..::: الـــجـــــدران :::..

[.: الفـارس :.]

...::: الـجــدران :::...


المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالأحمر الناري ..
ومحاصرٍ باسلاك .. علقت بها وردة ..
أوراقها المنزل .. والبرعم الأفلاك ..
***
وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق ..

***
أما الثالث من الجدران ..
معلقٍ عليه صورة .. لإنسان ..
من دفتر نفوس .. مكبره ..
مدري جفونه مبخره ..
ولال تجاعيد خيوط .. دخان
وفي الركن كرسي خيزران ..
يجلس عليها الوقت ..
وجريدة ٍ عنوانها باهت .. تغفى على الإسمنت ..
وفوقها كوب فارغ .. وفتات خبز ..
وأصابع ٍ للجوع صفرا مكسره ..

***
ويبقى الجدار الأول ..
وهو أعرض الجدران .. وأكثرها وقار ..
وهو الوحيد اللي انبنا فـ نور النهار ..
بوابته على الطريق الرملي ..
صَفت أحجار درجها .. بصبر ..
وش كنها .. ؟؟
سنونٍ صفر .. في فمٍ مذهول ..
وظلما تشدك للدخول .. تشدك ..
وكل ما مسكت اكرة الباب النحاس بيدك ..
تلطخت بدم ٍ طري ..
الجرح نزفٍ يحتري .. أما الطعون ..
وين الطعون .. راحت ..

***
البيت ثلاث جدران .. ورابع ..
مالهم طابع .. يجمعهم ..
يشبهون أهلهم ..
وما صادفوا غير الحياة ..

وسلامتكم


...::: الــفـــارس :::...

[الغراني]

الفارس



مرحبا مرحبا


لاهنت لاهنت لاهنت


ماقصرت

تحياتي

[العناااا]

كلمات راااائعة جداً ..

لمهندس الكلمة : الأمير / بدر بن عبد المحسن ..

اختيار جميل جداً وراقي إنما يدل على ذائقتك الأدبية الجميلة ..

شكراً لمشاركتنا هذهِ الفاتنة ..

http://www.w6w.net/upload/24-07-2005/w6w_20050724152054076db405.gif
أرق التحايااا لك

[سعيد بن عبدالله]

أذا ضاق الانسان باللي داخله

وفمه مسكر ما يقدر ينطقه

تلقاه في جدران الحاره

وتبقى احيانا شاهدا على المعاناه

[.: الفـارس :.]

..:::الغراني:::..



تسلم تسلم





ولاتهون ولاتهون

[.: الفـارس :.]

اش بقت الحارة ماعلمتنا اخوي سعيد

الله يسقيها من ايااااام

ويسقي جدرانهاااااااااا ...... وشوارعها

ااااااااااااه ياحارتنا ..... اااااااااااااااه ياحارتنا