصور في بقية شعارنـــا

واصلوا واصلوا وسجلونا متابعين

تقبلوا خالص الود

[حسن آل مسفر]

اخوي الغالي سيف العرب

مشكور على المتابعة وعلى التشجيع اللي اتشرف فيه والله


تقبل مودتي يابعدي

[حسن آل مسفر]

المهاجر يابعدي

استلم لاهنت


صادق ٍ والله صادق يالرفيق الوافي=
=ايه يازين التلاقي عقب طول الصده
.
بس اظن الوقت روح والسنين عجافي=
=والمعايير القويمة للهوى منهده

[المهاجر07]

سلمت ولاهنت ..
والمعذره على التأخير .. لكن كاشتين انا وشباب وهذا رجعتي ..


ذا الزمن ياصاحبي صار الهوى أحترافي = يحسبونه لعبةٍ ومجنبين القده
والمصيبه صنفوه وكثروا الأصنافي = والهوى مبداه واحد والأوادم ضده

[نقش خالد]

الله يعطيهم العافية



ولي عوووودة

[نقش خالد]

.
جيت يا مهاجر بقول ابيات عـ الوقافي = حيل مستعجل ولكن لازم ان لي ردة
.
العرب تصطاف شهر ٍ وانا عام اصطافي = من يلومه واحد ٍ ساكن مدينة جدة
.

[حسن آل مسفر]

نقش خالد

هلا ابو راكان ومتابعتك شرف لنا يالغالي

مودتي

[حسن آل مسفر]

استلم لاهنت يالمهاجر ومعذور يابعدي وانت بعد اعذرني على تأخري


المحبه وارده لكن بخلف خلافي=
=كل ما قلنا بتضبط اصبحت مشتده
.
ما تهيا للمواجع غير قلب ٍ غافي=
=يحسب انه واعي ٍ والحب يلعن جده

[حسن آل مسفر]

رد لابو راكان :smile:


من يلوم اللي بجده حتى لو هو حافي=
=يعتبر كنه ملك كل الحياة بيده
.
يفترش ارض العروسه والسماء ملحافي=
=والبحر عطر المكان اللي يفوح بـ نده

[بيت القصيد]

الله حي اصحابنا الشعار الكبار...........

عموما على ما قال اخوي سيف العرب المحاوره كذا لك عليها و لذلك نبي شاعرين و بعدهم شاعرين و هكذا لين الله يفرجه و ترجعون ل النظم:qlbe3:...............

الان نترككم مع الشاعرين الكبيرين المهاجر07 و حسن ال مسفر مع تمنياتي لكم بقضاء و قتا ممتعا في ميدان المحاوره و هاه يا البقيه خلوكم متابعين و فكونا من الرطرطه كل شوي و في نفس الوقت خلوكم حكام بدون تحيز...............
بيت القصيد

[نقش خالد]

هلا وغلا

بيت القصيد خلك هنااا ولا تغيب

مشكورين الشباب الشعراء على المجهود الحلو والكلام الرائع

وهذي مشاركة بسيطة


.
كل شي في جدة اغرف بس بالمغرافي = خير والا غير كان بطيب والا شدة
.
رزق تتمناه ويجلك على الخطافي = ورزق تتحاشاه وتلاقيه عند السدة (1)
.

السدة* للي ما يعرفها باب البيت

.

[المهاجر07]

استلم لاهنت يالمهاجر ومعذور يابعدي وانت بعد اعذرني على تأخري


المحبه وارده لكن بخلف خلافي=
=كل ما قلنا بتضبط اصبحت مشتده
.
ما تهيا للمواجع غير قلب ٍ غافي=
=يحسب انه واعي ٍ والحب يلعن جده


سلمت ولاهنت ومعذور والنتيجه واحد واحد هههههههههه
والبلنتي عندي وأستلم ..


ياحسن ليل الهوى لوكان ماهو دافي = مالقيت من البشر جمعٍ غفيرٍ عنده
الهوى مثل المطر لاجاء غزير وسافي = من فتح بابه غرق ماينفعه لو رده

[المهاجر07]

نقش خالد ..
الله يشرف مقدارك يالغالي ..

مشكور ولاهنت ..
والمحاوره بيني وبين ابو شهد .. نخلص وتقابلوا بعدها ولا نتقابل انا وانت ولا اللي تبغاه ..



بيت القصيد
مرحبااااا بك .. والله لايهينك ..
وانت قاضينااا ..
وإن ختمنااا نبي اثنين جدد ..
نقش خالد واحد منهم .. والثاني الله يجيبه ..

[المعذووور]

يعطيكم العافيه 0000000000 وياعيني على هيك أسلوب

أنا لازلت على المدرج لم يؤذن لي بالهبوط حتى الأن000000

يسعدني أن أكون مع نقش خالد ليس خصماً أنما لفتح باب من البوح الصريح وأتمنى تغيير القافيه لمن يبدأ بين أي شاعرين جدد

سلممممممممممممممممممممممممممولي على بيت القصيد

[حسن آل مسفر]

بيت القصيد ونقش خالد والمعذووووور

نتشرف بمتابعتكم والله

مودتي

[حسن آل مسفر]

هلا بك يابعد راسي يالمهاجر

ابد متعادلين واحد واحد يالغالي

استلم لاهنت


يالمهاجر ذبحت الرجال بالاسرافي=
=مخطرن لا يفضح المحبوب يومٍ سده
.
يخبر انه التمس من شاف نوره طافي=
=وانتكس لين المطوع قام يقرا ورده

[نقش خالد]

سامحوني على اللقافة

الله يعطيكم العافية

بصراحة انا ما كنت فاهم الموضوع لاني داخل على اخر صفحة

عموما انا قاعد استمتع بالبدع والرد من المهاجر وابو شهد

واشكر المعذورررر على دعوته لي وانا جاهز بس عطوني رسالة خاصة وتلقون بدعي جاهز او ردي لو بدع المعذوووور


لكم كل الحب والمتابعة

نقش خالد

[المهاجر07]

خلها ياذيب والله لو على الأحلافي = يالهوى انه معضله لو طال فيه المده
النهايه واضحه ومغلفه بغلافي = دامها ماهي على المله تجي مسوده

صحححح لسااااااااانك ولاهنت يالغالي ..
ابدعت وماقصرت .. تشرفت بمحاورتك العالم الله .

اختمها وبعدها نسلم المكرفون للأخوان : المعذور ونقش خالد .
.

[نقش خالد]

صح لسانكم ويعطيكم العافية

ابدعتوا والله

ويشرفني اني انضم معكم هنااا انا واخوي المعذوررررر

البدع

.
حياه المعذورررر ياجعله معي عالقوووة = شاعر ٍ لو يعتذر عـ الشعر عذره واهي
.
اقلط اشرب من دلل الشعر عندي قهوه = وكان في صدرك ’’ حموضة ’’ اشرب من الشاهي
.

يعطيكم العافية وفي انتظار المعذورررر

[المعذووور]

الله يعطي من سبقونا العافيه والله لايهينهم


و أهلاً بالخصم الحبيب


أولا أود رفع التكاليف 00000 ومن الأن لاتعرفني ولا أعرفك والقلوب صحاح حتى ننتهي من المحاوره

وكل ما يطري ببالك قوله ولايردك الحيا0000 ولكن ترى الشعر مشاعر فأتمنى أن تسمو بنا كعاداتك الى الذوق الرفيع

وأطلب السما ح لو تعديت معاك حدودي0000000000



البدع

مرحباً ياشاعر للطيب والنخوه 0000000000 نقش خالد كالقمر في ليلنا زاهي

كم تضيع خاتمك وتقول لي سهوه00000000 طول عمرك ياصحيبي ساهي لاهي

[نقش خالد]

هلا بالغالي المعذوررر

ولا يهمك يا شيخ رووووح وانا معك

قايلك تبي قهوه فيه تبي شاهي فيه <<< ما وصلت الرسالة


صاحبك لاناموا السالين يقدح ضوه = اتذكر صاحب ٍ يجرح بطرف ٍ ساهي
.
راح له كم عام واحسبه ماشي توه = وما كأني شايف ٍ فالكون هذا الا هي

[المعذووور]

أستـــــــــــــــــــــــــــــــــــلم وبعدهاسلّـــــــــــــــــــــــــــــــــــــم


زادت الزلات وأحسب زلتك هفوه00000 مادريت أنك بزلاتك تبي تباهي

دلتك مليانة هيل مع نخوه00000000 ما تعرفون الدلال الصفر يالطاهي

[بيت القصيد]

ايه خلوها........

هذا الحسي>>>>>الحكي

اشكر الشاعرين المهاجر 07 و حسن ال مسفر على الابيات التي توزن بالذهب و استمتع بها الجميع و اقولهم ترى ما انتهت الجوله و احتروا السرى يلف يعني لا تبعدون.


لا لا نقش خالد و المعذووووور و الله نجوم من نجوم الشعر.
لكن اشوفهم شايلين التكاليف من بدري الله يستر.
على القوه و ترانا متابعين و نبي جلد>>>>>>> يعني مو جلد جلد.
بيت القصيد

[نقش خالد]

انتبه للوزن يالمعذوررر ما انت بــ جوه = مَـر تبخل في حروووفك لي ومَـر ٍ راهي
.
وكان ثوبي في عيونك أغبر ٍ ومشوه = هات ثوبك بالبسه مادام لونه باهي

هلا بالشاعر بيت القصيد

والمحاورة هنا حامية واتفقت ان والمعذور نشيل الكلافة ونبيع الرفقة حالياًً

المعذورررر هات ردك

[المهاجر07]

ويعطيكم ألف عااااااااافيه ..

اييييييه هذا الكلام الزين ..

عالقوه عالقوه ..


المعذوووور انتبه عيدك .. وشد حزاااااااامك
نقش خالد ... الترصيص عندك مزبووط .. لكن انتبه من المطبات والحفر ههههههه



متابعييييييين للأخر

[المعذووور]

هيه أنت ياللي أسمك نقش حنا أسف نقش خالد0000 شكراً للتنبيه

ولكن صدقني أنها غلطات مطبعيه ولا أنتبه إلا بعد فوت الاوان

ولقد لاحظة المطبات ولاكن ماحبيت ألفت لها الأنظار

شككككككككككككككككككككككككراً يالمهاجر

بيت القصيد روووووووووووووووووووووووووحي فيك


أستلم



أنا مثلك يالغظنفرلي زئير وسطوه=ماحدٍ يلوي ذراعي ويسْكت فاهي

أشتري يانقش بشت وتشتري لك غطوه=مامعك مصروف تدخل للملاهي

[المعذووور]

هيه أنت ياللي أسمك نقش حنا أسف نقش خالد0000 شكراً للتنبيه

ولكن صدقني أنها غلطات مطبعيه ولا أنتبه إلا بعد فوت الاوان

ولقد لاحظة المطبات ولاكن ماحبيت ألفت لها الأنظار

شككككككككككككككككككككككككراً يالمهاجر

بيت القصيد روووووووووووووووووووووووووحي فيك


أستلم



أنا مثلك يالغظنفرلي زئير وسطوه=ماحدٍ يلوي ذراعي ويسْكت فاهي

أشتري يانقش بشت وتشتري لك غطوه=مامعك مصروف تدخل للملاهي

[نقش خالد]

المهاجر

هلا وغلا ويسعدني متابعتك


المعذوررر الفت وان خوك الفت
وعلى فكرررة المشكلة لا زالت قايمة واصل التصحيح



اعترف قولي ترى يا نقش طحت بهوووه = صرت يالمعذوررر هندي بس ناهي ناهي
.
حتى انا حزت بنفسي شيخ اجاري ملوه = ما عملت الخير يوم انك سبحت تجاهي

اعذروناااا

واستلم يالمعذوررر

[المعذووور]

يعني أنت اللي جاب الذيب من ذيله يافصيح

تابع وأنت تشوف أن الشرهة علّيه اللي خلاك تبدع كان قعدت في الحدبة كانت أحلي ياراعي الشاهي

مامعك إلا مثلها وعباها أو تعاد تثبت نفسك

الله يلطف من اللي بيقراها من غيرنا00000000000000 لاتضحك يالمهاجر أعطيتوني شاعر ملاّ يخابط بعمره



أستلم وأنت ساكت هههههههههه



خايف لا يسمعون أخواركم مالسهوه=تنقلب يا نقش خالدضاهي ضاهي

أنتبه لاتنحلب فتهز مثل الشكوه=والمحبه تنقلب لي حقرة وأكراهي

[سعودي جنوبي]

أخواني الشعراء أولاً أسأل الله لكم ولي الهداية
أنتم شعراء راقون وكلامكم ينشرى بالذهب
ولكن ما أقرأه هنا مؤسف وهذه الحقيقة فأنتم هنا أمام الملاْ وكلامكم محسوب عليكم
ولأنني أحبكم محبة خالصة لوجه العلي القدير الذي سوف تسألون أمامه عما تقولون((فمن يعمل مثقال ذرة خيراً يراه ومن يعمل مثقال ذرة شراً يراه))سورة الزلزلة

أرجوكم وأنا أرجو شعراء مطاليق البعد عن هذه الأمور والعودة لقصائدكم التي تملاْ هذا المنتدى بأحلى كلام نتذوق منه بشكل يومي
أخيراً أتمنى لكم دوام التوفيق.

[المعذووور]

صدقت ياسهيل الخير ولاهنت

ومن أجل ذلك لن أعود بارك الله فيك وفي أمثالك ولاهنت 0000000000000

وسو ف أغير القافيه

يانقش رجّعنا الصحبه وهذا اللي حذرتك ونفسي منه أول المحاوره




أستلمها



أقلط تفضل على ليل ومعنى قوي=في ديرة ياصحيبي عزوا أصحابها

أسمّح المنعوج وأمشي بدرب سوي=وأخلي العين ترقب شوفة أحبابها

[حسن آل مسفر]

الله الله واصلوا يالربع واصلوا وانتبهوا تغوون

اخوي المهاجر والله انا اللي سعدت اكثر بمحاورتي لشاعر مبدع مثلك يابعدي

واعتذر عن تاخري في الرد نظراً لظروف سفري الى الديرة

تقبل انت وجميع الاخوان خالص مودتي

[سعودي جنوبي]

الشاعر المحبوب لدى الجميع المعذوووور
أملي فيك والله كان في محله وتصرفك سليم ولا يأتي إلاًَ من رجل مدرك وشاعر قدير
أتمنى لك دوام التوفيق والسعادة

أخي الشاعر نقش خالد ننتظر ردك الذي واثق أنه سوف يكون عند حسن ظن الجميع
لكم جميعاً خالص مودتي
أخوكم الصغير ....سهيل الشرق

[نقش خالد]

مساكم الله بالخير

اخوي الغالي سهيل الشرق

اشكرك على البادرة الطيبة منك والتي ان دلت على شي فانما تدل على طيب معدنك ونواياك السليمة

اخوي المعذورررر

لم اكن اود ان تسير الامور هكذا وكنت اتوقع مدح , هجاء ....

ولكن لم اتأمل منك وضعها على هذا المحك الدوني !!!

وان اشكرك على احتوى المحاورة وتغيير القافية والوزن كما وجدته مناسب لك ...

علماً انى ارى انها لم تتغير كثيرا في مضمونهااا .....

لذلك واحترام ٍ لاخي الحمراني واخوي ابو شهد والمهاجر وبيت القصيد ولك اخي المعذورررر ولكل زوار الموضوع

سوف انهي المحاورة مترفع عن صغائر الامور..

وليست هي من ستنهيني على قول اخوي بيت القصيد !!!!

وتأكد اني هنا وكما اتفقت معك لست بزعلان وتبقى اخ عزيز لك وجهة نظر ..

والزعل مرفوع

اشكر صاحب الموضوع

واعتذر عن كل ما بدر مني هنا في حق اي احد من اخواني الغالين

اخوكم

نقش خالد

[ابو شروق]

بدأتوا بداية جيدة مع الآخ المهاجر،

ولكن على الجميع احترام الزوار واهل المنتدى لأن هذا المنتدى زوارة كثيرين جداً فعلينا الا ننزل بالمعاني وانتوا شعار جيدين وفيكم الغالي اكثر من الرخيص،

جزاكم الله خير وانا جيت عشان اشجع ولكن اعود انشاء الله مع عودة نشاط المحاورة وإلتزامها الطريق السهل السليم،

شكراً لكم والله يقويكم واشكر الاخ العزيز المهاجر ،

تقبلوا جميعاً تحياتي،،،

[المعذووور]

أعذروا المعذور إذاأبدى إعتذاره =وأدمحو زلات نقش وماحصللكل من أكرمني كبيراً أو صغيراً رجل كان أو إمرأة لم يكن هناك مايثر حول هذا الموضع تلك الزوبعة لولا وجودي

علما أنني وأخي نقش خالد رفعنا التكاليف وليتكم راجعتم أول صفحة وليتكم أبديتم أرائكم عند رفع التكاليف


شكري المكرر للحبيب الغالي وأخي نقش خالد

شكراً جزيلا لصاحب الموضوع شكراً لك من أستضافني ولكل من قرأ لي ولكل من كتب بحق حرف


ولن أعود الى المنتدى إلا بثوب جديد والله اعلم متى يكون أستودعكم الله الذي لاتضيع ودائعه


أخــــــــــــــــــــــــــــــــــــــــــــ(((( (المعذووور العمري)))ـــــــــوكم

[بيت القصيد]

بسم الله الرحمن الرحيم

كيف حال الجميع............

اشوفكم اهتديتوا الله يجزاكم خير و بعضكم يبي يطلع و البعض يترفع..................

على العموم ما كان ودي انها تصل الامور الى ما و صلت اليه و مفهوم المحاورة ليس السب و الشتم يا اعزائي و انا و يشهد الله اني حاولت احيي هذا الموضوع و احث الناس على زيارته و ارسلت بالبريد و غيره و غيراته و لكن ما ادري وش صاااار............

على العموم انشاء الله اخوي نقش خالد ان الخواطر نظاف و القصيد مثل ما دايم نقول لا يرفع من قدر احد و لا ينزل من قدر احد................

و انت عزيزي المعذووور انشاء الله انك تستمر معنا و بعد مره لا تأخذ و جهاااات النظر بالطريقه المتشنجه هذي.............

اتمنى اعزائي الشعار الوقوف عند هذه النقطه حاليا و في قت قريب انشاء الله سوف يتم التنسيق و فتح موضوع جديد و الي تبونه يصير انشاء الله..............

اشكر جميع من شارك و من قرأ هذا الموضوع و بالذات الشعاااار..............

و اشكر قوات الامن الخاص على التدخل و لا خلى و لا عدم>>>>>>>>>>> قوات الامن الخاص ===> المراقب العام ابو شروق:qlbe3: .

بيت القصيد