قدر الانســـــــــــان

[المسكت]

في نضرتك كيف انتهى قدر الانسان = والشمس ودي لو تدور وتجينا
الارض وجه الناس والخد بستان=والغيم يمطر من حنانه علينا
لك نضره ياصاحبي تجرح اعيان=تشعل لهيب الحزن بين الحنينا
بذمتك لنسان في عينك انهان=قلبك حجر ولا القسى فيك دينا
تدمي جروح القلب وتقول ولهان=مسكين مالك بالمشاعر يقينا
الا الكرامه مالها عندي احسان=خل العذر بينك وبين الونينـــــا
وش لي بحبٍ يلفض الروح خوان=يكفي عذاب قد مضت به سنينا
كنت احسب ان الهم في قسوته لان=وحنا على الهم القديم ارتكينا
وكنت احسب ان الفرح في قربنا حان=وحتى على درب المسافر غدينا
حتى جرحنا الليل في بوح خلان=وحتى قتلنا الصبح يوم اشتكينا
الهم دارٍ والمجاريح سكان=والشـــعر غيثٍ بالرضـــا يحتـــوينا
عفوا ترى للحب في قلبي اركان=لو ينتثر دمعــى رفعت الجبينا
ما ينتهى قدري ولو كنت خسران=حنا بشــر مهما اصبنا خطينا



تحياتي لكم جميعا
المسكت

[هنوفا]

هلا وغلا المسكت


ابداع راقى من انسان حساس ومرهف وشاعر متمكن من وصف ادق تفااصيل الحب وجروح المحبين
الـهـم دارٍ والمجـاريـح iiسـكـان 4 والشعـر غيـثٍ بالرضـا iiيحتوينـا
فعلا البيت هذا هو عنوان القصيدة كلها
حتى جرحنا الليل في بـوح iiخـلان 4 وحتى قتلنـا الصبـح يـوم iiاشتكينـا

المسكت احييك من كل قلبى واشكرك


هنوفا

[المسكت]

تحياتي لك هنوفووووووه

تغيب المشاعر يوما ما ولكن الاحساس لايغيب
فبنفسك قلدتيني روعه هذه الابيات
التى لن تزول من ذاكرتي
اشكرك وامل ان تنال اعجابك

المسكت

[نجم الجنوب]

الهم دارن والمجاريح سكان= والشعر غيثن بالرضا يحتوينا

تسلم والله اخوى المسكت وعسى الهم مايجيك ولا تكون امن المجاريح انشاء الله

مشاركه رايعه من شخص رايع وللمزيد انشاء الله

اخوك / نجم الجنوب

[المسكت]

تحياتي لك اخوي نجم
الله لا يحرمنى منك ابد اخوي
يعطيك العافيه
اخوك المسكت