قصه حب روعـــــــــــــة...

[جنوني]

قصه روعــــــــــــــــــــــــــة اتمنى انها تعجبكم ..





نبدأ القصة..


ود .. عمرها 23 سنه متخرجه من سنه من معهد الدراسات الادارية .. بعد تخرجها قدمت اوراقها في بنك ابوظبي التجاري اللي في شارع ابوظبي ..
ود بنت ناعمه وهادية .. جميلة وجمالها من النوع الطفولي عيونها صغار وثمها مرسوم فيها شيء يجذب لما الشخص يتكلم معاها .. تبهره باسلوبها وثقافتها العاليه .. تحب تقراء في كل المواضيع .. كانت مواضيع سياسية او اجتماعية .. عندها خلفية عن ادارة الاعمال .. بحكم تخصصها ..


يوم طلع قبولها في البنك كانت من اسعد الناس لانها حست انها بدت اول طريق راح تحقق في امنياتها ... كانت تتمنى تسوي شركه تجارية تقدر تاخذ تراخيص من بعض المنتجات المتوفره في بعض الدول .. الخاصه في الملابس النسائية والمكياج وخاصة انها تحب تسافر .. قبل لتدخل المعهد كانت متناقشة مع ابوها في موضوع مستقبلها .. وابوها من الناس المتفهم واللي شجعها على خوض هذه التجربة .. ووفر لها اشياء كثيرة ..
قدرت من خلالها تكتسب خبرة في مجال الادارة و التجارة ..


ود كانت وحيدة ابوها .. وامها مطلقة عن ابوها بعد ولدتها بـ 5 سنوات .. رغم هذا كانت تحب امها وابوها .. وعمرها ما فضلت حد على حد .. ابوها بعد ماطلق امها قرر انه يتفرغ لحياته ويربيها .. اما امها فكانت .. مدرسة .. وفضلت انها تظل بدون زواج وخاصة انها كانت متزوجه ابو ود .. عن حب .. لكن امه اللي اذتها في بداية زواجهم خلتها تعوف ابوها وتعوف تعيش معها في بيت واحد .. وهو ماكان يقدر يطلع بيت روحه لانه امه ماعندها حد وتحمل المشاكل عشان خاطر امه العيوز .. ورغم انه كان يحب فاطمة اللي هي ام ود الا انه رضخ للطلاق .. حتى مايسبب لامه أي مشكلة .. وبعد 10 سنوات من طلاقهم .. توفت امه وتركته وحيد مع بنته ..


كانت ود تحاول تخلي امها ترد حق ابوها لكن .. فشلت في الموضوع وخاصة انه خالها سيف كان رافض فكرة انها ترجع لزوجها بعد الانهيار اللي سببه لها الطلاق ... وكل مره كانت تحاول تقنع خالها كان يسكر الموضوع قبل لاتفاتحه فيه حتى ..


داومت ود في البنك .. وكانت من انشط الموظفات .. كانت اول وحده .. تحضر واخر من يطلع من الدوام ... كانت تتنقل بين الاقسام وتتعلم .. كل شيء .. عمرها مافكرت انها مب قادرة تحقق اي امنية هي حلمت فيها .. وفي نهاية كل اسبوع كانت في يوم الخميس تلتقي مع صديقاتها .. امل وموزه وسوزان اللبنانية .. اللي تعرفت عليهم في المعهد ولانها كانت حبوبه .. فعمرهم مافكرو يقطعون علاقتهم فيها ابد .. بالعكس علاقتهم زادت بعد ماتخرجوا .. وكان بينهم اتصالات ومكالمات بشكل شبه يومي ..
في يوم اتصلت امل في ود ..

امل:( هلا ود اشحالج .... )
ود:( تمام وانتي واخبار الخطيب ... )
امل:( والله يسرج الحال ... تمام .. معذبني.. في حركاته اللي ماتخلص بس شوي )
ود:( شو هو مايتعب )
امل:( ما اضن بس ولا يهمج .. خلنا نعرس والله لاصلبه لج .. )
ود:( قدها يا بنت مبارك .. الا شخبار امج ان شاء الله بخير .. وشو العملية ان شاء الله مب متعبتها )
امل:( شو اقولج امي الله يعينها .. فديتها من سوت العملية وهي ماتنش من السرير .. والله ياود خايفيين عليها كلنا )
ود:( الله يشفيها ... )
امل:( انا بغيت اكلمج في هذا الموضوع )
ود:( خير امل شو صاير محتاجه شيء .. انا حاضره غناتي )
امل:( تسلمين بس امي تفكر تزوج اخوي عبيد .. وانا الصراحه رشحتج وهي من يوم شافتج في المستشفى وهي تمدح فيج )
ود:( والله يامل شو اقولج انتي تعرفين نظرتي لهذا الموضوع ... انا مابا اخسر صداقتج .. ولكن انا للحين ما افكر في الزواج )
امل:( بس ياود متى !! مشالله عليج تخرجتي .. وجميلة وتشتغلين شو تبين اكثر )
ود:( انتي تدرين انا للحين ماحققت اي حلم انا حلمته .. ويوم احقق ولو جزء بسيط من احلامي ... راح افكر )
امل:( ياود العمر رايح .. وبتندمين يوم بتنتبهين بكرى لنفسج وانتي ماعندج سند )
ود:( الله يخلي اهلي كلهم سندي ... بس انتي لاتعورين راسج في الموضوع واذا تبين .. انا بخطب لاخوج )
امل:( لا يا ود انا كنت اتمناج حق عبيد والله لو يلف العالم مايلقى احسن عنج )
ود:( شو تقولين انتي لا ولا يهمج انا برشح له هدى بنت خالي سيف والله انها بنت فنانه .. واصغر عني ... صدقيني اذا شفتييها بتعجبج )
امل:( مدري شو اقولج بس خليني اشور امي واخوي عبيد وارد عليج )
ود:( خذي راحتج واذا عطيتني الضوء الاخضر بكلم خالي بس انتي لا تهتمين في الموضوع ...)
امل:( اوكي انا بروح اشوف امي )
ود:( سلمي عليها )
امل:( ان شاء الله .. وردي السلام على عمي )
ود:( تسلمين ... )

ود اللي كانت تحب الخير للكل .. عمرها مافكرت بنفسها واذا كان في خير هي فكرت ترده كانت تقدمه لاي شخص كانت تعتقد انه يستحقه وهدى بنت خالها اصغر منها وباقي سنه بتتخرج .. بس مشالله عليها كانت بنت راعية واجب .. والكل يحبها .. عشان جذيه فضلتها حق اخو ربيعتها احسن من يروحون ويخطبون وحده باجر تاذي امه المريضه ..


وتمت السالفة على خير وبالفعل خطبوا هدى .. واستانسوا من اختيار ود .. لانه هدى كانت بنت زينه وذربه .. والام طارت فيها ... وخلال 3 شهور كانت هدى معرسه ...
كانت ود مرتبه لها جدول معين .. تنش الصبح تتريق مع ابوها وتاخذ اخباره وتطلع بسيارتها تروح البنك .. بعد ماتخلص .. دوام كانت لازم تمر بيت امها وتقعد مع امها .. وبعدين ترد البيت .. رتبت نفسها على هذا الجدول ...
في يوم الاربعاء .. طلعت من البيت ... ماشافت ابوها في الصاله كالعاده .. رحت الحوي لقته يالس ... مع الزراع .. يعلمه كيف يبا يعيد ترتيب الحديقة .. حبت ابوها على راسه .. وتمت تتنشده .. عن الشير ..
ود:( شو ابوي شو ناوي تزرع .. )
الاب:( والله ودي ازرع هالبقعه كلها ورد جوري .. والله شو منظر يابنتي .. يرد الروح )
ود:( فديت روحك يابوي ... ابتسامتك بس ترد الروح )
الاب:( اصلاً شوفتج يابنتي .. وانتي مثل الورد تكبيرين جدام عيني ... تخليني اعيش الحياة وانا مرتاح ... انه الله عطاني بنت مثلج .. حنونه وحبوبه والكل يمدح اخلاقها ..ويحبها )
ود:( تربيتك يابود .. )
الاب:( والله انج تسوين عيوني يا ود .. مخبرتيني شو الدوام )
ود:(ماشي .. بعد شهرين بطلع اجازة .. ويالسه اسوي لهم خطه .. نرتب على اساسها اقسام الادارة .. )
الاب:( الله يوفقج ..)
ود:( صدق ابوي اليوم يمكن اتاخر في البنك .. عشان المدير مسوي لنا اجتماع ... ويبا ياخذ الافكار الاولية .. عن مشروعنا في الادارة )
الاب:( يابنتي بدون اذن بس زين عشان انا ناوي اروح مع ربيعي بو خلف البحر .. )
ود:( يعني تباني ابات بيت امي )
الاب:( اللي يريحج ... سويه )
ود:( خلاص ابوي انا ببات عندها اليوم وبكرى والجمعه قبل صلاة الظهر بكون هني )
الاب:( خلاص صار )


بعدها راحت وتلبست كالعادة وشلت شنطتها وطلعت ... في السيارة اتصلت في امها .. بس امها ماردت عليها ... قالت خلاص انا بتصل بعدين .. فكرت شوي وقالت في نفسها راح تسوي لها مفاجئة ... ارسلت لها مسج وقلت لها انه اليوم ماراح تزورها ... لانها احتمال تتاخر في البنك .. وارسلته على اساس انها بعد ماتتطلع من الشغل ... راح تمر البيت تاخذ ثيابها ... وتسير تبات عندها في اجازة الاسبوع هذا .. المهم في الدوام .. هي خلصت كل شغلها المطلوب للاجتماع ... وعلى الساعه 1 الظهر طلعت بريك راحت تتغدى مع سونيا .. صديقتها في البنك ..
سونيا:( شو مبدك تاكلي ايشي )
ود:( لا سونيا مالي نفس تعرفين احس بطني يعورني .. الظاهر هذا كله من عصير البرتقال .. )
سونيا:( مليون مره التلك ماتشربي حمديات هيدا بيأثر على المعده بس مابتسمعي الكلام .. )
ود:( خلاص انا بسير عيادة الدكتور زهرة بعد ما يخلص الدوام .. تعرفين اللي في العمارة الذهبية ... في مجمع الدكتور سامي ... تعرفينها .. )
سونيا:( لا )
ود:( شفتي بنك دبي التجاري ... مب جنبه عمارة ذهيبة ... فوق في الدور ال30 فيه مجمع ... تشتغل فيها الدكتور زهرة ومجموعه من الاطباء .. انا ارتاح لهذي الدكتورة وايد )
سونيا:( خلاص طمنيني عنك بعد ماتروحي )
ود:(ولا يهمج )


رجعوا الدوام وبالفعل ... خلص الاجتماع ... ونست تاخذ موعد من الدكتور .. وعلى الساعه 8 في الليل خلص الاجتماع .. وطلعوا الموظفين .. بس يوم يت بتطلع ناداها المدير ..
المدير:( لو سمحتي يا انسة ود )
ود:( نعم حضرة المدير ...)
المدير:( ود انتي من الموظفات اللي يفتخر فيهم البنك .. واتمنى تظلين على نشاطج المتميز دائماً )
ود:( اشكرك استاذ علي وان شاء الله... الله يقدرني واقدر اخدم بلادي وارد جزء من اللي قدمته لي هالبلاد )
المدير:( انا كان عندي بعض الجداول والصراحه متضايق من نتيجتهم ولاني ما اثق الصراحه في بعض الموظفين راح اعطيج الكود .. عشان تراجعينه متى مالقيتي فرصه خلال هذا الاسبوع )
ود:( ان شاء الله ولا يهمك راح اخلصه لك اليوم )
المدير:( لايا ود انا مابا اتعبج يكفي انج تميتي للحين )
ود:( لا عادي انا مستأذنه من ابوي على التاخير وساعه ماراح تسوي شيء )
المدير:(اللي يريحج .. هذا مفتاح القسم عندي وهذا رقم الكود واذا احتجتي شيء بيكون شفيق خان تحت امرج )
ود:( خلاص انا بحاول ارجع كل شيء واطلع ويوم السبت بعطيك المفاتيح .. )
المدير:( ليش بكرى مابتداومين )
ود:( لا لانه عندي موعد الصبح في ابراج الامارات بخصوص مشروع قدمته لهم وانا مرتبه اجازتي تكون بكرى )
المدير:( خلاص ياود انا عندي نسخ واقدر اعتمد عليج )
ود:( شكراً استاذ علي .. )


راحت ود على الساعه 8 وربع القسم وتمت تراجع وماكان حد موجود غيرها في هذا القسم .. حست بالالم في معدتها .. تذكرت انها ما خذت موعد من الدكتوره .. بس هم عندهم طواري هذا اللي تتذكره .. خلصت شغلها .. وعلى الساعه 9 ونص ... .. قفلت القسم وتاكدت من كل شيء.. سلمت القسم حق شفيق خان وطلعت
على شارع ابوظبي كانت مستويه حادثه والمكان زحمه .. حبت تقضي وقت اتصلت في موزه ..
ود:( مراحب هنوده وين ماما )
هنوده:( مني )
ود:( عطيني اياها حبيبتي )
ود:( هلا موزه ... شو اخبارج واخبار .. جاسم ... )
موزه:( والله انا بخير وجاسم مسافر .. كنت بسوي لج تلفون .. لاني بعتذر عن بكرى )
ود:( ليش .. )
موزه:( والله امل كلمتني وقالت انه خطيبها عازمها على السينما وانا الوحام متعبني )
ود:( شو ماخبرتيني يا الدبه انج حامل )
موزه:( في الشهر الرابع اللحين .. )
ود:( يالظالمه وانا اخر من يعلم )
موزه:( والله كنت اتحسبج تعرفين .. شو ماشفتي الكرشه الخميس اللي مضى )
ود:( ايه تعالي وانا اقول هذي بلاها متنت اثرج حامل .. الف الف مبروك خلاص اللحين من تيبين بنت تسمينها ود )
موزه:( ولا يهمج فالج طيب ... انا كم ود عندي ... )
ود:( خلاص اتصلب بامل وسوزان وخبريهم اني بتم عند امي ونلتقي الاسبوع اللي عقب .. )
موزه:( اوكيه بس بتوحشوني ..)
ود:( حتى انتوا .... خلاص موزه بخليج بروح عند دكتورة زهرة )
موزه:( سلامات شو صاير )
ود:( لا بس بطني وايد يعورني ... من اشرب اي شيء حامض يتم يعورني )
موزه:( بسم الله عليج لايكون فيج قرحه في المعده )
ود:( والله مادري ... بسير وبشوف )
موزه:( خلاص عيل سلامي على عمي )
ود:( ان شاء الله )

سكرت ود ووقفت سيارتها .. في الباركنات اللي وراء العمارة .. كان فيه مجموعه سيارات موقفين في الفضى .. ولانها ماتبا الزحمه وقفت سيارتها معاهم...


يتبع......

[جنوني]

الجزء الثاني وصل حتى من غير أي تفاعل معاي ترى
القصه خيالية بس طويله حطو في بالكم اخر جزء انزله من غير تفاعل ...



دخلت العمارة ... ومالقت اي حد حتى بواب مافيها ... قالت في خاطرها يمكن يكون رايح حق حد فوق او شيء .. كانت العماره هاديه .. لانها كانت يديده ومحد ساكن فيها .. اللهم بعض العيادات وبعض الشقق اللي حولوها شركات .. العماره وايد عيبتها وخاصة انها يديده فكرت انها بعد ماتروح حق الدكتورة ... تمر على بعض الشقق تشوفهم كيف من داخل يمكن تاخذ شقة حق شركتها وتنفذ مشروعها اللي كانت تحلم فيه ..






دخلت اللفت .. دقت على الرقم 30 وانتظرت .. على الطابق 18 وقف اللفت دخلت معاها حرمه هنديه .. وهم في اللفت سمعت صوت .. مثل الشي اللي يتكسر .. سالت الهنديه قالت لها عادي لانه العماره يديده فهذا شيء هم متعودين عليه .. بس في الطابق 29 نزلت .. وصلت الطابق 30 ورحت صوب المجمع .. كان فيه كم واحد .. والممرضه الفلبينية .. راحت قسم انتظار الحريم وقعدت تنتظر دورها .. بعد ما سجلت اسمها كحاله طارئة ... بعد ... نص ساعه دخلت عند الدكتورة كانت الساعه 10 ونص .. ..
ود:( هلا دكتوره )
الدكتورة:( هلا انسه ود ... شو اخبارك )
ود:( تمام والله يت اباج تكشفين علي ... بطني وايد يعورني )
الدكتورة:( اوكي روحي على سرير الكشف )



راحت ود .. ورقدت على السرير وياتها الدكتورة وعاينتها ... قالت لها انها شيء بسيط وتبتعد عن اي شيء حامض وعن المأكولات الحاره .. وعطتها بعض الادويه المضادة وقالت لها تراجعها بعد اسبوع ...




طلعت ود من العيادة ... كانت تقريباً فاضية ماعدا اثنين او 3 موجودين فيها ..
دخلت الفت وكبست علىG وتمت تنتظر ... يوم وصلت سمعت صراخ اثنين من الهنود .. وهي تمشي لقت البواب .. وربيعه يالسين يتضاربون .. من اللي راح يسهر على الحراسه .. وحد يقول انا احق والثاني يقول لا امس انته طلعت .. انتظرتهم لين ينتبهون عليها ... في النهاية انتبهوا...
قالت لهم ودها تشوف وحده من الشقق المعروضه للايجار ... قالوا لها انه الشقة في الطابق ال50 رقم 502 .. والشقة اللي بالطابق 35 رقم 304 مفتوحات وممكن تشوفهم ..




ركبت اللفت وكبست على الرقم 35 ويوم وصلت ... شافت الباب مفتوح دخلت الشقة رقم 304... كانت عباره عن غرفتين وصاله ومطبخ صغير وفيها حمامين .. عجبتها ... وسكرت الباب وطلعت ... ركبت الفت مره ثانيه وكبست الطابق 50 تبا تشوف الشقة رقم .. 502 .. وصلت الدور كانت الشقة على اليمين .. وقدامها شركه للملاحه البحريه .. راحت صوب الشقه 502 بعد كانت مفتوحه .. بس هذي كانت اكبر فيها صاله واسعه ..وثلاث غرف .. عجبتها اكثر من اللي تحت .. تمت واقفه قراب الساعه .. تحلم شو راح تسوي فيها .. وقعدت تصمم ديكوراتها في بالها .. وخططت انها راح تعين سوزان صديقتها عشان تمسك لها السكرتاريه وخاصة انها شاطره في هذا المجال لانها للحين مالقت شغل .. وقعدت مع احلامها ... انتبهت على صوت المبايل .. كان يرن لانه قريب مايفضي ... قالت خلاص .. بطلع وبنزل وبحطه على الجراجه في السيارة .. راحت صوب .. اللفت .. ودقت علي .. bush.. وانتظرت .. تاخر عليها اللفت .. تمت تنتظر كانت تشوف انه يوصل الدور ال 40 ويوقف وبعدين ينزل ... فكرت تنزل من الدري بس المسافة طويله .. بتتعب .. وهي بروحها تعبانه ... انتظرت 5 دقايق .. واخيراً وصل

((( اول ســـ 6ــــت ساعات ))))






... كان اللفت فاضي .. ركبت ودقت على الدور التحتي وتمت .. تشوف الارقام .. وقف في الدور .. ال 30 ركب معاها واحد .. اسمراني .. لابس كندورة بس مش متسفر ولا متغتر .. قالت في خاطرها شكله من الحلوين اللي يحبون القصات والحركات الشبابية في يده غرشة ماي .. مشروب منها شوي .. وكيس صغير .. صدت الصوب الثاني وتمت تلعب في تلفونها ... وقف اللفت على الدور 25 بس محد كان واقف .. قالت اكيد حد من اليهال .. يلعب .. وشافت الريال يتأفف .. قالت اكيد عنده شغل بعدين وقف على الدور 20 .. وهي مب مهتمه وايد .. بعدين وقف على الدور عشرة بس ما انفتح الباب ورجع الدور 50 ... هني هي خافت .. شو سالفة هذا الفت .. في خاطرها ... تقول شو هالشركات الزفته ... التفت عليها الريال .. قالها
الريال:( لو سمحتي انتي ساكنه هني )
كانت متردده ترد ... ود: ( لا انا كنت عند الدكتوره زهرة في المجمع الطبي )
الريال:( لا بس مدري شو هاللفت الخايس ..)
كانت نبرته تدل على انه متضيق وراه موعد او شيء
ود:( مدري اللحين تلقى حد بيركب ويانا ويالسين يدقدقون .. )
الفت وصل الدور 45 وقف .. وبعدين نزل مره وحده وقف بين الدور 35و 36 من حركه الفت طاحت ود تحت .. لانها ماكانت منتبه .. اللفت كان واسع شوي ويوسع 12 شخص .. بس بعد يخوف ..هني حست بالخوف وخاصه انه تلفونها .. عطى اشارة سقنل انه فاضى نهائي ..



اعتدلت في الوقفه وفكرت تطلب من الريال معاها انه يتصل باي حد ..
ود:( اخوي اتصل حق الشرطه او اي حد .. يشوف هذا الفت شو فيه )
حط ايده في مخباه .. تذكر انه ما شل المبايل وياه وخلاه في السياره تحت .. ماشل معاه الا البوك وجهاز التنفس ماله .. اللي مايقدر يستغني عنه .. ومفتاح سيارته ..
الريال:( انتي ماعندج تلفون )
ود:( ايه بس مفضي ونسيت اجرجه اليوم لاني لهيت في الشغل )
الريال:( دقيقة بشوف التلفون مال الطواري .. حاول يفتح العلبة بس كانت وايد مرصوصه .. بس في النهاية فتحها ... )
الريال:( هذا مافيه خط .. )
ود:( خلني اجرب )
عطاها السماعه حاولت .. بس بدون فايده .. كانت الساعه .. 11ونص .. يلست تدعي الله انه يفج ازمتهم ... حاولت تفج التلفون ترسل مسج بس كل ماترسل يتسكر .. طلعت اوراق الدكتوره اللي عطتها اياهم عشان الاكل الصحي من شنطتها عشان تلهي عمرها .... على بال ماينتبهون انه اللفت واقف ... او اي حد يطلب اللفت .. قعدت على الارض .. مسكت الاوراق قالت بيلس اقراهم ...
الريال:( والله انج متفيجه )
صدت صوبه مستنكره الكلمه اللي قالها ...
ود:( ليش )
الريال:( اللحين حنا عالقين هني وانتي يالسه تقرين هالاوراق .. )
ود:( شو تباني اسوي اصارخ يعني ... احنا في الدور 35 يعني ما اضن حد يسمعنا ... ولا حد بيعبرنا الا اذا حد يبا اللفت ... )
الريال:( والحل في اعتقادج )
ود:( ننتظر الله يرحمنا ويرسلنا حد )
الريال:( بس انا ماروم انتظر اكثر )
ود:( ليش ... ما انا يالسه هني )
الريال:( طيارتي الساعه 12 ونص )
ود:( خلاص ان شاء الله بيون وبيفتحون اللفت قبل لاتطير عنك الطيارة بس انته ادعي ربك )
رجعت تقراء الاوراق .. حست بالم .. قوي في بطنها ... تذكرت انها ماكلت اي شيء .. بس قالت لابد ماينتبهون .. خلصت الاوراق كانت الساعه 12 وربع .. كان الريال يالس يروح ويي .. طول الوقت وكل شوي يحاول في تلفون الطواري... .. احيانا كان يضرب الازرار يمكن يتحرك اللفت بس هو كان واقف .. مكانه ...
الريال:( مابقى شيء على الطيارة ... )
ود:( خلاص اكيد بيلغون رحلتم وبكرى سافر )
الريال:( لازم الليلة ... ابوي بيسوي عملية قسطرة في لندن )
ود:( اه .. الله يشفيه )
الريال:( امين .. )
طلعت تلفونها حاولت مره ثاني ... يمكن تقدر تسوي شيء فيه ... بس ماكان فيه اي فايده ...سندت راسها على طرف وغمضت عيونها ...
الريال:( شو ناويه ترقدين )
ود:( لا بس شو اسوي .. تعبانه واحس بطني وايد يعورني .... وماكلت شيء من الصبح )
الريال:( عندي اسنكرز تبين )
ود:( ما احب السنكرز )
الريال:( شو تحبين عيال .. )
ود:( امممم احب مارس ... والجلاكسي )
اشوفه قعد عند باب اللفت وتسند ... رجع سالني
الريال:( ممكن اعرف اسمج )
ود:( ود .. وانت )
ثابت:( ثابت )
ود:(عشات الاسامي .... )
ثابت:( شو كنتي تسوين عند الدكتورة ... )
ود:( بطني يعورني شوي )
ثابت:( حامل ... )
ود:( لا انا مب متزوجه بس ربيعتي تعتقد انه بي قرحه لاني اشتكي دوم من اشرب شيء حامض )
ثابت:( تصدقين عندي ربيعي جذيه من ياكل شيء حار او حامض وايد يتعب )
ود:( ايه بس طمنتني الدكتورة قالت لي انه مافيني شيء )
ثابت:( الحمدلله )
ود:( شرايك نلعب .... )
بطل عيونه فيها ... مستغرب من كلامها .. في خاطره يقول شو هذي ماتحس .. اللحين وقت الواحد يلعب ... والله ماعندها سالفة
ثابت:( والله متفيجه )
ود:( شو تباني اسوي .. اتم اصيح )
ثابت:( احسن عشان احس انج بنت )
ود:( ليش جدامك ريال )
ثابت:( لا بس اغلب الحريم ... من يتعرضون لهمواقف يتمون يصيحون .. ويسون بلاوي ويزيدون همك هم ... بس انتي غير )
ود:( ايه بس انا ما اخاف .. لاني مؤمنه انه الله مايترك عبده في ضيقه .. وبعدين شو اخس عن الموت ... اذا بنموت هذي ساعتنا )
ثابت:( موتي بروحج )
ود:( حتى انته بتموت لو الله كاتب )
ثابت:( ايه بس مب اللحين )
ود:( شوف هذا شو يقول انته .. هي هذا مكتوب علينا .. مب بكيفك )
ثابت:( اوكي صخي خلاص مابا اسمع محاضرات )
ود:( كيفك .. بس لاتكلمني )
ثابت:( عاد انا بموت واكلمج )
ود:( فكنا واللي يخليك .. )
صدت عنه وقعدت تلعب في شنطتها .. لقت قلم وبعض الاوراق .. ولقت حلاوه بطلت حبه وخذتها .. مدت يدها
ود:( تفضل)
ثابت:( مابا مشكور )
ود:( على راحتك )
ثابت:( اللهم طولك ياروح .. معقوله محد درى عنا للحين ... )
ود:( والله مدري تعال نحاول نفتح اللفت .. من فوق )
ثابت:( شو قالولج جمس بوند جدامج )
ود:( لا بس كل الافلام الامريكيه جذيه يسون )
ثابت:( شو تحبين تشوفين افلام )
ود:( الصراحه احب اسير بس تعجبني الافلام الهادف )
ثابت:( ايه اللي يبطلون فيها الفتات من فوق )
ود:( اوووه مايسوى اقترحت عليك ... )
ثابت:( لابس كلامج يقهر الصراحه .... ماتشوفين انه مافي مكان اقدر اركب واولص للصقف ... )
ود:( تصدق مانتبهت ... )
ثابت:( ايه عاد انا انتبهت ... ولو كان فيه كنت من زمان حاولت عشان افتك واسفر )
مرت ساعتين ... ومحد .. انتبه على وجودنا ابد ... ود قلبها بدى يدق .. بدت تخاف معقوله الساعه 2ونص ولحد اللحين محد سال عنهم .
ود:( ثابت انته متزوج )
ثابت:( لا ... )
ود:( شو تشتغل )
ثابت:( ماشيء انا عندي شركه مقاولات ... )
ود:( والله ... شو حلو الشغل.. وكيف تدير الشركه وكم موظف عندك ؟؟ )
كانت متحمسه بجد لانها حست انه ممكن تستفيد من خبرته ...
ثابت:( طاع هذي .. والله اشك انج بنت طبيعية )
ود:( ليش )
ثابت:( اللحين يالسه تساليني عن الشركات .. والله اول مره في حياتي اشوف حرمه مثلج عجيب ... )
ود:( ليش يعني انا دارسه ادارة .. واعرف في هذي الامور )
ثابت:( وعلى هذا تشتغلين )
ود:( ايه في البنك )
ثابت:( وش وظيفتج اكيد في الرسبشن .. متعودين يحطون البنات الحلوات هناك عشان يسون جذب حق الناس )
ود:( هي انت شو تحسبني .. بنت شوارع ... انا اشتغل مديرة العلاقات العامه ... )
بطل عينه مستغرب من كلامها.....
ثابت:( مستحيل .. انا ماعطيج الا20 سنه ومديرة ... اكيد شغل واسطات هذا )
ود:( اي واسطه اي خرابيط لا انا الحمدلله خلال فترة بسيطه قدرت اثبت .. كفائتي ... ومديري يثق فيني .. وعيني مؤقت بدل مستر ثميث اللي طلع اجازة )
ثابت:( مؤقت ... اه جذيه .. يعني مديرة مؤقته )
ود:( شو فيها ... احسن منك )
ثابت:( هاااااي ليش ان شاء الله ... شو شايفتني ... موظف شراتج )
ود:( لا رجل اعمال فاشل )
سكت عنها وابتسم ... سند راسه للباب .. وماعلق ابد ...
شافت الساعه كانت يايه على الاربع ... يالله معقوله محد لين اللحين سال فيهم ... مب معقوله وين اهلهم ... تذكرت انه ابوها مب في البيت ويعتقد انها عند امها .. وهي قالت حق امها انها مابتروح .. حست بغصة .. يعني ولا حد يدري هي وين ... صدت على صوب .. نزلت دمعه غصبن عنها .. هذا موقف تنحط فيه .. شو بيصير عليها اللحين ...
ثابت:( ود بلاج .. ضايقتج بكلامي ... )
ود:( لا مافيني شيء ... )
ثابت:( انزين كنتي تقولين تعال نلعب .. شو تبين تلعبني .. )
ود:( كنت بلعب معاك مشنقة .. )
ضحك علي ... وقال
ثابت:( يالله عندج اوراق .. )
ود:( ايه )
وطلعت القلم وجلبت اوراق الدكتورة وسوت مشنقة .... وبديو يلعبون ..
كانت تسوي المشنقة .. وتشنقة ... قبل لايخلص .. وكان ينقهر منها ... وتمت على هذا الحال .. لين سمعوا صوت في اللفت .. ضحكوا من الفرحه ماكانوا مصدقين .. معقوله حد انتبه .. عليهم. يلسوا يصارخون .. ويدقدقون اللفت ... عشان يعرفون هم اي دور بس بعد شوي ماكان فيه اي صوت ... ورجع المكان هادي ..
ود:( يمكن يحاولون يصلحونه )
ثابت:( يمكن ... )
ود:( احس بعطش ... )
ثابت:( اندوج ... هذي دبت الما ..)
ود:( مشكور )
شربت شوي ... ورجعتها له ..
ثابت:( ود شربيها انا ماباها ... )
ود:( لا بس خلاص شبعت )
ثابت:( شو انتي دوم جذيه ... )
ود:(لا بس انا والما مب إصلاح )
ثابت:( مب زين لازم تشربين ماء وايد ... عشان البشرة والجفاف )
ود:( سمعوا من يتكلم ... )
ثابت:( لا والله اتكلم جد ود ... انا اذا ماشربت ماء احس انه جسمي كله يجف عشان جذيه دبت الماء دوم معاي .. )
ود:( صدق ثابت شو كنت تسوي عند الدكتور فوق ... )
ثابت( احس هاليومين صدري وايد يضيق علي بالذات يوم ارقد .. اختنق .. شو اسوي فيني ربوا من يوم صغير )
ود:( اه ... عشان جذيه جهاز تنفس وياك )
ثابت:( ايه ... تعرفين الانسان ...لازم يخاف على صحته ..بس قالي الدكتور انه احتمال يروح عنك .. وخاصة انه صاير لي وانا صغير )
ود:( ان شاء الله ... )
كانت الساعه 6 الصبح .... حست ود بالنوم .. بس المكان .. اللي هم فيه مستحيل يخليها ترقد ...






يتبع.....
انشالله الاقي ردود عشان اكملها:qlbe23:

[سلطان الساهر]

:36_1_11[1:bawling:

[جنوني]

تسلم اخوي عبدالعزيز على مرورك....

[زهورة جده]

ياااااااااااااااااااااااااي
القصة رووووووووووووووووووووووعة
تسلمي جنوني على المشاركة المبدعة
ولا يهمك اذا التماسيح ماتفاعلوا السحالي فيهم
الخير والبركة..:36_6_3[1]

[زهورة جده]

ننتظر باقي القصة منك ياحلوة..
yya)
مع خالص حبي لك..

[جنوني]

تسلمي زهورةجده



لعيوووووووووووونك بس ولعيون عبدالعزيز اليوسف



تسلمو..

[جنوني]

*خارج نطاق اللفت *


ام ود كانت .. تتصل بود على الساعه 11 .. ولقت التلفون يعطيها مغلق .... حاولت مرتين بس بدون فايده .. قررت انها الصبح على الساعه 8 راح تتصل فيها وتشوف ليش مامرت عليها مثل كل يوم
اما ابو ود كان في رحله مع ربيعه ... ومطمن على انه ود راحت عند امها .. واتصل فيها على الساعه 12 .. بس لقى تلفونها مغلق .. قال اكيد شافت امها ولهت معاها ... الحريم ماتخلص سوالفهم .. وقرر يوم يرد العصر يمر بيت سيف عشان يشوف ود لانه كان متوله على بنته ..



في العماره ... بعد متضاربو .. السكيورتيين ... قرروا انه كل واحد يسوي اللي على هواه .. وكل واحد منهم عطى نفسه اجازة .. واحد راح رقد والثاني طلع صوب ربيعه في العماره الثانية ..


اما السكان ... فكانت الساعه 1 يوم انتبه شخص انه اللفت متعطل .. وماسمع صوت .. قال اكيد محد فيه ... ولانه ساكن في الدور .. الخامس .. ماهتم ونزل على الدري ...


وفي شخص ثاني ... كان عنده مناوبه في المجمع .. حاول مع اللفت عشان كان يبا يروح يشتري له علبة سجاير ويوم لقى انه اللفت متعطل .. رجع داخل .. واتصل في السكيورتي .. وترك له رساله ..
يبلغه فيها انه اللفت متعطل ..





(((( ثاني ســـ 6 ـــت ساعات ))))



تعبت ود من الانتظار وكانت .. نعسانه .. وودها ترقد بس مستحيل النوم ييها وهذا وضعها .. تسندت على زاويه في اللفت .. حاولت تغفي شوي .. بس بدون أي نتيجه ...لانه أي حركه كان يسويها ثابت كانت تخليها تفتح عينها وخاصة انه .. يتحرك ويروح ويي ويجرب التلفون ... بدون أي نتيجه ...

ثابت..( شو بترقدين )
ود..( فيني رقاد .. ناشه من الساعه 6 .. )
ثابت..( رقدي .. واذا صار شيء بوعيج )
ود..( مايني نوم وبعدين انته رايح ياي .. كيف برقد وانته ماتهدى شوي )
ثابت..( كيف اهدى .. تعرفين اللحين عملية ابوي بعد ساعه ... احس اني ميت قهر .. واهلي كلهم مسافرين ومحد في البيت ... يعني محد بيسائل عني )
ود..( شو خايف ... )
ثابت..( لا مستانس وبطير من الفرحه اني انحبست في لفت من 7 ساعات مع وحده ... )
ود..( لا وتتطنز بعد .. شو يعني انا اللي حبستك .. والله العظيم تقهر )
ثابت..( لا بس اسئلتج تافه وبايخه )
ود..( اسم الله عليك انته اللي سوالفك تونس عاد )
ثابت..( انتي بتسكتين ولا )
ود..( شو بتضربني قصورك ... شو مرتك وانا مادري )
ثابت..( اللهم طولك ياروح ذبحتيني تراج .. الله يعين اللي بتاخذينه)
ود..( فديت ريلي ... اصلاً هو بياخذني لاني جذيه )
ثابت..( بنشوف .... )
ود..( ههههااااااي )
ثابت..( ماقلت شيء يضحك )
ود..( لا قلت .. اللحين اللي يسمعك يقول بعرفك عقب مانطلع .. اصلاً انا من صوب وانته من صوب ... )
ثابت..( اسمعي بس سكتي .. تراج اذيه وانا مب متحمل خرابيطج وطوله لسانج )
ود..( اوف منك .... )


قعد ثابت على الارض ..وتم ساكت ... كان شكله تعبان ومرهق ....


ود..( ثابت بك شيء)
ثابت..( لا )
ود..( لا صدق فيك شيء )
ثابت..( قلت لج لا .. بس سكتي خليني ابا ارقد شوي )


سكتت ود عنه ... حاول يرقد بس كانت رقدته مب مريحه لانه طويل .. ومستحيل اللفت يكفيه ... عطته ود شنطتها عشان يحطها تحت راسه يمكن يرقد .. خذها وحطها تحت راسه .. شوي وسمعت ود شخيره .. تمت تضحك عليه خافت انه تنششه ..

يوم رقد ثابت كانت الساعه سبع وربع ... غمضت ود عيونها يمكن تقدر ترقد شوي .. خاصة انه اللحين النهار طلع واكيد الكل بيحتاج اللفت .. ولابد مايطلعونهم .. منه .. هانت كلها ساعه او اقل ويسمعون حركة الناس ...

حاولت ترقد وتذكرت انه الساعه 8 هي مرتبطه بموعد في ابراج الامارات عشان تناقش مشروعها ...فكرت كيف بتجابلهم وهي جذيه تعبانه قالت في نفسها خلاص هي مابتروح وبتتصل فيهم اول ماتركب السيارة وبتروح ترقد عند امها ...



*خارج نطاق اللفت *



ام ود ردت اتصلت كانت تدري انه ود عندها موعد ... بس لقت تلفونها مغلق .. حست بخوف على بنتها ... معقوله ماتتصل فيها ولا تسال .. طلعت برع غرفتها .. طلبت من البشكارة تنادي لها الدريول لانها بتطلع ..

وهي طالعه شافت اخوها سيف ..

سيف..( وين سايرة فاطمه من الصبح )
فاطمه..( ماشيء بسير اشوف ود في البيت )
سيف..( ليش شو صاير .. عسى ماشر ود فيها شيء ؟؟! )
فاطمه..( اتصل فيها من امس وتلفونها مغلق )
سيف..( يمكن طالعه مع ابوها اتصلتي في حميد .. )
فاطمه..( هي وتلفونه هو بعد مغلق )
سيف..( اتصلتي البيت عندهم .. )
فاطمه..( لا )
سيف..( اتصلي ... وشوفيهم يمكن مب منتبهين على تلفوناتهم .. )

اتصلت ام ود وبعد محد رد عليها ... قلبها انقبض ..

فاطمه..( لا الوضع مايطمن يا سيف لايكون طب عليهم حرامي ولا شيء انا لازم اسير )
سيف..( الله يهديج .. شو حرامي ماحرامي ... تلقين حميد يالس عند زراعته وبنتج عنده برع )
فاطمه..( .. على العموم انا بسير اطمن بنفسي على بنتي )

وطلعت امها من بيت اخوها اللي كانت عايشه فيه ... وخاصه انه هو الكبير بعد ماتوفى ابوه ..


راحت صوب بيت طليقها .. ويوم وصلت نزلت .. دقت الجرس .. ماكان حد موجود .. شوي الا تسمع صوت الزراع ..فتح لها الباب .. دخلت البيت ... وراحت الصاله كان البيت فاضي محد فيه ... سالت الزراع عن حميد .. قالها محد .. سالته عن ود بعد قالها محد .. نادت البشكارة .. سالتها عنهم قالت نفس الكلام ... قالت اكيد رايحين مكان ... بس وين بيكونون ... طلعت ورجعت بيتها ..



في البحر ... بو ود حس بصدره مقبوض ... راح صوب تلفونه افتحه .. اتصل في ود لقى تلفونها مغلق ... اتصل في تلفون بيت سيف محد رد .. ماكان حافظ تلفون طليقته .. نش وسار حق ربيعه وقاله انه يبا يرد .. لانه خايف على بنته ..



* داخل اللفت *



على الساعه 9 كانت ود تسمع صوت شخير ثابت .. تقول في خاطرها .. هذا في قعدته مزعج وفي رقاده مزعج ... اووف شو هالبلاه ...

كانت مغمضه عينها يوم سمعت صوت غريب ... وصوت شخير ثابت راح فتحت عينها لقت ثابت مختنق ... وشكله ... مخضر كانه حد زاقدنه .. فاتح عينه وصايرات حمر.. يحاول يتنفس مب قادر .. نشت صوبه.. حاولت تكلمه بس بدون فايده .. تمت تضربه وتصارخ فيه .. بدون أي نتيجه كان شكله يخوف .. عيونه طالعات على برع .. ويدمعن .. ويزبد ومب عارفه شو تسوي تمت تصارخ فيه ...


قامت تدور في كندورته لقت جهاز التنفس ... عدلت وعطته جرعه .. لقت وضعه تحسن عطته جرعه ثانيه .. تم يكح .. يوم سمعت كحته .. تمت تصيح ... كان شكله وايد مرهق .. حطت راسه في حضنها ... وتمت تطالعه.. مب عارف شو تسوي فيه تحس انها مسؤوله عنه ... كأنه ياهل .. خافت عليه ... شافت وضعهم ... تمت تصيح زياده .. حاولت تننششه وتشربه ماي .. فتح عينه .. شرب ماي ورجع رقد .. خافت اكثر كل شوي تقومه .. كانت تبى تتطمن عليه .. بعد ساعه صحصح .. نش .. وكان يشوفها متعجب ..



ثابت..( وين نحن )
ود..( بعدنا في اللفت )
ثابت..( تصدقين كنت اعتقد اني مت .. بس تدرين .. مشكورة ... لو مب وجودج .. مدري شو كان بيصير ... )
ود..( كنت بتموت .. )


تمت ود تصيح من خاطرها .. ثابت مب عارف شو يسوي ..


ثابت..( ود ارجوج سكتي قطعتي قلبي .... اسمعي اكيد اللحين بينتبهون ... خاصه انه كل الشركات ... يبدون دوام .. ولابد مافي مراجعين ... والعيادات ... بتفتح )

حاولت تسكت ومشت دموعها .. تم ثابت يطالعها

ثابت..( اللحين انتي مسويه نفسج جونكر .. اخر شيء ظهرتي جي )
ود..( شو جي ... والله ماشفت شكلك تقول واحد زاقدنك ... شو تباني اسوي .. واحنا في اللفت اللي مب طايع يتحرك ... تخيل لو ماكنت يايب جهاز التنفس مالك ..)
ثابت..( بس يبته وانتهى الموضوع )
ود..( ايه شو عليك ... انته تمرض وانا ابتلش بك ... )

تم يضحك ..

ود..( شو فيك تضحك ماقلت نكته )
ثابت..( لا بس تذكرت مقطع لاغنية حق كاظم الساهر .. نفس معنى كلامج .. )
ود..( شو هي )


وتم يغني ... وين اخذك .. وين انهزم بيك .. بضلوعي لو بعيوني اخليك ... جابتك وتبسمت امك ... وانا على راسي شلت همك .. هي اللي عليها سمت اسمك .. وانا اللي عليا ابتلي بيك .. ويردد المقطع ويضحك ..
كان صوته وايد حلو ...


عجب ود اللي قالت له


ود..( اقول ليش ماتغني صوتك وايد حلو .. )
ثابت..( شو اغني تبين ابوي يروح فيها .... )
ود..( ليش يعني )
ثابت..( انا اكبر اخواني ومرشح اني امسك شركات ابوي وجميع اعماله ... وخاصه انه ... تعبان مثل ماقلت لج )
ود..( زين وش يخص هذا بهذا )
ثابت..( شو غبية انتي ماتفهمين .... كيف تبيني اغني واهلي كلهم ناس معروفين في البلاد ... )
ود..( اه .. انزين ... اللحين شو نسوي في هالمصيبة ... )
ثابت..( خلاص هانت .... صبرنا طول الليل تعتقدين محد بينتبه اللحين ... )
ثابت..( ان شاء الله )


في هاللحظه سمعنا صوت ... قوي ... كان في حد بالفعل يسوي شي بس مب عارفين وين ... شوي نسمع حد يحاول يفتح الباب .. كان ثابت يساعدهم ... لين فتحوا الباب .. كانوا شرطه ومعاهم كم شخص ....



الشرطه..( انتوا بخير )
ثابت..( ايه بخير حضرة الضابط بس ياريت تطلعونا بسرعه ..)
الشرطه..( كم واحد انتوا )
ثابت..( احنا اثنين انا ومعاي بنت ..)
الشرطه..( من متى وانتوا هني )
ثابت..( من الساعه 11 في الليل .. )
الشرطه..( شو اسمك ... )
ثابت..( ثابت .... )
الشرطه..( اخوي ثابت ... اللفت حباله كلها متقطعه .. هذا كلام الاختصاصي ... ولازم تلتزمون الهدوء لانه أي حركه ممكن تسبب كارثه ... احنا بنحاول نطلعكم بس محتاجين وقت .. )
الشرطه..( اسمع اخ ثابت .. تحسبن لاي شيء خذ هذا الاكل والماء وخلوه عندكم .. )
ثابت..( ان شاء الله بس ماتقدرون تطلعون البنت اللي معاي ... )
الشرطه..( بنحاول نطلعها وبعدين نطلعك )


نادى الضابط على اثنين عشان يساعدون يفجون باب اللفت اكثر .. كانت الفتحه صغيره .. بس كان ممكن تطلع ود منها ...


ثابت..( تعالي برفعج عشان يسحبونج هم )
ود..( مابا اول خل يطلعونك )
ثابت..( شو تقولين انتي ماسمعتي الضابط .. شو يقول ... في خطر على حياتنا )
ود..( وفي خطر على حياتك اكثر ومع ذلك مابا يا اطلع وياك يا اتم وياك )
ثابت..( اسمعي الكلام يا ود .. لا استعمل معاج القوة .. )
ود..( ماتروم ... )


حاول يسمكها ثابت عشان يرفعها ويسحبونها الشرطه .. بس صراخ ود وعصبيتها ومقاومتها لثابت خلت اللفت يهتز ويغير من وضعه اللي نزل لين الدور العاشر وتم متعلق ..


ثابت..( اللهم طولك ياروح شو هالحركات .. لو سامعه الكلام كان اللحين انتي برع ... )>>> وكان شكله صدق معصب عليها .. وده يذبحها
ود..( قلت لك مابا .. شو انته رقدت شوي بغيت تموت ... كيف اخليك ... )
ثابت..( ود اسمعي الرمسه ... اللحين بيحاولون يطلعونه ارجوج طلعي ..ولا تسوين جذيه .. انتي اكيد بنت ناس .. واللحين تلقين هلج يانين .. )
ود..( ما اضن اول شيء ابوي مب في البيت ... ورايح رحله ويتحسب اني عند امي .. وامي انا ارسلت لها مسج امس ... قلت لها اني مابرقد عندها لاني كنت بسوي لها مفاجئة ... بس التاخير في دوامي والدكتورة نسوني اتصل فيها ... وعلى ماتشوف )
ثابت..( ليش امج في بيت وابوج في بيت )
ود..( ايه هم منفصلين من 18 سنه ... من كان عمري 5 سنوات ... )


سمعوا اصوات ناس ... وحد يحاول يفتح الباب .... بس بدون فايده ... حاول الضابط انه يكلمهم ..

الشرطه..( اخ ثابت انته هني ... انتوا بخير ... )
ثابت..( ايه بخير .. شو صاير ... )
الشرطه..( السستم الخاص بالفت .. مب مخلي الابواب تتبطل ... وارسلنا لخبيرنا عشان يحضر ويشوف المشكله عشان نفتح لكم الباب ... تبون شيء .. نبلغ أي حد شيء .. )
ثابت..( ود ممكن تعطيني رقم ابوج او امج عشان يتطمنون عليج )


عطته رقم بيتهم .. نست انه ابوها مب موجود وعطى ثابت الرقم للشرطه .. وطلب منهم الضابط انهم مايتحركون عشان .. اللفت ما يغير مكانه او ينقطع الحبل .. فيصير شيء هم مايتمنونه ...

يتبـــــــــــــــــــــــع




ماشاالله انا انزل القصه لنفسي وين اعضــــــــــــــــ:36_1_28[1ـــــــــــــــاء المنتدى ...

[علمني وشلون أنساك]

مشكووووووووووووووووووووووورة وننتظر البقيه...

[جنوني]

تســــــــــــــــــــلم علمني على المرور..