العقـــــد
10-26-2005, 07:20 PM
التمني
لا واهني اللي رصيـده ملايين
وامضـاه في راس القلم يقلبونه
وبواخــره تمشي بكل البلادين
ومصـادره من كل شكل نمونه
وعنده عيال صالحين ورشيدين
لا غــاب والدهم هم يمثلونه
بيته يعانق شاهقات الضلاعين
تلقى الحمام مبيض في ركونه
فيه الخدم متكـاملين ومطيعين
من جاء لهالديوان بيبا شرونـه
تلقى الخزاما والنفل و الرياحين
تطرب له الورقة وتزعج فنونه
مع لابة تنطح وجيه الشياطيـن
عز لهم وهم يتفــادون دونه
هذي الحياة اللي لها الناس شفقين
من غر منهــا يا حياة المهونه
أشوى من اللي ياخذ الدين بالدين
وطلابته راس الشهر يبلشونـه
ومع الفقر عنده ابزور ونساوين
يبون حـــاجتهم ولا يعذرونه
يقضي معاشه ما مضى الشهر يومين
الفقــر شيبه وشيب عيونــه
عايش ولكن عيشة الفقر مسكين
كنه مصخن وهو ما به اصخونه
يــا الله يا قابل صلاة المصلين
ان تقوم بعونــــا ثم عونـه
لا واهني اللي رصيـده ملايين
وامضـاه في راس القلم يقلبونه
وبواخــره تمشي بكل البلادين
ومصـادره من كل شكل نمونه
وعنده عيال صالحين ورشيدين
لا غــاب والدهم هم يمثلونه
بيته يعانق شاهقات الضلاعين
تلقى الحمام مبيض في ركونه
فيه الخدم متكـاملين ومطيعين
من جاء لهالديوان بيبا شرونـه
تلقى الخزاما والنفل و الرياحين
تطرب له الورقة وتزعج فنونه
مع لابة تنطح وجيه الشياطيـن
عز لهم وهم يتفــادون دونه
هذي الحياة اللي لها الناس شفقين
من غر منهــا يا حياة المهونه
أشوى من اللي ياخذ الدين بالدين
وطلابته راس الشهر يبلشونـه
ومع الفقر عنده ابزور ونساوين
يبون حـــاجتهم ولا يعذرونه
يقضي معاشه ما مضى الشهر يومين
الفقــر شيبه وشيب عيونــه
عايش ولكن عيشة الفقر مسكين
كنه مصخن وهو ما به اصخونه
يــا الله يا قابل صلاة المصلين
ان تقوم بعونــــا ثم عونـه