من يفسر الحلم

[بارود]

سلام الله عليكم جميعاً
ابوريان = سهيل الشرق = بيت القصيد = ابوعابد
فسروا الحلم الرجال ينتظر
ويحكم ولد جدتي الجنوبي والجايزه عمره على حساب دباس وانت يالغراني خلك قريب



استعنت ابيلاه العالمين ونويت عـلى السفر
واختصرنا تعبنا فالحجوزات ولا لتصالي
عندنـا واسطه والتذكره جاتنـا لاحـدنـا
واتكلنـا على ربـي وشيكاتنا فيها رصيدي
اسمنـا واضح فالتذكـره واللقب ما ينجهـل
والسفر له فوايد سبع ودي نجمع بعض منهـا
فاتعرف على بعض الرفاقه وهم لي عارفيـن
غير جانا مسافر ماحدن يعرفه وجه(ن)ولا اسما
قـال ياذا الرفاقه فالسفر شفتلي حلـم فضيـع
شفت وني عرفت الباب ذا منه يدخل كل ضيفا
فني اجلس على ذا الباب والقي سلام كل مـار
واجـلس بحالتي ذي بضعة ايام ماغير اتفرج
لاين شفت الحضور البعض ثوبه جديد لابسه
والذي له ثياب ناصعه بالبياض افي المخازن
لبّس منها ويظهر بعضها كل ماقلنا ارحبـوا
واما ذا اليوم فطمع في تملك حصون بالضيافه
حـارس الباب يتوسـط لنا والدلاله جاهـزه
افتني يارفيق فالسفر قبل ما تبدى النشايب
انا بسمع كلام اقلط وبعناك وانت المشتري
فامنا ماقدرت افسر الحلم وافتي ذا تحلم
اعرف ان القدر حكمه وعلمه لرب العلمين
منهو الى عطاه الله من العلم ويفسر لنا
منهو الى عطاه الله من العلم ويفسر لنا

بااااااااااااارود

[الغراني]

بارررررررررررود

اررررررررررررررحب والله ان ترررررررررررررررحب

صح الله لسانك مليوووووووووون


والمعنى في راس الشاعر

هههههههههههههههه

ياليت اني شاعر وافسر الحلم

لكن البركة في الاخوان اللي ذكرتهم

تراني متابع من بيفسر الحلم

لاهنت لاهنت لاهنت لاهنت

ياالقرررررررررررررررم


تحيااااتي لشخصك الكريم

[أبو ريان]

بصراحة أنا في الألغاز من جنبها وما عندي سالفة

بس مجرد القصيدة والله قمة يا بارود (شنوهذا يا ولد)

والله مبدع ورائع وقاف وتراكيب ومعاني ودقة في كل شئ

رائع رائع رائع

أعدك بالتفكير والرد على القصيدة إذا توصلت للحل قبل الأخوان

[صالح آل سلمان]

والله شكل عندنا شاعر الغاز من الطراز الاول
ولو كان حلم نوم كان تعرف اخي بارود مفسر الاحلام ابو سعود
تقبل خالص الموده
ابو عبدالله

[BEN SARAR]

انا عارفه بس اترك التفسير للي انت اخترتهم وانا متاكد انهم بيعرفونه وما ابغا اخرب عليهم

[بارود]

الله ايحييك ابو سامي
منت موجود الله يطول عمرك وانتبه
تحياتي
بااااااااااااارود

[بارود]

الغراني
لاهنت ابو حسن الله يطول عمرك ويحيك
ومثل ماقلت لك خلك قريب انا خوك
تحياتي
بااااااااااااارود

[بارود]

ابوريان لاعدمتك شكراً لمروكم الكريم ومعكم اسبوع
تحياتي
باااااااااااارود

[بارود]

يكفيني فخر مروركم الكريم سعادة المدير العام
والظاهر مابتكفي الجائزه عمره بنخليها حج
وكل شي الا ابوسعود تكفى
تحياتي
باااااااااااارود

[أبو عابد]

صح لسانك يا بارود

بدع رائع ... رائع بكل مقاييس الروعة

وشرفتني بإختيارك لي من ظمن الأخوان المبدعين

وأقبل مني هذه الرمعة



البدع : بارود= الرد أبو عابد

استعنت ابيلاه العالمين ونويت على السفر =بسم ربي بدينا يوم غطى الظلام على السفر
واختصرنا تعبنا فالحجوزات ولا لتصالي= ثم أصلي على من حوّل الناس فرقا لإتصالي

عندنا واسطه والتذكره جاتنا لاحدنا =منقذ الناس من درب الضلل بعد ما لاح الدنا
.
واتكلنا على ربي وشيكاتنا فيها رصيدي= قالو العلم صيدٍ شاردٍ وانا لي في البرصيدي
اسمنا واضح فالتذكره واللقب ما ينجهل =قالو العلم نورٍ والذي عالمٍ ما ينجهل
.
والسفر له فوايد سبع ودي نجمع بعض منها =وأنت لا تشتري السلعات حتى ترى مطبع ضمنها
فاتعرف على بعض الرفاقه وهم لي عارفين =وإنتبه وإعرف إللي يشترى فين واللي يعار فين
.
غير جانا مسافر ماحدن يعرفه وجه(ن)ولا اسما =صاحبك قدر الله له يسافر لخيرتٍ ولسماء
قال ياذا الرفاقه فالسفر شفتلي حلم فضيع =غير نبه وقله ينتبه في الحرم من خوف ضيع
.
شفت وني عرفت الباب ذا منه يدخل كل ضيفا =وإنصحه داخل الميقات يحرم وبإحرامٍ نضيفا
فني اجلس على ذا الباب والقي سلام كل مار= بعدها فوق معقاب الهدى يطمر الموتر طمار
.
واجلس بحالتي ذي بضعة ايام ماغير اتفرج =عانه الله عليها يوم راسه وعمره ينتفر رج
لاين شفت الحضور البعض ثوبه جديد لابسه =يوم ذالخط كلٍ يشتكي منه لا دلا بأسه
.
والذي له ثياب ناصعه بالبياض افي المخازن =بعد طوفه على الكبعه سبع خل بطنه للما ء خازن
لبّس منها ويظهر بعضها كل ماقلنا ارحبوا =فن بعده يشوف (السعي )... ذا كان يمشي مر حبو
.
واما ذا اليوم فطمع في تملك حصون بالضيافه =وإحذره في الحرم يغوي ... ولا ينطق إلا بالضيا فاه
حارس الباب يتوسط لنا والدلاله جاهزه =فإن ذنبه مضاعف لو غوى في الحرم أو جا هزاه
.
افتني يارفيق فالسفر قبل ما تبدى النشايب=هذا هو علمنا وإسمع لحبك الحكم من فن شايب
انا بسمع كلام اقلط وبعناك وانت المشتري =في سماي القوافي صرت أنا الشمس وأنت المشتري
.
فامنا ماقدرت افسر الحلم وافتي ذا تحلم =الله يا مبعدك يالواقع المبتغا من ذا تحلم
اعرف ان القدر حكمه وعلمه لرب العلمين =والله يا مكبر الفرقان بين الجهل والعالمين
منهو الى عطاه الله من العلم ويفسر لنا =وأنت ياللي بحلمك صاح فينا ويهتف سر لنا
منهو الى عطاه الله من العلم ويفسر لنا =وأنت ياللي بحلمك صاح فينا ويهتف سر لنا

[الجنوبي]

السلام عليكم ورحمة الله وبركاتة

صح السانك يابارود قصيدة ممتازه جدا وصياغة جميلة للغز في القصيدة
ويسلم ابو عبدالله على الجايزة <<< مافيه جايزة للحكم>>>وش رايك يالغراني
ههههههههههههههههههههههههههههههههههههه


ابو عابد ارحب والله ان ترحب
رد رائع من ناحية القصيدة اما حل اللغز ( ...ما أقدر اقول صح ولا لا )

انتظر السحب في أخر الحلقة .

[بارود]

الله الله يا ابو عابد
اشاد بها منهو اعرف فني
دمت وسلمت ابوعابد
لكن مثل ماقال الحكم باقي السحب
تحياتي
باااااااااااااورد

[بارود]

الاخ العزيز الجنوبي
شكرا لمروركم والمتابعه
وسوف يتم الاتصال بكم عن قريب لأيضاح ماطلبت من ايضاح وتفسير الحلم لأجراء السحب
تحياتي
باااااااااااااورد

[أبو ريان]

تحية تقدير لأبو عابد الرائع لله درك من شاعر

أنا معك حتى لو كان الحل غير صحيح

وبعدين كذا ولا كذا الحل صح يعني صح وبالقوة

يا أخي يكفي هذا الرد الذي جاء في منتهى الجمال والروعة

[بارود]

الاخ العزيز الغالي سهيل الشرق
الاخ العزيز الغالي بيت القصيد
طال الانتظار طالت اعماركم بصحة وعافيه
تحياتي
بااااااااااااارود

[سعودي جنوبي]

أخي بارود الأجاويد عذارة وأنت منهم فالتمس لنا العذر وأخي الشاعر أبو عابد جابها خذ الكلام وعفاك

[العقـــــد]

من ابوائل


يابوبندر خابرانك ماتحب الطايره والسفر
من هو اله الحجز والا التذاكر تي تقول
ابغي اسافر على ابها اذا عندك تذاكر فارسل الورعان ياتو بها لاعندنا

asa890asa@yahoo.com
asa890asa@hotmail.com
asa890asa@usa.sa

[بارود]

شكري وتقديري لمروركم اخي سهيل ومعذور وانا خوك
اما الحل فبعد السحب
اخوك
بااااااااااااارود

[بارود]

ابو وائل الاخ الشقيق
هذا حلم ويمكن الرجال حالم في المطار و يمكن السفر علي النقل الجماعي
وابشر بالتذكره عزيزوغالي
بااااااااارود

[بارود]

الاخ العزيز / مشرفنا القدير ابوريان
شكراً لمروركم
بااااااااااااارود

[بيت القصيد]

اعذرني عزيزي ابو بندر على التأخير لكن الفكره ما جات بسرعه و اطلب من الله العون.................



البدع===ابوبندر
استعنت ابيلاه العالمين ونويت عـلى السفر
واختصرنا تعبنا فالحجوزات ولا لتصالي
عندنـا واسطه والتذكره جاتنـا لاحـدنـا
واتكلنـا على ربـي وشيكاتنا فيها رصيدي
اسمنـا واضح فالتذكـره واللقب ما ينجهـل
والسفر له فوايد سبع ودي نجمع بعض منهـا
فاتعرف على بعض الرفاقه وهم لي عارفيـن
غير جانا مسافر ماحدن يعرفه وجه(ن)ولا اسما
قـال ياذا الرفاقه فالسفر شفتلي حلـم فضيـع
شفت وني عرفت الباب ذا منه يدخل كل ضيفا
فني اجلس على ذا الباب والقي سلام كل مـار
واجـلس بحالتي ذي بضعة ايام ماغير اتفرج
لاين شفت الحضور البعض ثوبه جديد لابسه
والذي له ثياب ناصعه بالبياض افي المخازن
لبّس منها ويظهر بعضها كل ماقلنا ارحبـوا
واما ذا اليوم فطمع في تملك حصون بالضيافه
حـارس الباب يتوسـط لنا والدلاله جاهـزه
افتني يارفيق فالسفر قبل ما تبدى النشايب
انا بسمع كلام اقلط وبعناك وانت المشتري
فامنا ماقدرت افسر الحلم وافتي ذا تحلم
اعرف ان القدر حكمه وعلمه لرب العلمين
منهو الى عطاه الله من العلم ويفسر لنا
منهو الى عطاه الله من العلم ويفسر لنا
*****
الرد===بيت القصيد
يا الله ياربي اجعل درب ابني عمر ضو و سفر
فن رجالهم يتعب على الطيبه و لها يصالي
و نحن ابني عمر و القوم ما هي بتاخذ حدنا
و انا غمر(ن) من ابني عمر و اكيد لي في البر صيدي
ما بيسبقني اعلى صيدي ابو لهب و ابو جهل
و اهل الكذب و اصحاااب الخيانه و ربي ما بمنها
و انا ما بي وسوم العار يلي تقول العار فين
و انا منغير ربعي ابني عمر لاني متفوق و لا اسما
انا شيخ(ن) و لد شيخ(ن) في ابني عمر ماني وضيع
بعد هذي على علمك يا بو بندر بتشجع و ضيفا
وانا ما اشرب يكون الحلو لو يشربون الناااس مار
و ساعه الفكر يتضيق يا بو بندر و ساعه تفرج
و البحر دون امر الله ما بيتعدى اليابسه
و انت حلمك صعيب(ن) يا ابوبند و فيه العلم خازن
و اصبح الفكر بين السعي مره و في مره حبوااا
اما تفسيري ان صاحبك اخذ عمرة(ن) وأسمع ضيافه
صااار امطوف(ن) في بيت ربه و لا حد(ن) جاهزه
انا غمر(ن) و لي عقل امتلك يا الرفاقه فن شايب
و انا باطاووووووول المريخ و الزهره امعا المشتري
و اني اصبر على ما قدر الله و بالحلم اتحلم
و لاني بخطي و لا اتجاااوز على الناس ذولا عالمين
انا لا اخطيت (م) الشيطان و ان صبت ربي دلنا
انا لا اخطيت (م) الشيطان و ان صبت ربي دلنا

بيت القصيد

[أبو ريان]

رائع يا بيت القصيد

والحقيقة ما ودي أضيع في الرأي من أول قلت إن ابوعابد

هو الصح ... والحين يظهر إنك أنت الصح... والله حاله

بس من أول انا قلت في الألغاز ما عندي سالفة ...

قصيدة الرد يا بيت القصيد والله درة من الدرر فلله درك من شاعر

بس بالنسبة للحل فالجواب عند بارود هو اللي يعرف من أجاب على لغزه

بشكل صحيح هل هو ابوعابد أم بيت القصيد

وكلاكما يستاهل كل خير ... وأتمنى يحتار بارود من يعطي الجائزة وفي الأخير

يقول لأبو ريان...

[سعودي جنوبي]

هذا الرد طال عمرك يا أبا بندر



يا بو بندر علوم المرجلة فالكم فال السفر
انا اصالي من العالم ومالدهر يا خي وانت صالي
العتب عندي انا ثم عندك الى من حد دنا
وانا بارصد لمن يخطي ومثلك معي تاقف رصيدي
مثل ماينجهل ماي البحر للبحيرة ماي(ن)جهل
انا بامن قصيدي والقوافي لكم ذاليوم امنها
جبت علم الجماله والذي جاب عار العار فين
الشعر مثل من ينقل علوم المعارف فوق يسما
خايف(ن) ناخطي المعنى معاكم ونج هله فضيع
ودي اضيف انا الحكمة مع من سبقني به وضيفا
واعطي العلم بحلاته وجنب لكم من كل مار
وابعد اللي بقلبي واتفيسر ويمكن لي تفرج
لغزكم واضح(ن) وان كانبه بعض شي(ن) لابسه
هذا هو الحجر الأسود وجاله من الحراس خازن
الله ياكم يوسع له طريق(ن) وذاالناس ارحبوا
كل ماقضي فوج(ن) جا بداله ميه ومع الضيافه
والبشر في تلاطم مجهزة للبشر وجاهزة
اه ياونتي عالعمر يجري كما وانت شايب
يالله ياموجد الدنيا وموجد زحل والمشتري
اهدني بالخلق والحلم ياسعد من نفسه تحلّم
والفتاوي لها عالم مع الخلق والا عالمين
من هو اللي حماه الله من الضيق ويفسّر لنا

[أبو ريان]

قسم بالله خبصتوني ... من جد


شنوهذا يا سهيل يخرب بيتك على هيك قصيدة

والله رد ولا أروع ... نظماً وطرحاً عالي الجودة

أمّا بالنسبة للحل فأنا معك ومع ابو عابد ومع بيت القصيد

>>>>>>>>>>>>> ناوي يقتسم من الجائزة بأي شكل ... وينك يا بارود افزع لا يحظرون

[بارود]

قررررررررررررررررررررررريييييييييييييييييب

الاخ العزيز / ابوعابد
الاخ العزيز / بيت القصيد
الاخ العزيز / ابوريان
الاخ العزيز / سهيل الشرق
اقسم بالله اخجلتوني بردودكم الرائعه وكل رد يستاهل يكون هو الفائز فلكم كل المحبة والتقدير وأما اعلان النتيجه فسوف يعلنها الحكم بعد السحب حسب ماذكر و لا انا اعتبرها كلها صحيحه من حيث قوة الرد واقترح على دباس مقدم الجائزه جعلها اربع جوائز فابوريان يستاهل جائزه لمداخلاته الجميله 0



البــــــدع
يالله يامن يجمع الناس في يوم الوعيد
يـا أله الكون يالوالي الـرب الرحيم
يالله انّ تكب لنا المغفره في ذا الشهر
بعد يومين بنستقبـل العشر الأ خيره
نطلـب الله ان فيها يعتـق ارقابنـا
************
الـــــــرد
ياحكـم من جاب تفسير حلم(ن) قبل عيـد
من صقور(ن) حر قد جالها فالجـو حيـم
كـل(ن) بسمه ذاع صيتـه تعـلا وانشهـر
اعذرونا يزملانا عسـى في لمـر خيـره
مثلكـم كفـو (ن) لدرب العـلا يرقابنــا
بااااااااااااارود

[أبو ريان]

الله يا بارود

برضه مبدع في هذه المقصلفة الجميلة

سلمت ودمت

عند الإعلان عن الفائز نادوا علي عشان أنشب له

واقول له أنا الوحيد اللي أيدك ... تعرف لابد من اللسلسه

[الجنوبي]

السلام عليكم ورحمة الله وبركاتة

الله يعطيكم الف عافية قصائد درر من جميع الاعضاء
ولكن كلهااااااااااا الغاز .

بالنسبة للبدع من باروووووود << لغز >> /
والرد من الجميع الغاز .

ويجب على ان احل جميع هذه الالغاز لكي استطيع ان احكم بالعدل>>>>>>>>طاحت على راسي وانا كنت اقول الحمدلله ماني معاكم بس عندي الحل وانا ابو هندي >>>> الحل كل واحد يرسل لي حل اللغز رسالة خاصة وكذا تريحوني وعلى فكره الحكم يسمح بالرشوة يعني كل وحد يحط يده على جيبة ....
هههههههههههههههههههههههههههههههههه
ما امزح تبغوني اطلع من الفول بلا حمص .
ههههههههههههههههههههههههههههههههههه
بس الحين امزح .


تحيـــــــــــــــــــــــــــاتي

[الجنوبي]

الاجابة <<<< المطوف>>

الف . الف مبرووووووووووك للفائز بيت القصيد >>>>>>>>>لا اوصيك الجائزة بيني وبينك هههههههه

والله يعطيكم جميعا الف عافية على مانظمتوا لنا من ابداع
الله يوفقكم جميع .


تحيــــــــــــــــــــــــــــــــــاتي

[بارود]

الف مبروك بيت القصيد
الجائز سوف تسلم عند الساعه الحادية عشر والنصف(11.30) من مساء هذا اليوم الاثنين في احدى الدواوين بشارع الثلاثين بالعليا بحضور سعادة المدير العام ونائبه وحضور عدد من الزملاء نيابة عن من لم يستطع الحضور
تحياتي وخالص مودتي والى لغز قادم انشاء الله
بااااااااااااارود

[أبو ريان]

شكراً بارود على ما تقدمه من جهد لهذا المنتدى

وأنت من الزملاء المتواجدين معنا بشكل مستمر ومثمر وما قدمته

من خلال هذا اللغز الرائع يعتبر مسابقة ترفيهية وجميلة بين الجميع... فلك منا جزيل الشكر


بيت القصيد تستاهل الجائزة والحقيقة أنا كنت مؤيدك في حلك ... صح إني كنت مؤيد

لأبوعابد وسهيل الشرق ... بس مؤيد لك أكثر <<<<<<<<<<< أبو النصب كله...

>>>>>>>>>>>>> شكله ناوي على نص الجائزة...

تحياتي لكم جميعاً ولنا لقاء وتحياتي لكل من يجتمع في لقاء الليلة وبلغوهم سلامنا

[سعودي جنوبي]

مبروك ويستاهل ملك القصيد ولكم تحياتي

[أبو عابد]

مبروك الف مبوك للأخ العزيز : بيت القصيد

والشكر موصل للاخ بارود على إمتاعنا بهذا اللغز ... وبنتظار العديد من الغازه

والشكر موصل للأخ العزيز الجنوبي على نتسيقه ومتابعته وتحكيمه

والشكر موصل لجميع الأخوان الذين قامو بالتعليق ..ولا ننسى متابعتهم المستمرة

تحياتي للجميع

وتمنياتي للجميع بدوام التوفيق والسداد

[بارود]

الله يعطيك العافيه ابوعابد في هليلة المباركه وينك يارجال وحشتنا
تقبل تحياتي
بااااااااااااارود

[صالح آل سلمان]

مشكور اخي العزيز بارود على هذا اللغز والجائزة الاروع
والاروع هو ما قمت به من كرم الضيافه لنا وللاخوان سعيد العمري والمسكت والجنوبي والفائز بالجائزه المبدع بيت القصيد
والله يكثر خيرك على كل ما قمت به 0
اكرر شكري لك وللاخوان في الموروث الشعبي على كل الجهود المميزه
اخوكم
ابو عبدالله

[بيت القصيد]

الله يبارك في كل من بارك..................

اما الجائزه على قولة المصاريه قات الحزينه تفرح ما لا أتلهاش مطرح........................

قعد ينق فيها ابوريان هو و الجنوبي الين لقى ابو عبدالله مخرج و قال العشاء يكفي على انه ما كان الاتفاق................

سهيل احمد ربك انك منت بالفايز ولا كان ارسلولك بفدكس 2 سندوتش بيض الى الخميس عااااد تخيل كيف بتجيك.....................

على العموم الله يكثر خير ابو بندر و الله ما قصر البارح و كان ودي يكون جميع اعضاء المنتدى موجودين ما هوب حب فيهم لكن عشان يطلع ابوبندر قرض من الراجحي يعشيهم.....................

وحسبي على ابوريان و الجنوبي و عيونهم.......................

اما انت يا ابوعبدالله فاقولك ما يضيع حق وراه مطالب............................


بيت القصيد

[ابو شروق]

الشاعر القدير بيت القصيد ،

الله يوفقك وانا عمك ما قصرت فانت اهل للتفوق في كل مجال ،

والمعذره والله ما شفت هذا اللغز الذي قدمه ابو بندر ولكن اللوم عليه ما عزمني الا يكون خلال سفري فمسموح على كل حال اذا كان الوقت في تلك الفترة وهم ما عزموني علشان يزحلقون الجائزة هذه حركتات ما تمشي يابو بندر ويا بو عبدالله وثرتوا الله لا يهينكم وهذا تشجيع للشعار وللمنتدى ،

وانا اطالب بالجائزة لمن حل اللغز لأنه أخذها من أيدي شعار كبار مثل ابو عابد وسهيل الشرق وابو ريان ،

فالعشاء لا يكفي والجائزة ستدفع انشاء الله من اللي امتدح بها ووالله اني ما شفت هذا الموضوع الا الآن الا اكون شفت العنوان وكنت مشغول ولكن مادري وش الموضوع،

على كل حال الجائزة متى تسليمها يابو بندر انت والاخ ابو عبدالله ،

حددوا الزمان والمكان باسرع وقت ،

تحياتوا لكم جميعاً ،

ابو شروق،