بنت وليل

[العجــلان]

بنــت ولـيــــــــــل

وش تبي مني تقوله 00؟ قلت مابي تزعلين
جيت في بالي قصيده واستحـيت أقولــها
قالت أسمع 00 قلت ما تنقال وأحنا واقفين
السكــوت أبلــغ من الكلـمه ومن مدلولــــها
قالت افهم وش تبي ومن أنت قلت اللي تبين
قالت أخلص قول وأترك الاسئله وفضولـها
قلت أبي بالضبط مدري00! بس وش تتوقعين
قالت الظاهـــر عطيتك وجه قلت أصولــها
ضف وجهك قلت ماهو قبل اشوفك تضحكين
مارســـي حرية التعبـــير قبل احصولــــها
صدق ذا مايستحي قلت استحي لو تستحين
لابستلـــي مثل طفـــــله ضيعــت مريولــها
ليل وأنتي نازله للسوق وحدك تاخذين
العقــــــول وغالبيتنا بنصـــف عقولــــــها
جتي أكملتي عاى الباقي ورحنا فاقدين
مشكـــله وأنتي سببهـا دوري لحـلولــــها
بنت مطنوخه كلها غلا وحيدة والدين
عطرهــا وحده يحير من يجــي من حولــها
لعنبوك أنتي سؤال صدق والا تمزحين
أقتلــي فيني الاجابه وأبطلــي مفعولــها
بس00! مزيونه ومجنونة دلع وتهــــبلين
مابقى غير القصــيده فيك تاخذ طولـــــها
نفسي أشوفك وأنا مبسوط وأنتي ترقصين
قلت لك عندي قصيده وأستحيت أقولــها[/poem][/poem]

[أبو ريان]

جميل جداً ما سطرته أيها العجلان

مشاركة مميّزة ورائعة

[الأشقـــر]

بنت وليل ....ولد ونهار

أحسنت أيها العجلان

وننتظر مشاركاتك الرائعة

إن شاء الله في الساحة الريا ضية

[المسكت]

العجلان
إذا هذا وعجــلان وش تبي نسوي
رفقاً بالمشاعر فهي لا تحتمل


صح لسانك والله مليون
ولا يكفون وهلا فيك

المسكت



_


مع ملاحظه نقل القصيده
الى الشعر وعطر الكلمات

[سعودي جنوبي]

أحسنت أيها العجلان كلمات رائعة بروعة حضورك ولا تحرم الموروث الشعبي من جديدك

[العجــلان]

الاخوان ابو ريان..الأشقر..المسكت..سهيل الشرق
أشكر لكم قراءة مشاركتنا المتواضعه
وتقبلوا خالص تحياتي