خنفشاريات المشرف العام ..!!

[راعي الأوله]

يا هلا وغلا بالجميع الحاضرين معنا ..

اليوم لكم عندي مفاجأة .. وأي مفاجأة ؟؟؟ شيء عجيب ..

طبعاً مثل ما معظمكم عارف أن المشرف العام هذي الأيام مشرفنا بالمنطقة الشرقية ..

(( طبعاً بعد تهديدات منه بتغريقي بالبحر بناءً على توصياتي الأخيرة في الأسهم )) ..

المهم أبشركم الرجل وصل ووصل معه واحد ..واحد .. الله من واحد ..!!!

عارفين مين يكون .. ؟؟؟

شخص أفتقدناه كثير .. ونادر التواجد .. لكن إن شاء الله ما يغيب .. ونشوفه قريب .. (( الباشق )) ..

وأعتقد أن البعض منكم يعرف من هو الباشق .. الله الله يا الباشق .. وين أيامك ؟؟؟

على العموم نرجع لسالفة المشرف العام .. وخنفشارياته ..

طبعاً لو تلاحظون ما خذ راحتي بالكلام لأني ضامن المشرف العام في جيبي على ما يقولون ..

وشكله بدل ما جاء يغطسني .. الله يستر وش بيصير له ..

طبعاً أتوقع أخونا الغالي " سيف الساهر " الآن ومن مبدأ العروق والدم قبل النيابة في الإشراف العام ..

راح يتأثر بكلامي شوي (( أي شوي ؟؟ إلا قل يا ويلي منه هذا إذا ما حذف الموضوع من أصله )) ..

المهم نرجع لسالفة عمنا المشرف العام ..

وصل بحفظ الله ورعايته إلى محطة القطار بالدمام ومعه أخوه وأخونا الغالي " الباشق " ..

طبعاً ما راح أقول أسمه الحقيقي (( حقوق الطبع محفوظة لصاحبها )) ..

وأول ما طب الشرقية على طول على البحر (( تقول ما عمره شاف بحر )) ..

لا ... وفاتكم بعد .. ما تدرون وش قاعد يسوي على البحر ..

طالع الرجال يسوي رياضة .. قال أيش .. الرياضة ما تصلح بالرياض (( مع أن الرياض على وزن الرياضه لو تلاحظون )) ..

أما على البحر .. يصلح المشي والهروله (( عسكري الأخ )) والجري (( وعداء بعد ؟؟ )) ..

الظاهر طولنا عليكم .. على العموم أكمل لكم بكرة سالفتي معه يوم الخميس (( يوم تخاريف راعي الأوله )) ..

أخوكم المحب لكم // راعي الأوله ..

[محمد العمري]

هلا والله بك يا راعي الأوله ... وهلا بخنفشارياتك ...هههههههههههه :qlbe3:

أجل الرجال مسوي رياضي ...
عاد ما نوصيك فيه ياراعي الأولة ...
(( توصى فيه مثل توصياتك له في الأسهم ههههههههه )) :qlbe3:

يستحسن أن تكمل لنا الخبر وخنفشاريات المشرف العام مستعيناً بالصور ...
الله يحفظك ويرعاك .. والحمدلله على سلامة وصول صالح آل سلمان ومن معه إلى الدمام ...
في انتظار سالفتك معه يوم الخميس ...وتكتبها لنا وأنت بخير إن شاء الله ...:qlbe3:
لك خالص تحياتي ...
والسلام عليكم ...

[الشهرية]

السلام عليكم ورحمه الله

اتلقفت وجيت اشوف هذي الخنفشاريات
قلت يمكن اضحك بحكم اني اليوم ماضحكت

لكن للاسف مافهمت شئ (بمعنى مالقيت شئ خنفشاري)
لكن بأنتظر سالفه بكره يمكن افهم شئ
بانتظار خنفشاريات اوسع


راعي الاوله
دمت لمن انت راعيها

[ابو شروق]

هلا والله باهل الشرقية الكرام،

اكيد الذبايح مسدحة في المعافي تمرغ ولا عساها تعمل رياضه مع ضيفكم العزيز ،

ولا تعمونه بالتوصيات مثل توصيات الأسهم شف من خسارته في الأسهم ركب في القطار الله يا كافي هههههههههه،

وتراه من الضيقه جاكم في الشرقيه واهم شئ تعبوه بالرياضة والسباحه يمدحونها ابسطوا الرجال لأنه راح منيه او ينفقع ضيقه ولكن ما اشرهه والله ،

شفه تركنا نصارع عطر جدران المنتدى وراح الاخ يعمل رياضة ههههه،

اما سيف فالله انه او يزعل ولكن خله يقعد معنا هنيه والى الاسبوع الجاي جيت انا واياه لنا غرض الى بنغلادش بنجيب ممرضات نفسيات لمرضى المندى،
هههههههههههه

تحياتي لك اخي راعي الأوله والله يزيد سعادتكم وأزهلوا العلم،

[بارود]

الله يعينك يا ابو عبدالله

وفي انتظار خنفشاريات تخاريف

المدير العام في يوم الخميس

وفي المنطقة الشرقيه


الله يعينه

(( راعي الاوله هون به ))

تحياتي

[راعي الأوله]

هلا والله بك يا راعي الأوله ... وهلا بخنفشارياتك ...هههههههههههه :qlbe3:

أجل الرجال مسوي رياضي ...
عاد ما نوصيك فيه ياراعي الأولة ...
(( توصى فيه مثل توصياتك له في الأسهم ههههههههه )) :qlbe3:

يستحسن أن تكمل لنا الخبر وخنفشاريات المشرف العام مستعيناً بالصور ...
الله يحفظك ويرعاك .. والحمدلله على سلامة وصول صالح آل سلمان ومن معه إلى الدمام ...
في انتظار سالفتك معه يوم الخميس ...وتكتبها لنا وأنت بخير إن شاء الله ...:qlbe3:
لك خالص تحياتي ...
والسلام عليكم ...


أبشر به .. لا توصي حريص ..

يعني تتوقع بعد الكلام اللي كتبتها .. بخليه يرجع لكم مثل ما جاء .. (( الله يستر )) ..

لا تستعجل وتشوف وش أسوي فيه وأقول قال لي محمد .. (( أحطك في الواجهه )) ..

[راعي الأوله]

السلام عليكم ورحمه الله

اتلقفت وجيت اشوف هذي الخنفشاريات
قلت يمكن اضحك بحكم اني اليوم ماضحكت

لكن للاسف مافهمت شئ (بمعنى مالقيت شئ خنفشاري)
لكن بأنتظر سالفه بكره يمكن افهم شئ
بانتظار خنفشاريات اوسع


راعي الاوله
دمت لمن انت راعيها

أختي " الشهرية " ..

الله يحفظك .. الظاهر يبغى لك دورة عند أختنا العناااا .. تترجم لك كلامنا ..

وأنصحك تكلمينها من بدري علشان يمديك تلحقين على تخاريف يوم الخميس مع المشرف العام وهي طازجة ..

[راعي الأوله]

هلا والله باهل الشرقية الكرام،

اكيد الذبايح مسدحة في المعافي تمرغ ولا عساها تعمل رياضه مع ضيفكم العزيز ،

ولا تعمونه بالتوصيات مثل توصيات الأسهم شف من خسارته في الأسهم ركب في القطار الله يا كافي هههههههههه،

وتراه من الضيقه جاكم في الشرقيه واهم شئ تعبوه بالرياضة والسباحه يمدحونها ابسطوا الرجال لأنه راح منيه او ينفقع ضيقه ولكن ما اشرهه والله ،

شفه تركنا نصارع عطر جدران المنتدى وراح الاخ يعمل رياضة ههههه،

اما سيف فالله انه او يزعل ولكن خله يقعد معنا هنيه والى الاسبوع الجاي جيت انا واياه لنا غرض الى بنغلادش بنجيب ممرضات نفسيات لمرضى المندى،
هههههههههههه

تحياتي لك اخي راعي الأوله والله يزيد سعادتكم وأزهلوا العلم،

يا أبو شروق .. الله يرحم والديك ..

يعني لازم الإحراج .. !!!!؟؟؟

ما كنا ناوين على اللي قلته وتوقعته .. أحنا ما نوينا نذبح له .. نوينا نذبحـ...!!!

ما ودي أقول ..

نعلمكم بالذبائح والخيرات بكرة إن شاء الله ..

[راعي الأوله]

الله يعينك يا ابو عبدالله

وفي انتظار خنفشاريات تخاريف

المدير العام في يوم الخميس

وفي المنطقة الشرقيه


الله يعينه

(( راعي الاوله هون به ))

تحياتي


أررررررررررررررررررحب ..

حياك الله يا أبو بندر ..

حياك الله يا مديرنا للعلاقات العامة ..

وأبشر بالخير يا الغالي ..

مثل ما تعرف خنفشارياتي كل خميس ...

لكن عندي طلعة للبر بكرة معه .. وإن شاء الله أرجع سليم (( مو مثل الأسبوع الماضي الله يسامحك ــ اعلمك اني بالبر والخير علينا .. أرجع البيت تعبان )) ترى ما أقصد شيء ..

أخوك المحب لك // راعي الأوله ..

[أبو مانع]

هلا وغلااا بالغالي راعي الأوله

والله العظيم إني داخل الحين وفيني نوووم لكن حبيت
أرد عليك وأعطي نظره على المنتدى تعرف ما أقدر أغيب عنه كثير

وأحلاااا خنفشاريااات مع راعي الأوله

وأنتبه اهم شي للمدير العام راعي الرياضه إنتبه له
هذاا دباااس وكم عندنااا دبااس قصدي صالح آآآم سوري

بالتوفيق لكم جميعاً


أخوك أبو مانع...

[راعي الأوله]

مين ؟؟ أبو مانع ؟؟

أسعد الله جميع أوقاتك بكل خير يا الغالي ..

وأسعدني تواجدك .. مع عتبي الشديد عليك هذي الأيام .. وأنت عارف السبب ..

لا تخاف على المشرف العام ..

ما راح يرجع الرياض .. إلا نازل أقل شيء 5 كيلو ..

[سيف الساهر]

الحمدلله على السلامه


والله من قدكم قاعدين تتسبحو وتنبسطو


وانا وبوشروق وبقيه الاداره مقابلين هالعالم فى المنتدى


الله يعين عليهم



لااوصيك على المدير العام اغرقه فى البحر عندك:biggrin:

<<<<<<<< ناوى على منصب المدير العام:qmbsqm:


اقول حبيب البى راعي الاوله لاتنسو المراقبين والمشرفين نبى سمك وربيان :qlbe12:


اكيد دباس مابيقصر بيجيبه معاه خخخخخخخخخخ


حاحجز قطار كامل باامكانه يجيب سمك الشرقيه كله :biggrin:


المره القادمه لازم كلنا اللى فى المنتدى نروح فى القطارخخخخخ


ونغنى ربووووووووووع بلادي علينا بتنادى :qlbe3:


سلاموووووووووووووووووووووووووو

[عذب السجايا]

انا اسمحوا لي ما احب اتدخل في السياااااسه

رراعي الاوله دمت للثانية

[غالي الأثمان]

الاخ الغالي راعي الاولـــه

والله افتقدنااااك يا شيخ وبغيت اجيكم الشرقيه عشان اعزي عليك

ما ادري يقولون انك مت الله يرحمك

اما عن خنفشارياتك فنحن بانتظااااااااااااارها

واحلى خنفشاريات في ربوع الشرقيه

وود صالح وانتبه عليه لا يتولى علينا سيف فيقلبنا شركه امن (( على اسمه الساهر )) ههههه

ولايروح هنيه والا هنيه الا وانت معه لا يضيع عليكم


بانتظاااار توصياااااتك الخنفشاريه


تقبل تحياتي ،،

[راعي الأوله]

الحمدلله على السلامه


والله من قدكم قاعدين تتسبحو وتنبسطو


وانا وبوشروق وبقيه الاداره مقابلين هالعالم فى المنتدى


الله يعين عليهم



لااوصيك على المدير العام اغرقه فى البحر عندك:biggrin:

<<<<<<<< ناوى على منصب المدير العام:qmbsqm:


اقول حبيب البى راعي الاوله لاتنسو المراقبين والمشرفين نبى سمك وربيان :qlbe12:


اكيد دباس مابيقصر بيجيبه معاه خخخخخخخخخخ


حاحجز قطار كامل باامكانه يجيب سمك الشرقيه كله :biggrin:


المره القادمه لازم كلنا اللى فى المنتدى نروح فى القطارخخخخخ


ونغنى ربووووووووووع بلادي علينا بتنادى :qlbe3:


سلاموووووووووووووووووووووووووو


والله ما أعتقد تشوف ولو حتى ذيل سمكه .. ههههه ..


لكن أبشر بالخير والسمك والعلوم الطيبه في الأجتماع اللي في المنطقة الشرقية منتصف الشهر الجاي إن شاء الله ..

أما المدير العام خله في حالة ... الرجال حاقد عليك بعد مزحتك أنك تبغاني أغرقه وتأخذ الإدارة منه ..

يا ويلك منه .. (( تبغى فزعة وإلا شيء .؟؟)) ..

[راعي الأوله]

انا اسمحوا لي ما احب اتدخل في السياااااسه
رراعي الاوله دمت للثانية


السيااااااسه ؟؟؟!!!!


يعني المشرف العام صار عندك سياسة ..؟؟؟

طيب ... يا صالح وينك .. تعال شوف ابو غلا وش قاعد يقول عنك ... ( يا ويلك .. جنت على نفسها براقش ) ...

[راعي الأوله]

الاخ الغالي راعي الاولـــه

والله افتقدنااااك يا شيخ وبغيت اجيكم الشرقيه عشان اعزي عليك

ما ادري يقولون انك مت الله يرحمك

اما عن خنفشارياتك فنحن بانتظااااااااااااارها

واحلى خنفشاريات في ربوع الشرقيه

وود صالح وانتبه عليه لا يتولى علينا سيف فيقلبنا شركه امن (( على اسمه الساهر )) ههههه

ولايروح هنيه والا هنيه الا وانت معه لا يضيع عليكم


بانتظاااار توصياااااتك الخنفشاريه


تقبل تحياتي ،،

والله كأنه عندك أحساس إني قاعد أراقبه لا يضيع منا كذا ولا كذا ...

وإلا حد يخطفه وإلا شيء (( من غلاوته عندنا )) .


وبعدين وش قصة تعزيني . فال الله ولا فالك ..

إلى هذي الدرجة تبغى تتخلص مني ..

خذ العلم يا غالي الأثمان .. جايك جدة جايك ما فيها كلام ..

وجايب معي المشرف العام بزاته ونائبه كمان وثلاثة أو أربعه من الحبايب ..

وأتوقع تقريباً بتاريخ 13/12/1426هـ ... بإذن الله ..

جهزوا الذبايح وأعزموا المعازيم .. (( ما نقبل بلحم الضحى )) ..

وبعدها بناخذكم أنت وأغلى وطن ونقش خالد وسهيل الشرق وعلى أبها بإذن الله لمعايدة البقية في أبها ..

أنتظرنا ..

[عذب السجايا]

كثرة مواعيدك ياراعي الاوله 13/12 جده

15/12 ابها الظاهر حتى مواعيدك خنفشارية

[راعي الأوله]

00000000000000

[راعي الأوله]

كثرة مواعيدك ياراعي الاوله 13/12 جده

15/12 ابها الظاهر حتى مواعيدك خنفشارية


الله يسامحك .. يا ابو غلا ..

أقرأ وش كتبت زين .. وتعرف أني قلت في 13/12 نروح جدة ..


بعدين نجي لأبها أحنا وأياهم .. يعني على موعدنا 15/12 ..

الله يسامحك ..

ترى راح أبطل أجيكم علشان أتهامك لي (( ما صدق لقي عذر )) ..

[راعي الأوله]

أسعد الله جميع أوقاتكم بكل خير ..

نسيت البارحة أكتب لكم وش صار معي والمشرف العام ضيفنا بالمنطقة الشرقية ..

من بداية طلعة لشاطئ نصف القمر .. ثم تفرج على طعس التحدي واللي يطعسون .. ثم مطعم دارين (( يا مكثر المقالب فيه )) ..

المهم شكلكم أحترتوا ليه ما قلت لكم اللي صار بالتفصيل ..

ما أقدر أقول كلمة بعد اللي قال لي اليوم العصر قبل السفر للرياض ..

قال (( أسمع يا راعي الأوله .. حسك عينك تجيب طاريه في المنتدى وعن طلعتي معك والمقالب اللي صارت ..

وأن شفت شيء كذا أو كذا . الله يعينك ..)) ..

ما درى أني أكتب فيه موضوع كامل من قبل وصوله للشرقية ..

لكن بنكلم سيف الساهر يتوسط لنا عنده ..

وشكلي ببطل أجي الإجتماع الأسبوع الجاي بالرياض .. (( خايف من مقالبه )) ..

لكن أستلموه الحين بعدما رجع للمنتدى ... وأسألوه عن اللي تبغون .. (( مقالب ـ نكت ــ مواقف طريفه ـ شح أنترنت !!! .. الخ )) ..

الله لا يوريكم من أشياء صارت معه .. لكن وبكل صراحة .. شرفني بجيته ..

وتمنيت يطول معنا (( علشان يمدين أدبر خطه لتغريقه في البحر )) ..

الحمد لله على سلامة وصوله لأهله وأحبابه بالرياض ...

وإن شاء الله يشرفنا مرة ثانية قريباً (( للإجتماع الثالث للأعضاء المنتدى )) .. مع الجميع ..

ونشوفكم على خير ..


ولا أنسى .. !!!

تخاريفي ليوم الخميس .. ما قلتها لكم .. لكن تخاريفي ليوم الخميس تختلف الأسبوع هذا ..!!!



يوم الخميس أصبحت فرحان من نوم ... بجيت الغالي عمنا المشرف العام

شرفنا البارحة بجيته حامل أعلوم ... أهل الرياض وأهل المدينة والشام

سلانا بجيته وشوفته يا جعلها دوم .. نقعد معه طول النهار حتى ننام

أرجو من الله الواحد خالق القوم .... يبقى تاج وبصدورنا أغلى وسام

وسلامتكم جميع ..

(( إن شاء الله يقراها ــ عساها تشفع لي ويسامحني )) ..

أخوكم المحب لكم // راعي الأوله ..