االمعنى
07-04-2005, 10:46 PM
السلام عليكم
كيف حالكم عساكم طيبين والعون والعون الله يعينكم ويسلمكم ان شاء الله
ما به إلا عفاكم(والله لا معك إلا علم عيفه ) بساطه في خيتنا لا عليل ولا مريض
من الدوام على البيت ومن البيت على الدوام إلى يوم الأربعاء فأيني اعود اروح الديره
قلت واسير اسلم على الشيبان( سلموا من شرك )
وقلت واتمشى وعلى قولة الأولين حي ومقضى حايه
وفيه شايب وكهلته من القريه ما معهم انسان قلت واسير اسلم عليهم
وأشوف اخبارهم عساهم طيبين ( ما عليهم دول إذا أبعدت عنهم )
شيبان يالله حسن الخاتمة
الشايب عاد عمره فوق الميه و السبعين والكهله ما هي بالبعيد عنه
رحت لهم بعد صلاة المغرب علشان الحقهم قبل ما يرقدون
المهم رحت سلمت عليهم وقعدت تقهويت معهم ولا معهم قرص مقلوب في الطاوه
وشوية سمن ( الله واكبر عليك يا ذا الدوع خل عشاهم لهم انت سرت او تسلم ولا تأكل عشاهم )
وهم مساكين يتعشون بعد المغرب مباشره تعشيت معهم وجلسنا نشرب الشاهي
وشغلنا التلفزون ما نتلفت في التمثيليه ( المسلسل)
الشايب ما شاء الله عليه نظره 100% بس مشكلته في السمع عاد شويه
الكهله والله يا نظارة عليها ماذا اقول والله اني ما ادري كيف ما تشتلها من كبرها
الله يكون في عون هذا الكهله لكن سمعها تسمع ولو الهمس بين اثني في اخر المجلس
ماشاء الله عليها بسم الله عليها الله يمنها بأمانه
المهم وحن جالسين نطالع في المسلسل إلا فيه واحد في المسلسل وزوجته بينهم ذي لا ترقع
وتعال صكها هذاك الكف اللي اقتلبها على طولها في الحدبه
فإنقز يالشياب وده يغيض الكهله يوم انه يبصر
قال ( الله الله من كف صقعها هذا المطلق لهذا المحرومه اللي امتحنته
فردي عليه يالكهله اسرع من لحسة الثور انفه زيد او تغيضه
( قالت مني سمعت صقيعه والله ان تقول انه باب السلفة حقتنا
اذا صقعت به النيديه والله انهم يسمعونه من الظهاره الله يعطب يده عليه
ماذا او يضربها له مسكينه ماذا عبيت به
فإنقز يالشايب( إلا تستاهل الملعونه امتحنته كل ما دخل البيت عساني عيد يده
وبعدين وش دخلك انتي منهم )
فانتفري يالكهله ( انكم كذيه يالرياييل ما تهبون ندكم إلا على النسوان الله ينصرنا عليكم أهلكتونا بالضرب
والصايح والشحنه )
قال الشايب ( انفروا بتيه والله انك إن لم تسكتين اني لهب لك واحد مثل ذا ياء للمحرومة
ذي قبيل هيا انكتمي زيد انتي )
فاغتاضي يالكهله ( ماذا اوتصكني له الله يفضحك على شيبك علشان التمثيليه
والله اني ما اعدت اقعد معك دقيقه واحده والله لا قد صبر عليك واحد مثل ما صبرت عليك
ام إلا هي تيه تاليتها )
واغتاضي يالكهله وقامت اخذت بقشتها وقامت على الهيشه او تفتكها
المعذره منكم نلحق لكم القصه بعدين
[line]
ترقبوا الجزء الثاني
والأحداث الغريبه والمضحكه في نفس الوقت وكيف
اني صرت مصلح اجتماعي
لا تنسون ولا تروحون بعيد ترقبوا الجزء الثاني
كيف حالكم عساكم طيبين والعون والعون الله يعينكم ويسلمكم ان شاء الله
ما به إلا عفاكم(والله لا معك إلا علم عيفه ) بساطه في خيتنا لا عليل ولا مريض
من الدوام على البيت ومن البيت على الدوام إلى يوم الأربعاء فأيني اعود اروح الديره
قلت واسير اسلم على الشيبان( سلموا من شرك )
وقلت واتمشى وعلى قولة الأولين حي ومقضى حايه
وفيه شايب وكهلته من القريه ما معهم انسان قلت واسير اسلم عليهم
وأشوف اخبارهم عساهم طيبين ( ما عليهم دول إذا أبعدت عنهم )
شيبان يالله حسن الخاتمة
الشايب عاد عمره فوق الميه و السبعين والكهله ما هي بالبعيد عنه
رحت لهم بعد صلاة المغرب علشان الحقهم قبل ما يرقدون
المهم رحت سلمت عليهم وقعدت تقهويت معهم ولا معهم قرص مقلوب في الطاوه
وشوية سمن ( الله واكبر عليك يا ذا الدوع خل عشاهم لهم انت سرت او تسلم ولا تأكل عشاهم )
وهم مساكين يتعشون بعد المغرب مباشره تعشيت معهم وجلسنا نشرب الشاهي
وشغلنا التلفزون ما نتلفت في التمثيليه ( المسلسل)
الشايب ما شاء الله عليه نظره 100% بس مشكلته في السمع عاد شويه
الكهله والله يا نظارة عليها ماذا اقول والله اني ما ادري كيف ما تشتلها من كبرها
الله يكون في عون هذا الكهله لكن سمعها تسمع ولو الهمس بين اثني في اخر المجلس
ماشاء الله عليها بسم الله عليها الله يمنها بأمانه
المهم وحن جالسين نطالع في المسلسل إلا فيه واحد في المسلسل وزوجته بينهم ذي لا ترقع
وتعال صكها هذاك الكف اللي اقتلبها على طولها في الحدبه
فإنقز يالشياب وده يغيض الكهله يوم انه يبصر
قال ( الله الله من كف صقعها هذا المطلق لهذا المحرومه اللي امتحنته
فردي عليه يالكهله اسرع من لحسة الثور انفه زيد او تغيضه
( قالت مني سمعت صقيعه والله ان تقول انه باب السلفة حقتنا
اذا صقعت به النيديه والله انهم يسمعونه من الظهاره الله يعطب يده عليه
ماذا او يضربها له مسكينه ماذا عبيت به
فإنقز يالشايب( إلا تستاهل الملعونه امتحنته كل ما دخل البيت عساني عيد يده
وبعدين وش دخلك انتي منهم )
فانتفري يالكهله ( انكم كذيه يالرياييل ما تهبون ندكم إلا على النسوان الله ينصرنا عليكم أهلكتونا بالضرب
والصايح والشحنه )
قال الشايب ( انفروا بتيه والله انك إن لم تسكتين اني لهب لك واحد مثل ذا ياء للمحرومة
ذي قبيل هيا انكتمي زيد انتي )
فاغتاضي يالكهله ( ماذا اوتصكني له الله يفضحك على شيبك علشان التمثيليه
والله اني ما اعدت اقعد معك دقيقه واحده والله لا قد صبر عليك واحد مثل ما صبرت عليك
ام إلا هي تيه تاليتها )
واغتاضي يالكهله وقامت اخذت بقشتها وقامت على الهيشه او تفتكها
المعذره منكم نلحق لكم القصه بعدين
[line]
ترقبوا الجزء الثاني
والأحداث الغريبه والمضحكه في نفس الوقت وكيف
اني صرت مصلح اجتماعي
لا تنسون ولا تروحون بعيد ترقبوا الجزء الثاني