فأوجز المشكله ما شفت لونه وشكله...

[أبو ريان]

كنت عايش في البستان من ذات حين

أرقبه وانظره وأخيّل انتاج له

بعد مده لفاني فيه زهر(ن) جديد

يختلف عن زهور الورد والياسمين

لو وصفته فصعب(ن) يكتمل وصف له

ما أعرف إلاّ يكون الحكي عن روعته

فأوجز المشكله ما شفت لونه وشكله

فأعلموني وش الدبره ونقطف منه

[أغلى وطــن]

يا بو ريان جاء للنفس والذات حــــين
أمر ربـــي يورّد لا تجي أنت آجــــله
مثل ماراح زايد سابقه بن جــــــــديد
القـــــــــــدر مايرّده ضعف والياسمين
لو تكلم عدوك جاهلــــــه وصـــــــفله
حتى يهتز من خــــــــوفه ومن روعته
أترك الـــزهر ما ينفعك قلي وش أكله
وأسلك الدرب ون جاك الخنق طف منه


أغلى وطن

[سعودي جنوبي]

الأخ الحبيب أبو ريان
أبيات ذات معاني لا يمكن أن تعرف بسهولة
وذلك لغزارة معانيها وسعة خيال شاعرها
مشكور ومشكور أخي أغلى وطن لرده المتميز
أتمنى للجميع دوام التوفيق

[أبو ريان]

أغلى وطن شاكر على حضورك الجميل وردك الغزير الوافي

أبو محمد ( سهيل الشرق ) تحياتي لك والمعنى ليس ببعيد

وعموماً لا زلت أبحث عن من يحل المشكلة

[سعودي جنوبي]

الرد المتواضع


حان وقت السعادة غير من ذات حين
صاحبك ينعرف بالذوق والتاج له
صح ماقول باعرف بوه ولاّ الجديد
منه اللي قضى مالشوق والياسمين
جوهم لو صفا بننصحك وصف له
ماحلى حزمها ياخوك من روعته
منتصب للقبائل غيرما أعرفت شكله
وانا باشهد لهم ما شفت بالطف منه

[الأشقـــر]

يختلف عن زهور الورد والياسميـن

لو وصفته فصعب(ن) يكتمل وصف له

يوماً بعد أخر تثبت يا أبو ريان شاعريتك
يعطيك ألف عافية ...ورد مميز كالعادة من سهيل .

لك أطيب المنى ....ودمت في خير .

[أبو ريان]

سهيل الشرق كأنك طبيت على الجرح

أشكر لك حسن ذكائك وردك الرائع ...ولكن اسمع...



يالله لا هبتني به شين ولاّ حزين

منه اللي حظيظ وقلبه اشتاق له

أشهد أنه بخير ودام حظه سعيد

يوم له صورة(ن) وتحيّر الراسمين

والله لو كان حولي خاطره ما أزعله

تعرف إن الصفا والشوق منطوقته

كانت أحلامنا من زي عنتر وعبله

فأشهد إن الهوى غلاّب في ديدنه

[أبو ريان]

الأخ العزيز الأشقر شكراً لمرورك الغالي

وشهادتك وسام ...

ولا عدمتك يا غالي

[سعودي جنوبي]

الرد ياشاعر الخيال


يالله لاهبتني في شد ولاّ حزين
معجبينن وكثر الناس عشاق له
أنا فاهم ومثلك فاهم(ن) يا سعيد
وانت تحمي لرأسك وأنا للراس امين
من يمز الشهد باقول قد مز عله
كل واحد يشل الحمل من طوقته
أتشوّف واشوف الحظ ياخي لعبله
وأترقّب علوم السوق والديدنه

[أبو ريان]

الله يعطيك العافية يا سهيل الشرق على هذا الرد الجميل

ولكن اسمع وانا خوك ...



ليه ما أنشد عنه باعلان في لوحتين

واتحرى وأدور شيخ قد طاب له

يمكن إنه قريب القلب ماهو بعيد

بس يبغا سديد القوم والعازمين

ليت منه وصف لي ثغره اومجمله

كان خلّص عليّ الهم باطروحته

ما أقبل إلاّ كلام اللي كلاه وشربله

لن علمه بيوصف لي شهر والسنه

[سعودي جنوبي]

أسمع أسمع الرد الله يعطيك العافية أسمع أسمع



لوح سدر(ن) فلا قلنا كما لوح تين
من هو اللي لزم بايديه قطاب له
وانا اكرر واقول العلم وانا بااعيد
شفت أنا الضيف لكن فين ذالعازمين
والقصايد لفتكم كلها مجملة
من ربط لي يورّد قد ربط روحته
راعي الذود لا شرته بسر(ن) شر أبله
زوّد الحكي بالسنك معه والسنه؟؟؟؟

[أبو ريان]

الله يهبها في ويهك راعي رد ....

طيب اسمع لا يحظرون ...



قد حجزنا التذاكر عالسفر مقبلين

بعد ما قد وعدنا ذاك ما اشاكله

اترقب لشوفه حالتي في رعيد

يوم شفت العرب صوبه وله سارعين

ما نوينا على الفتنة ولا شاغله

كلها نظرة المشتاق واسموحته

كانها الخيل تي تصهل فنبغا العسف له

وإن طلع سومها في السوق ما اواطنه

[قرناس]

أخواني وأحبائي
أبو ريان.....سهيل الشرق
دئماً متميزين ومثيرين للإنتباه ولكم جهد مبارك في المنتدى وخارج المنتدى
أخوكم قرناس

[سعودي جنوبي]

أخي الحبيب قرناس نتشرف بمرورك فأنت أخ كبير ونكن لك جميعاً الاحترام والتقدير
فلك مني خالص الشكر


امّا أنت ياأبوريان فالله يصدع في عقلك
أسمح لي بتغيير القاف والوزن لكي لا نقع في محظور وسلامتك


ياسعيّد كل ما قلت هانت ماتهون
أنت أخينا وأنت من بعد ربي أنت عون
ماتوا أهل الكفر في بدر ماتوا بالظلاله
ثم شع الدين نوره بصوت أرجالها

[أبو ريان]

قرناس ... حياك طال عمرك وشكراً لك ولاهنت

سهيل حياك الله أنت والقافية وأحسنت التصرف



أعرف اللي مات في غفلته قد مات هون

والهامر لا ينقلب دسسن وبه ينتعون

في نهار الشمس ما يمنه ظل الظلاله

فان نوينا نعرفه باتكل وارجالها

[سعودي جنوبي]

لانأتي إلاّ من بعدك يا أبا ريان
أستلم


ناس تصدق يا سعيّد ونا س(ن) يلمزون
ثم ناس(ن) كم تهرّج وناس(ن) ساكتون
الهامر لأهل الهامروانت باسط في دلاله
انتبه للسوق خل الدلايل لأهلها

[بارود]

اسمع اسمع عاشو النشاما


ولد مذا معكم الله يصبها في وجه العدو لاتكن تخاريف تهامه

تقبلا تحياتي وارفعوا خشم البندق

ههههههههههههههه

واما انت ياقرناس طبك عندي

[أبو ريان]

أولاً حياك الله يا بااااااارود ولا به إلاّ كل خير

فقط تبادل المشورة وعفاك ...

أمّ أنت يا سهيل الشرق فاسمع الرد ... واسلم اسلم



ماحلى النظره لتيك المخايل والمزون

واتخيل مشيتي واقنصه بالساكتون

المقهوي لا توانا فهات أحلى دلاله

ما تحيرنا بعلمه وقلنا له لها

[سعودي جنوبي]

الأستاذ أبو ريان تفضل


ياسعيّد ناس تبصر وناس(ن) يلفتون
ثم ناس بعقلها تحكمه ويدركون
بعضنا قلّط ضيوفه على فاخر زلاله
والبعض يسحب طرفها ويطوي زلها

[أبو ريان]

حيا الله سهيل وعلومه

اسمع ..... الرد



ألف جبنه للمعلم وقشطه والف تون

من يداري في حياته فلازم يدر. كون

كانها سارت علومه على الشين وزلاله

فاعتقد نبصر ونعرف وخطوه زلها

[سعودي جنوبي]

أستلم الله يوفّجك أستلم أستلم


أتنجى بالله مابغى عرب لي شامتون
أتكلّم بالحقيقة وهم يضّاحكون
المعاني في رصيدي ورقمي له سياله
وانشد أهل السوق وانشد لهم وسالها

[أبو ريان]

سهيل الشرق الله يعطيك العافية أمتعتنا بما دار في هذه المحاورة

فشكراً لك ... وللأخ الغالي أغلى وطن ... ولنا لقاء قادم بإذن الله



لو نبت في الشام سدر(ن) ترا بالشام تون

بعد هذا العلم أنا اكون ولاّ ما حكون

لو ثبت في العلم ياله ترا قد لهس ياله

تهبط آل امطار بالصيف وأرقب سالها